今晚去左街食飯無煮飯，無煮物可以寫..但我要寫我家大少..
很久沒有專登寫他了，他的專欄亦很久沒有更新了..
眾所周知我家大少熱愛手提電話，同大部分男人一樣..
巡視各大電話舖是他Shopping的最大樂趣呵!!!
經常提議送禮物給我，但只是限於電話者!!!
有時迫我接受他的舊手機，有時又會好慷慨地話幫我換手機!!
叫佢做既野永遠唔記得，但叫佢幫我轉Plan就唔駛提都記得!!
可能..甚至有時唔駛叫他做，佢已經自己做左啦!!幾快手呀!!
下月中我既手機無限上網已經到期，如果要繼續要比雙倍錢!!
要成$500!!!大少最近不停游說我轉電話號碼....唉..煩呀!!
可能我下月開始無得無限上網既啦!!!我要有限地上網啦!!
我家大少既電話陣容，到底一個人點解可以用咁多電話既呢!!!
睇完之後，我覺得我買LC煲一啲都唔過份囉!!我可以繼續買...
相信無人對這個颱風"納紗"有所期望過..我亦是!!
凌晨五點我家大少仍未瞓，然後刻意通知在沉睡既我..
掛上八號這個大消息，真係唔該晒大少啦..嘻嘻..開心!!
早上五點才掛很明顯我唔駛咁早起身返工啦!!
實在太開心啦，繼續繼續瞓，只要捱過十二點就全日唔駛返!!
突如其來得到一日多出既假期，所以我沉睡左全日!!
瞓醒已經係三號風球囉!!夜晚食外賣飯盒，唔係無存貨，只係懶得煮!!
晚上，有妹妹吩咐我做既工作，寫帖!!寫帖!寫帖!寫帖!再寫帖!
噢!!呢個年代仲有人要用人手寫帖，而偏偏這個人是我喎!!!
雖然數量少{因為這原因才不印要寫}，但也寫得我手也酸!!!
繼續繼續寫返西餐班既食譜!!今次可以一次過寫晒出黎呀!!
首先係︰咖喱蝦仔飯沙律，聽到既配搭我地都覺得好騎厘!!
用飯黎做沙律..凍既冷飯.仲要加咖哩粉，又加沙律醬..
阿Sir話咩唔得呀，做沙律既野，鍾意落咩材料咪落咩囉!!
由阿Sir自己一手處理，我地在旁細細聲討論.."得唔得架"??
但結果味道出乎意料之外喎，又幾好食架喎..真係估唔到呀..
如果以後屋企有冷飯剩低可以用黎整呢個喎..
咖喱蝦仔飯沙律食譜
材料
* 中蝦 / 白飯 / 西菜絲 / 蕃茄片 / 提子乾 /
炸乾蔥
醬汁
* 白醋 / 咖喱粉 / 芒果醬 / 沙律醬 / 檸檬汁
製法
* 飯煮熟冷凍，加入白醋調味
* 乾蔥切片下油炸撈起備用
*
蝦烚熟去殼，用鹽，白胡椒粉，白籣地調味
* 將咖喱粉+凍開水，芒果醬，沙律醬，檸檬汁放入碗水調勻成醬料
* 將蝦及白飯放入醬料內調勻
*
最後生菜墊底，沙律置中，蝦放上面
* 上面撒上提子乾，炸乾蔥，蕃茄伴碟即成
心得
*
在烚蝦水內放入少許紅蘿蔔/西芹/月桂葉/檸檬片，真的很香很香!!
*
因為阿Sir比既食譜份量是20人用，所以我無寫出黎，自行調味好了..
然後整公爵夫人薯蓉，我一向不愛薯仔產品，薯蓉興趣不大..
我只係想做唧花果刻者..我唧ing..我隻手呀..
我的薯蓉唧花..靚...靚..靚..
公爵夫人薯蓉食譜
材料
* 薯仔 / 蛋黃
調味
* 鮮牛奶 / 牛油 / 鮮忌廉 / 幼鹽 /
胡椒粉 / 荳蔻粉
製法
*
薯仔去皮切角，洗淨，烚約10分鐘
*
薯仔淋後隔水，加入牛油攪勻
* 用任何工具壓成薯蓉
* 加入鮮牛奶，鮮忌廉，幼鹽，胡椒粉，荳蔻粉攪勻
*
試味，用唧袋唧成花型，塗上蛋液，放入已預熱的焗爐內烘黃即可
最後係整韓式雞肉串，好味道，雞串雖大但有汁..
友人個個整左靚甲，唯有我黎負責串啦，佢地就狂幫我影相囉!!
真係多謝晒佢地啦，平時好少放自己既相，今次破例下以謝您地..
串完既樣，我覺得唔錯喎!!然後攞煎，再焗就得啦!!
今晚既晚餐係每人一串雞肉串燒，同埋自己既薯蓉花..
韓式雞肉串食譜(4人份量)
材料
* 雞脾肉 1.5磅
醃料
* 韓式燒烤汁 2湯匙
* 生抽 1湯匙
* 老抽 1湯匙
* 砂糖 1湯匙
* 味醂 1湯匙
* 芥末醬 1茶匙
* 幼鹽 0.5茶匙
* 生粉 1湯匙
製法
* 雞脾肉解凍洗淨瀝乾，加入醃料攪勻醃30分鐘
* 將已醃好的雞肉穿上竹籤內
*
先將雞串放入平底鑊兩面煎封
再放入已預熱的焗爐焗200度焗5-8分鐘即可
