龍。發新年財

年初七，人日，人人生日!!

今日我地有家族聚會...

嘻嘻..當然麻雀耍樂是其中一環啦!!
今日的我手風特別順便..最後一家蠃三家..
真係無乜幾何有機會蠃千幾蚊呀!!!
總算向龍年發了個新年小財呀..
真開心...
晚餐是外賣聚餐..離不開壽司，PIZZA咁啦....

最後，附上可愛小包相..

龍。演唱會中

年初六開開心心睇演唱會!!

開始時沒有諗過去睇..

後來朋友去買飛順便幫我同大少買埋飛..
我呢啲90後既中學生，讀書時代就係聽華星..
全部全部都係我們的那些年啊!!

龍。開工大吉

年初四開工大吉!!

眨眼間農曆新年假期已經過完啦..

話咁快就已經要返工啦..真不想!!
向咁寒冷既天氣下咁早起身返工..
雖然係龍年第一日開工..
但仍然有好多野等住我去做..
不過開工第一件事..梗係..梗係..
要向董事長同總經理豆利是啦!!!
哈!哈!!

龍。初一拜年

年初一!!龍年第一日!!

祝您龍年大運，身體健康，心想事成，豬籠入水...

賺到盆滿砵滿呀...中六合彩，百發百中!!
年初一著到全身著到紅當當既小包..

三歲既小包..已經識得賺利是..去買糖食!!

不過小包只係揀啲佢鍾意既利是封..
佢唔鍾意既利是封佢可以送左比您..
佢仍然未識得分別內裡銀紙既重要性...
小包同我講︰您唔比利是我，我會唔開心既喎..哈哈!!

食龍蝦團年飯

我終於捱過左沉重既工作，等到放假啦..

年廿八放假放假，原本打算在家煮團年飯..
其實係我同大少兩個人既團年飯呀!!!
不過結果我懶洋洋地昏睡了..好十幾個鐘..
然後，大少又話不如落街食飯啦..

簡直係助長我唔駛煮飯既欲望呀!!

話晒係都係團年飯呀喎..我要食龍蝦!!!

大少就叫左菜膽雞..

還有，西洋菜湯..

現成的‧蓮藕餅

最近既我真係無咩煮飯靈感..

是呵!!我毫無想整新菜色既心情..

最近唯一的一次煮飯，也是煮現成的..
這是現成的買回來，我負責煎熟既者..
說真呀..如果係我親手整既蓮藕餅又點會咁買咁靚呀..

我好像愈來愈不像話了!!
我唔知幾時會重拾整新菜色的動力!!

唱新銀紙

最近既我只可以用一個字來形容...忙..

工作忙，家務忙，應酬忙..
忙得所有有關新年既野都無處理過..
無買揮春，無買乜榚乜榚..當然屋企連全盒都無..
唯一..一樣我仲記得要唱新銀紙包利是!!
據聞很多人去銀行排隊唱新銀紙...
好彩..我家族內有人向銀行做，每年都有專人幫手..
正所謂"朝中有人好辦事"，我輕而易舉就唱到紙..
不要誤會，圖中的錢唔係全部都係我既...
我未至於要派既多利是!!!..如果係..我會想死....
如果全部係我既幾咁好呀...

大掃除‧腐竹蛋

原來原來只餘下一星期就新年了..

雖然很不想..亦很不願意做家務..
但我還是要做家務呵..家裡真的很多塵!!
今天全日都沒有外出..兩餐也是靠外賣送到..
今年新居住不足一年..所以清潔起來亦較為容易..

經過一番一番的努力後，家裡也回復整潔..清潔過後..
整個人都不想動了，真想來一碗熱辣辣的糖水呵..
為何在家裡煲的腐竹糖水總不像外買的，可以煲得溶掉晒..
究竟腐竹如何才可以煲得溶掉晒...

團年飯夜

公司工作堆積如山..簡直係忙都爆炸呀..
我呢一個月以黎真係用左好好好多腦細胞..
雖然已經接近年尾，但我部門仍然未可收爐..
個爐燒都澎澎聲..仲不斷地加柴添呀..
真係唔知要忙到幾時呀..

今晚我家族食團年飯..
食得好飽呀..小包又表情多多!!

健康啲‧西多士

上星期十一點放工，有半日補假!!

今日大少放假所以我揀今日一齊放..

原本大少話約友人一齊去樓下會所打保齡..
然後夜晚一齊去燒野食..所以我放假..
但最終係大少同人去打保齡..然後再打羽毛球..
我就留向屋企睇..台劇..追劇..喜歡李大仁!!
下午茶有自製西士多..用蛋煎方法..健康多了..
之前小包黎寄居期間我都整過佢食..小包都話好食..

是日晚餐一齊去火鍋，突然間諗起..
2012年至今11日內我已經第三次火鍋..
真係好過份呀!!!

紅色蝴蝶髮夾

之前睇見朱太幫小兜整蝴蝶髮夾!!

我毫不客氣地開口問朱太要..

我請佢整一隻送比小包..

我只係要求要紅色，唔要藍色者..

估唔到咁快收到製成品啦..

朱太親手造給小包的紅色蝴蝶髮夾..
很美..唔知小包見到會唔好鍾意呢..

被影響‧煲煲湯

星期一工作一直都很忙很忙!!

沒有煮飯的打算，晚餐打算好食麥當當..

剛巧，在車站踫見好友，結果我地傾左成程車..
好友打算晚餐麥皮，並且打算煲湯..
我就打算食麥當當，從沒打算煲湯..
誰知..我們在一程車互相影響下..互相改變..
她放棄食麥皮，轉食麥當當..但繼續煲湯..
我繼續食當當，但臨時決定走去煲湯煲湯..
是呵!!被她一說，我又突然好想飲湯..
臨時臨急..走去超市..買一包咩都整好的湯包..
回家煲..
青紅蘿蔔排骨湯..

看..我原來這樣容易被人影響得到..

LC24‧沙白鍋

一早講左呢個星期六日不外出!!

不過我家大少話陪我出街食飯..

所以我起身梳洗然後落街吃飯..
既然已經落左街咁我就順便買點東西吧..
突然間很想食蜆..係呀..我成日煮既菜色..
今日突然又想食起來，雖然今天的沙白很小顆..但唔理呀..
想食..想食..以往我都是在夏天配合勝瓜而煮..
好少向冬天煮..冬天沒有勝瓜..所有換左娃娃菜來煮..
不是每次也落粉絲的，但今日下了..因為今日想食..
我好少用我的LC24煲，我成日覺得唔知點用佢好..
今次就試用LC 24cm淺藍色的煲來煮..很配合..
煮好可以原煲上枱..很方便呵...

Al Dente Lunch

放左好多假後再返工!!已經工作了好幾日!!

放得太耐的假差點兒連電腦密碼也忘記了!!

今日要OT工作呀..預計係晚上十點鐘..
所以今日LUNCH好好的吃，吃一個豐富的午餐..

結果今晚係晚上十一點鐘才放工呀..
在這麼寒冷的天氣下回家時真很冷..
回到家沖完涼瞓醒又起身返工了!!

繼續‧火鍋

元旦日翌日!!2012年的第二日!!繼續放假!!

今日係我的假期既第十日..亦係我最後一日假期啦..

我要好好享受我這最後一天消遙假期呀..

不要去買餸，不要去煮飯，只做我想做既野..

起來時翻看了"天與地"大結局了..然後晚上又睇大結居..
我真的不明白為何佟本善的結局是這樣的!!!

晚餐是昨日元旦火鍋的剩餘物..

小包向度時真忙真吵..但小包一走又覺得家變得冷清了..

元旦火鍋聚

元旦日!!2012年的第一日!!繼續放假!!

今日係我的假期既第九日..亦係小包寄居第七日啦..

大少依然係放假中，大家一齊大覺瞓呀..

可惜小包唔會瞓好耐呢..我被迫要起身啦..

元旦日一早相約一大班人來我家火鍋..
於是乎，我地一齊去買餸，買肥牛..買海鮮..
買左好多好多野..然後返屋企洗洗切切..
終於有得食啦，不過因為我實在太忙啦..
所以我無乜時間可以慢慢影相...

無得埋位打邊爐既小包咪唯有周圍玩..
今次變身為小包吉蒂呀..可愛嘛..
今晚播天與地大結局..可惜我無乜機會影!!

今日小包被包媽接回家了!!我的湊包生活結束啦...

我終於可以休息下啦，我既假期只剩返一日咋..