祝大家平安夜快樂!!快樂!!

今日係我的假期既第一日..
聖誕節前夕..平安夜..我沒有外出..
乖乖的留在家中..唔想同人去逼..逼..
晚餐在家主理，沒有因為節目而特別地煮..
依然係平時食既餸菜款式..嘻嘻..
今年搬左新居，但居然忙得為家中放置聖誕樹..
唯有以這個食得既聖誕樹取代吧..

我的涼拌素菜食譜

材料

* 去皮去籽青瓜1條

* 去根西芹1/4棵

* 去皮甘筍1條

* 杏鮑菇1條

* 秀珍菇4兩

* 金菇1包去根

* 蟹柳4條

其實材料及分量可隨喜好隨意調配或增減的，除上述我還試過︰萵筍，三色椒，本菇，黑木耳..

調味

* 鹽適量

* 芝麻油適量

* 芝麻適量

煮法

* 將所有材料洗淨，切成幼條..

* 將[西芹，甘筍，所有菇類]分別地放入已滾水中灼...

* 下鹽，灼一灼，待滾起即可撈起隔乾水備用..

* 青瓜以鹽醃10分鐘，渣走多餘的水備用..

* 蟹柳從冰箱取出放入熱水浸軟撕成絲備用..

* 將所有材料放入大容器中，加入鹽，麻油，灑上芝麻拌勻便可..

* 放入雪櫃雪凍才食，味道更佳..

# 其實西芹，甘筍可以生食，但我不喜歡，因此還是把它灼一灼吧了..

其實做法超級簡單，零失敗，只是需要把材料慢慢切成幼條便可..