鑄鐵‧鹵水雞翼

我諗我仍然未摸熟LC煲既煮法..

我依然用以往舊有方法去煮鹵水雞翼..

結果還餘下很多的汁料..

以前啲會被煲得乾晒的..

我係唔係又落得太多汁呢..

但唔蓋過雞翼又好似唔得咁播!!!

餘下很多汁放棄掉好像很浪費喎..

我需要繼續努力研究我的鑄鐵食譜囉..嘩哈哈..

還有飯後甜品..

大板回來的香甜蜜瓜..真係好好味!!!

蒲頭啦‧菇肉片

我繼續我的煮飯生活啦..

我那位在日本失蹤左八日既妹妹終於返黎啦..

去到科技發達既日本竟然話無地方上網喎..

真係豈有此理呀...攪到我同大少差啲要去報警..

嘻嘻，講下笑者..如果佢地再唔蒲頭就好難講啦!!

我同大少既晚餐..菇菇肉片..

鎖水‧苦瓜排骨

我的煮飯生活返黎啦..

放工後，急急腳地抽住一袋餸，回家趕緊煮..

平日晚餐儘量以簡單的配搭..

星期日買了苦瓜回家，最後無煮到..

今晚一於用LC 20cm煲炆排骨..

果然又快又靚，的確很好鎖水喎..

我還加了少少水，原來唔需要再加水..

下次我會醒目啦!!

吃不完‧水煮烏頭

11月所有忙碌大事已經完成..

這個星期日終於得閒呆在家中..

連久未開爐既廚房也再出煙火啦..

中午閒在家中補看電視劇集，嘻嘻..我是標準電視迷..

正正常常不太差的電視劇，我有時間也會看看..

是日睇了其中一集"May姐有請"，薜家燕小姐教了一道烏頭..

做法不難，剛巧看見超市有得買，買回來試試看..

第一次煮烏頭這種魚，亦第一次用水煮方法煮魚..

可惜味道偏淡，不知道問題出於魚處，還是煮廚事呢!!!

我只知我家大少不欣賞，一條魚也吃不完呵!!!

是晚太空閒可以一直閒著坐在電視前睇巨聲誕生...

因我家大少霸住在電腦前，我唯有睇電視是也..

富貴BBQing

雖然我在病中，不過也好得七七八八了!!..

今天一早約左的富貴BBQ約會，對呀，是富貴的!!

這個富貴BBQ起碼說了三年了，至今才可以兌現..

但我居然不在狀態喎，就算病都要去呵!!!

辛苦主人家的忙，由買野到當晚，我只繞手等食咋...

與不同人總有不同的要求，今次的主題是富貴BBQ!!

食物質素要高，有別於以往的腸仔..雞翼..

所以我要好好介紹我地啲野食至得...

串燒︰菠蘿雞串，煙肉蕃茄串，仲有牛肉芝士串...

新鮮海蝦，象拔蚌...鮮甜得不得了..
羊扒，厚身牛扒，邪惡的魔鬼腸...

法包，薄身及厚身牛扒均有，還有我要求的菠蘿...

大花甲，"暗春"同"暗春蛋"喎..

名正言順的炭燒厚身牛扒，真的真的很很好味呀..

正在燒的牛舌...同大啡磨..

這BBQ方法真的大棒了!!!

今次真係好好好味，好多好野食..食得呀!!!

我今晚居然無食過雞翼喎...

唔知下次幾時再有機會來一次富貴BBQ呢..

試衫模特

我很無用地，又再次病了!!..

喉嚨痛，然後演變至變聲中..

我要好好好番呀!!

前陣子還未凍時，同小包去入冬裝..

試衫小包也要做Model喎..叫我影相!!

弊..弊家伙

弊..弊..弊家伙..

我竟然唔記得左我家大少既農曆生日添!!

當生日過後，大少才自己說出這日子，我才驚覺..係喎!!

在Facebook留言等大少知我想想做些什麼彌補番..

哈哈..平時唔會留言比我既大少..竟然..稀有地留下."哎...."

嘻嘻...呢件事令我悟出一件事︰就係我農曆生日前一日要通知大少喎..

我同大少生日只係相差唔夠一個月...嘻嘻..快到了!!!

所以今晚遷就我家大少食佢最愛既打冷囉...

煮‧生菜魚肉湯

十一月真係超級繁忙呀..

我差唔多已經成半個月多沒有煮飯啦!!

由我買LC煲第一日開始我就話要炆牛腩..

可惜至今仍未付諸實行..因為每個假日總有事忙..

24CM的LC煲沒有用來炆牛腩，反而用黎煮左一次..

生菜魚肉湯..喎..

我家大少不喜歡把生菜切成條狀，喜歡一片片的..

小妹囍日

19.11.11.終於等到呢一日..

我家小妹出嫁既大日子啦，終於終於都到左啦!!

當姐姐的我衷心希望他倆永遠幸福快樂..白頭到老..

雖然我不是當天的主角，卻被安排不少工作!!..

所以很忙無法親手拍很多很多的照片..

可愛的小包居然在這重要日子病倒了..

不過依然不失其可愛本色，由早上支持到晚宴過後..

在婚宴突然出現的特別嘉賓...驚喜..

受歡迎程度不遜於新郎哥喎..大家都爭著拍照..

燭光晚餐

18.11.11.10.這組為一個很值得紀錄日子!!..

雖然我同大少都係放假，但因為我地根本沒有計劃去哪裡..

所以瞓至自然醒已經係十二點啦..然後等大少左磨右磨!!

最終我地向兩點鐘至可以出門口囉!!!

沒有已訂既計劃，隨心所慾的..我要求食燭光晚餐!!

係呀!!我每年都要求行沙灘食燭光晚餐!!但大少無一年騷我!!

今年大少居然無反對我，仲主動上FB留言問人邊度食燭光晚餐好...

可能大少係轉死性，同我山長水遠入西貢食飯!!

大少成晚都話食海鮮咪好囉，食咩燭光晚餐呀!!

但我堅持唔想遷就大少，我要食燭光晚餐!!!

結果我選擇了西貢市內一間小小的餐廳..

頭盤係我愛既生蠔...我同大少第一次一齊食生蠔咋!!

配合大少咁想食海鮮..叫呢個燒海鮮拼盤..

主菜係牛扒..

呢杯好好味既特飲..

睇啲相就知道環境係幾咁暗...

係咁環境下，大少竟然唔理我，玩FB，真係激死我..

第一次‧Gel Nail

為左迎接我家小妹大婚日子我都好似變得好忙!!..

每晚都有節目，今晚我整左第一次既Gel Nail..

回到家已很累了..

西餐班 │ 第九堂

不經不覺我的西餐班已經第九堂啦!!..

上星期二因為去飲，錯過左最精彩既牛扒..

仲有我最愛既甜蕃薯，嗚嗚的..

今日整左蝦仔紐砵薯茸!!個汁好好味喎..

味道有啲似平時街上食的所謂龍蝦汁..

但我地無落過龍蝦，蝦等物體喎..

另一個燴牛脷..第一次見成條牛脷既樣..

同平時食既燒牛舌唔同樣既..

配埋麵條一齊食..

不要以前是寬條麵，其實係壽桃牌全蛋麵..真係估唔到呢..

大閘蟹餐

最近太太太忙了，很久很久沒有更新了!!..

每日放工都好似總有約會，不得直接回家似的..

星期五晚相約了包嫲去東海食大閘蟹..

全家人都好鍾意食大閘蟹，唯獨我一般啦!!

不過因為包嫲鍾意所以我也要豪一豪..

連我家可愛的小包也一齊出席..

訂位八點，去到時發現八點入坐每位平三十..

我地當然係要等一等啦...

小包當然係有得睇..無得食蟹啦..

小包可以食套餐內的烏冬囉...

無得食都要玩下囉..唔該比番食蟹我呀!!

唔該晒喎!!

蟹粉多士吃了一口..還我..

表妹結婚日

恭喜!!恭喜!!恭喜!!恭喜!!恭喜!!..

今日係表妹嘉嘉既新婚之喜，籌備超過一年的婚宴..

一個幸福滿瀉的婚禮，一對新人笑到見牙唔見眼!!

除左一對主角之外，我地身邊當然還有另一個主角啦!!

可愛小包著住粉紅色既紗紗裙，好得意呀..

小包由朝踩到晚，雖然好攰，但無扭計，好乖...

一直玩，不停食，一直玩，不停食，一直玩，不停食..

今個婚禮令小包學識左結婚係....錫錫..

完美的一天，遺憾的是妹妹未能參與!!

期待下星期..妹妹的婚禮..

那些年，吃過的雪榚蛋榚

那些年，我們一起追過的女孩勻起各人心中的那些年..

這邊的表表們貼了那些年，我們一起渡過的童年!!

嘩，那些相我從沒有見過呀，還是第一次看見過!!

真令人回味，轉眼間大家已經長大了，漸漸成家立室了..

今晚我也在回味..那些年，我們一起吃過的雪榚蛋榚..

之前曾在網絡上看見友人登過，知道它再度出現..

可惜..一直也買不到，曾經有一次在旺角見過，但無法帶它回家..

今天終於可以在家回味這種味道!!

未吃之前已經忘記那種味道，但現在卻想起了..

小包郊遊燒烤樂

秋高氣爽最好去郊遊下，一早安排同小包一齊去燒烤樂..

點知今日好熱好熱呀..我地仲去入西貢郊野公園添呀!!

天氣係好晴朗呀，不過亦都好熱啦!!

差唔多三點鐘才買齊野到達目的地..

小包好好好勇躍地要幫手，真係好幫手啦..

最鍾意係攞住樽蜜糖周圍走囉!!

沒有食午餐既小包已經好肚餓啦..無奈地..
哥哥既開爐技術..令我地苦等多時呀..

 

雖然小包好肚餓，但堅持自己燒腸仔..
呢碟腸仔係小包由頭到尾親手自己燒既腸仔，燒得好靚呢..

所以小包食得特別地滋味!!

小包亦只係燒左一次咁大把者，然後周圍去玩!!

原本我地準備左飛箏，可惜今日一啲風都無喎...

 

 

Mr. Steak

一年兩次既公司部門聚餐終於到左!!

真的不明白為何每次聚餐總有一位同事正在大肚..

這個情況已經維持左好幾年啦!!哈哈..

今次選址再次黎Mr.Steak，對上次黎已經係兩年前了..

黎呢度最大既原因為了食生蠔..無錯!!

結果我不負所望食左一打生蠔呀!!勁呀!!

蝦刺身與鮑魚..

蟹腳，真真正正既蟹柳..

另一重點係鵝肝同和牛!!

這個不是我吃的心太軟..我對這麻麻地!!

不會很甜的牛乳布丁..

真的食得太滿足了!!一打生蠔喎!!

那種海水味至今仍然停留在口腔中..回味著!!

希望我不會肚痛啦..