2011大除夕

大除夕!!2011年最後一日!!繼續放假!!

今日係我的假期既第八日..亦係小包寄居第六日啦..

大少亦放假中，大少已經好耐無放長假既啦..

難得大少係度，我地一於帶同小包今日外出..

原本打算去尖沙咀，但擔心好多人..改去旺角..

全條街都好多人好多人..通街都係人呀..
唯有避入商場再次去朗豪坊..影吉蒂..

然後，去左小包姑婆我姑姐食晚飯..
大除夕倒數那刻，我地已經返到屋企對住電視機..
同小包一齊倒數，一齊迎接2012年來臨..
希望2012年大家開開心心快快樂樂..健健康康..甜甜蜜蜜..

我生日雪榚蛋糕

繼續係我生日!!依然係我生日!!生日快樂呵!!

一早知道生日當日會去海洋公園，知道會好夜至返屋企!!

其實咁大個人啦，我又無乜特別期望有生日禮物同蛋榚..

但因為今日知道小包會向度同我一齊慶祝，我想小包同唱生日歌..
嘻嘻!!所以我一早要求要有生日蛋糕呀!!!
但我又唔想食蛋糕喎...終於比我諗到..我要雪榚蛋糕...呵呵!!
小包同我Happy Birthday..

小包幾期待住我切蛋糕果刻...

一切完可能知道有得食，笑得幾咁開心...

小包食到大讚..因為有雪榚呀!!豎起手指..

執樹葉呀

無錯!!我仍然繼續放假!!但很疲倦..

今日係我的假期既第六日..亦係小包寄居第四日啦..

我同小包今日依然係去公園玩，由得小包向公園玩..

總好過同佢留向屋企呀!!摷屋企啲野呀!!!
今日玩左一陣之後，小包突然對地下既樹葉充滿興趣..
原來小包只係對紅色既樹葉有興趣，綠色就唔要既!!
佢話要執返屋企送比姑姑喎...

照顧左小包幾日啦，我真係深深咁體會到照顧小朋友既辛苦!!
我亦好好佩服全職家庭主婦呀..佢地真係好勁呀!!
佢地可以照顧小朋友，又要煮飯，又要清潔做家務..
噢!!噢!!我就真係做唔到啦!!我可以煮到飯我已經好勁!!

小包呢幾日最鍾意同人玩"結婚"..

披著長長的毛巾被說是她的婚紗..
然後又找來化妝品拆下來的圈圈當她的介指..
還有親吻的一幕吧，結完一次又一次!!


今天，小包突然好認真地問我︰
姑媽，您呢幾日係唔係唔記得左返工呀？？
哈！哈！我在放假湊您嘛．．呵呵．．

摘士多Noway

摘士多啤梨活動其實係餘興節目..

因為這個士多啤梨場係食海鮮附近，順便去者..

兩年前既冬天我地曾經帶過當時仍然係嚿飯既小包去過..

當時既士多啤梨真係又大粒又香甜呀..

但兩年後再去時，附近好多地方變左地盤..

而士多啤梨又小粒，又唔甜囉..

不過既然已經去到左咪摘少少囉..

難得小包摘得好開心!!!

小包稱它們為"士多Noway"的..

孤獨小包

公眾假期已經過左啦..但我仍然放假!!

今日係我的假期既第五日..亦係小包寄居第三日啦..

各人都要返工既日子，得番我同小包咋..

小包向度既日子我真係無覺好瞓呀!!
所以我今日好攰呀!!得番自己一個唔可以帶小包外出..
最多只可以去屋企附近既公園玩下..

同小包去公園時才發覺原來獨生子好寂寞孤單..
小包成日都好想同周圍既哥哥姐姐..
好可惜姐姐又唔鍾意同妹妹玩..

去公園玩完後，返屋企安排小包瞓晏覺..
但小包攪極都唔肯瞓，一時話要去廁所..
一時話要飲水，一時又話要食餅乾..
一路攪一路攪到六點鐘又突然瞓左..
攪到夜晚半閱唔肯瞓..我瞓佢都未瞓!!
真難攪!!

又去摘士多Noway

最後一日公眾假期啦..繼續快樂!!

今日係我的假期既第四日..

上次同小包去摘士多Noway..摘得唔係好開心..

以為係場地既問題，所以今日再去..去個大規模既..
十二月初時曾經睇過友人在Facebook上的相.. 眼見啲士多Noway唔錯播，決定去一去，選址為錦田!!

長途拔涉咁去到...好可惜..地方沒錯，是很大呀!!

可惜塊塊田既士多Noway都已經比人摘到八八九九啦!!
我地去到已經所剩無幾啦..已經比人摘鬼晒啦..
我地去得太遲了...唉..簡直可以用殘花敗柳黎形容呀..
不過既然一場去到，一於同小包摘一摘，了結佢心事吧!!

睇下，小包好小心翼翼咁保護住啲士多Noway呀!!

聖誕小丸子

Boxing day 快樂!!快樂!!

今日係我的假期既第三日..

無聖誕禮品收既我，無禮品可以拆..

所以我唯有自我送禮呀..聖誕大"濕平"呀..
買左好多好多野呀!!!真係好多..全部都係衫同鞋呀..
我既自我消遙假期已經結束啦..因為我要..
負責小包呢個星期...噢!!噢!!假期完了..
今日去接小包回我家啦..商場內有小丸子..
當然係要影..影..影...

請看看我左下角我血拼成績..哼!!

聖誕宅在家

祝大家聖誕夜快樂!!快樂!!

今日係我的假期既第二日..

我仍然係"宅"在家中，嘻嘻..

原因有好多..天寒地凍..外面人多..大少在家..

好多好多..宅在家最好不過既活動係煲劇啦!!
正在煲看日劇..家政婦三田..
宅在家，早餐由大少速遞..晚餐唯有摷雪櫃啦..
聖誕節仍然有這棵聖誕樹..不過今日樹底有禮物!!

無既啦，食晒既啦，涼拌今日係最後啦，聽日唔會有!!
今日仲有雪櫃存貨..金菇肥牛..同煎三文魚..

嘻嘻..放心呀..聽日我會外出既啦..唔會再宅在家了!!
聖誕宅在家快樂!!

祝大家平安夜快樂!!快樂!!

今日係我的假期既第一日..
聖誕節前夕..平安夜..我沒有外出..
乖乖的留在家中..唔想同人去逼..逼..
晚餐在家主理，沒有因為節目而特別地煮..
依然係平時食既餸菜款式..嘻嘻..
今年搬左新居，但居然忙得為家中放置聖誕樹..
唯有以這個食得既聖誕樹取代吧..

派對食物‧涼拌

今日係本年度最後一個工作日呀..

過左今日我就可以開始我既十日假期..
真開心，為慶祝最後一個工作日..
今日食左個價值HK$60既早餐..嘩..嘩..
呢個合桃包真係好好味，不過真係好貴..
幾個月至開始食一次..

前兩日，我家大少才突然要求我為其公司今天派對整一款食物..
原本我提出整"話梅醉雞翼"，但被大少反對，因為已經有人整雞翼..
由於我認為這種公司派對，不能即煮即食，又可以翻叮咁多野..
所以我左諗右諗決定左整..雞絲涼拌冷盤..
尋晚用左我成個鐘有多整呢個派對食物..

希望能為派對多加一點蔬菜氣色..希望大家會鍾意啦!!!

Cafe Renaissance

今日午餐又去灣仔萬麗酒店..Cafe Renaissance!!

年近聖誕節，好多人訂位呀..呢餐一個月前已訂位..
價錢亦比平時貴左幾十蚊，要二佰幾蚊呀..

整體所有食物同上次黎都差唔多..好好味呀!!

滋味既龍蝦仔..翡翠螺亦超好味..

新鮮甜美既北寄貝刺身..超級好味既燒牛肉壽司..

勁脆既鹹豬手..好脆呀!!

其實我對西式甜品興趣不大，我只淺嘗同事們的，自己沒取..

反而我今次食左兩杯Haagen Dazs雪榚..

看!!看到!!我又食啦，唉!!真是增肥的十二月呀..

我生日海洋公園遊

我生日!!生日快樂呵!!

生日節目一早決定左去海洋公園，因為夠晒抵呀!!
我，大少同小包三人行都只係需要HK$140..抵到無朋友啦..
兩年前大少生日時曾經帶過當時15個月既小包黎過海洋公園..
兩年沒來果然有些不同呀，我同小包一樣地興奮呀!!

今日小包真係玩得好開心好興奮囉!!
原本打算晚飯會在金鐘食壽司，但點知..
小包一上車講唔到兩句就瞓低左啦!!
到落車時都叫佢唔醒呀..叫極都唔醒呀..
無辦法下，我地唯有先返屋企啦..
再經過一輛車程後，小包在臨落車一刻..
好不願意地掙開雙眼落車..然後我地依然去食壽司!!