正氣‧梅菜豬肉

這個八月份真的不好過..
八月頭..聲帶發炎病了..
八月中..在家無端端夾親隻腳趾尾..
八月尾..我又再次失聲了..

腳趾尾在著鞋時，仍然隱隱作痛..
被大少笑我笨手笨腳..唉..
當我月頭病好時，又輪到家中大少病..
連帶埋我又再次失聲中..唉..

這個八月份真的不好過..希望我九月會否極泰來啦...嘩哈哈..
失聲中的我，好多野都唔食得呀..
為失聲中的我最適合食的梅菜蒸豬肉..
最正氣啦卦..

小包幫手洗菜

星期六小包又黎左我家渡假
呢個係暑假前最後一次了..
之後就要開學了，唔可以再個個星期黎..
快四歲既小包認為自己已經大個了..
所以好多時小包都要幫手做家務..
晾衫時..小包要幫手一齊晾衫..
掃地時..小包要幫手一齊掃地..
煮飯時..小包要幫手一齊煮飯..
洗菜時..小包要幫手一齊洗菜..

當我洗菜時，小包堅持要幫手一齊洗菜..
我唯有好好咁教小包點樣挪開啲菜，點樣洗菜..
點知..小包孜做得似模似樣..有板有眼..
真係抵讚呀...

超好味魚生飯

星期五食左個好好味既午餐..
雖然這個魚生飯已不是第一次寫..
但真係實在太太太好味了..
而價錢亦一次比一次貴呀..
由我最初食既時候，只不過是一百元..
到而家已經加左幾次價..而家要HK$145..
好明顯這食店，選擇加價而保持食物水準..
其實呢個價錢真係好貴，但又真係好好味..
我諗我仍然會去，不過要隔耐啲至可以去囉..

今日放工又相約左小包..
去左食小籠包，然後一起回家了..
這個星期小包又黎渡假啦..是暑假前最後一次了..

砌餐車

今日奉命要去照顧小包..
放工要直接去包嫲屋企..
小包已經等緊我啦...首先要食飯..
點知..食食下飯..小包開始扭計..
唔知點解突然間話要玩泥膠..
我唔比堅持要食完飯先..小包喊..
喊住話︰我唔要您黎呀..您唔好黎呀..
然後我地冷戰左十多分鐘囉..
我主動和解，因為全屋得番我地兩個..
所以我知道小包一定若無其事呵呵..

之後，小包攞左包爸買比佢既玩具..
呢個玩具已經買左兩三個星期..
不過無人同小屯一齊砌，擱置左好耐..
等我黎砌啦...
唔駛一陣我已經砌好啦..真係好靚喎..
砌完之後，小包話︰姑媽好叻，爸爸蠢豬..
哈哈...我都想玩埋一份..

蒸斑炸雞

很久沒有煮飯了..
這個星期廚房亦會繼續休息..
每日諗每一餐食啲咩野..
其實真係一件好苦惱既事..
突然間諗起Verita成日推介既..
稻香優惠，反正屋企附近有間稻香..
差唔多九點鐘至到，呢個蒸斑仔+$1炸子雞..
條魚幾大條，隻雞就好細隻..不過都唔錯呀..

右個一個餸，兩個飯，埋單HK$222..

渡假小包記

呢個八月份每個星期六日..
小包都黎左渡假..星期五夜黎，星期日夜走..
這是小包暑假既既週末活動呀..
已經係連續第三個星期了..
晚係果然掛上了八號風球..
之前的兩星期都無暇寫下來..
趁今日寫一寫吧..
其實之前既野都已經唔係太記得了...
所以都係即日寫係最好的呵...

小包有時其實好乖好可愛既..
小包會爭住要幫手一齊做家務..

正在幫手掃地的小包好勤力呀..
有時又會好可愛咁教我讀咭字..

還有一早起身不想我影她食早餐的樣子..
我煮比小包既豐富早餐呵..


好可惜..可愛既背後..亦有衰格既一面...
今日星期我同小包簡直係水火不容呀...
小包被我閙既幾次多了...還出手打我添呀...
今個星期我地真係...貼錯門神咁呀...
小包返到包嫲屋企時，還跟嫲嫲報告...
我同姑媽打交呀....

 

哈哈..我地邊有打交呀...係我被佢打咋..

Al Dente

星期四晚係果然掛上了八號風球..
十點鐘至掛既八號風球..
我期待第二朝唔駛返..
好可惜第二朝六點幾已經落波..
即係我要返工啦..

不過都好既..因為今日有人請我食飯..
食飯地點係同事揀既..我都好鍾意..
這個Al Dente 真係食得我好飽好飽呀..
今日係凱撒沙律..

主菜..食到一半才記得影相..

 

還有..這個同事讚賞不了的甜品..

囍約

這個囍囍約會原本在月頭的..
可惜因為我病了所以才延至而家..
幸好還可以趕及主人家農曆七月前的要求..

我的好友終於要嫁了呵..
由他們相識，拍拖，,到結婚了..
哈哈..整個過程都有我見證住..
今日終於收到這囍帖了..
衷心祝他們恩愛甜蜜，百頭偕老..

原條三文魚宴

上星期日的事..
包爸自我決定咁訂左一條三文魚..
無錯，我地上次訂左半條三文魚..
半條已經好多，今次原條真係好多..
所以我地亦叫左啲人上黎一齊食..

而且一條三文魚..唔單止只係整刺身囉..

第一批炸三文魚腩..

唔關三文魚事既蟹籽沙律..

魚頭魚尾煲湯..

還有很多三文魚扒放在冰箱內呵..

原條三文魚送到..

 

簡單地‧煮兩味

我無出聲幾日啦..
屋企不知幾咁清靜呀..
我已經一連三日無返工啦..
因為食完啲藥真係好眼瞓..昏睡了..
今日總算係好返好多呀...
我知道自己好耐好耐無煮飯既啦..
見今日稍為精神，簡單地煮兩味..
梅菜蒸鯇魚同炒菜心呀..兩個人都只需HK$35..
簡直係經濟又實惠呵..

聲帶發炎

北上工作回來..
卻得了聲帶發炎，病了..
唯有留在家中休息中..
我昏睡了兩日，每次大少打電話返黎...
我都係度睡緊..哈.哈..

北上工作‧下半部

星期初繼續北上深圳工作..
工作進度雖然有少少延誤..
但幸好最終仍能順利地完成..
由於公司附近連接住商場..
因此我今日的午餐都是在這裡食的..

晚上六點鐘放工，好早呵..
我同同事唔想咁早就返酒店，所以決定晚餐慢慢食..
我地去左食盛八燒肉..每人要RMB 218任食..唔平嫁..
不過依然有好多人食..啲野食都唔錯呀..
不過始終係兩個人女仔，唔食得好多囉..

打的返到酒店都只係晚上八點幾者..
今次住既同上次住既酒店係同一間，不過唔同樓層..
呢一層明顯比我上次住果層差少少啦..
想換房，但再換的更差呵..所以最終無是不換了..

我地係自己一人住一間房..好在唔驚既..
有WIFI，有LAW霸睇，呵呵..
可惜半夜冷氣不知怎麼停了..我醒了瞓唔番，真慘..

終於完成整個北上工作啦..
返香港前，同事帶我去食炒雪榚呀..
味道不錯，但一杯賣RMB50..真係好貴呀...
殊不知..比錢時，服務員說星期二特惠買一送一..
嘩...當堂抵左好多呀...好彩我地前幾日無黎咋..

完成工作，換來的是一把沙聲..
而家聲帶發炎，在家休息了兩天哦...

小包米妮三點式

星期六..
這個週末帶了小包來渡假..
天氣咁鬼死熱，小包成日都話去游水..
咁又係既..無謂蹝左會所既咁靚既泳池呀..
一於決定去游水游水呀..
不過小包無帶泳衣黎喎..咁點算好..
唯有即時去買番套俏泳衣啦..
天氣炎炎帶住小包去附近商場..
點知無曬女仔既..得番男仔既..
小包當然唔要啦..哈哈..
我唯有帶小包搭車去遠啲既商場買..
首先第一檔..小包話要一件頭黃色花花..
不過我認為有少少娘咁播..我叫小包再考慮下先..
小包無堅持喎，即係都唔係真係好鍾意者..
再行下，見到一套米妮三點式..嘩..嘩..
小包即刻話要買呢套..要呢套..
我又叫小包再考慮下，再行先啦..
開始時，小包都唔肯既..但最後都接受..
再行再行...又見到好多款色..其中有累白波波..
我認為幾靚架，但小包一口拒絕左我...
另外，仲有一套米妮款既一件頭泳衣..
但小包依然對頭先既三點式米妮情有獨鍾..
所以我地最後決定左買呢套啦..
咁靚既泳裝..一於影番輯泳裝照..
我只係叫小包影相，完全沒有教她擺姿勢..
但...小包自己左擺右擺..哈哈..真係專業啦..

北上工作‧上半部

呢幾日無蒲頭，不是因為懶..
而係因為北上深圳工作了兩日..
其實以往每年都會北上工作一次..
為內地新職員提供培訓課程..
不過今年有啲特別要去多幾日..
星期四同星期五先去兩日..下星期再去..

返大陸工作最擔心係廁所問題..
之前去的公司環境不差，但廁所就..
今年就唔同左..新公司搬左去新地方..
當堂環境好左好多，我以後唔再需要擔心呢個問題..

返內地工作，除左工作之餘，亦逃不過食啦..
第一餐係泰國菜..味道一般啦，普通但唔平..

晚飯係日本老闆請食飯..哈哈..
佢居然搵到間專做日本人生意的餐廳..
連餐牌都只係得日文既咋..我地睇唔明囉..
唯有靠佢點囉..刺身真係好好味呀..
其實仲有好多野食，食得我好飽呀..
不過同老闆食飯唔好意思不停影相啦..

食到一身煙味，食足全晚二手煙呀..真慘..
返到酒晚要即刻洗白白，然後瞓囉..沒有其他節目了..
酒店由同事負責訂，雖然唔貴但質素唔錯，夠新夠乾淨...

瞓醒又再要開工了..
很快又再到食飯時間了..
我地由公司大廈地庫便可以直接行去商場..
而商場內的確有很多食肆選擇..所以每次都係去呢度食..
今日就揀食韓國菜..都唔差喎..嘻嘻..

聽講，這兩天天氣很熱很焗..
但因為我一直在冷氣地方內，所以沒有感到熱呵..
兩日既工作已完成了，下星期會再去多兩日呵呵..