蒸‧蝦醬豬腩肉

連續一星期沒有更新了..

因為一星期日日都好夜好夜至放工呀...返到屋企已經要瞓了..

尋晚係最後一晚，完成曬所有野，工作至凌晨一點鐘，終於終於做曬所有野了可以放工了，因為放工時已經過左十二點可以坐的士返屋企..假期前可以做完所有野算係一種安慰了..

向呢種環境下，日日見到都係同事，大少就無乜見過面，當然都唔會煮飯啦..此個係之前煮既，第一次試煮，味道不及想像般好，希望下次可以再煮得好啲...

煲‧花旗參湯

星期六終於唔駛返工了..

今日為左想食炸魷魚鬚，所以專登要求大少早起陪我去飲茶..我叫左好多籠點心呀...最後，珍珠雞食唔曬呀..包好了打算攞走夜啲食，點知我..唔記得左攞留左向酒樓度..真係唔抵呀..

雖然今日唔駛返工，但電話仍然不停地響，我亦忙於回答同事的問題，我唔駛返工已經很慶幸了..但我知道亦預左要加班既啦..我知道..

飲完茶之後亦唔覺肚餓呀..煲湯算了吧..

煎‧蒜蓉雞翼

追完劇集後，我又繼續追睇Hell's Kitchen..其實之前已經有睇開Master Chef..

睇見一班參賽者好努力咁煮呀..煮呀..煮呀..接受唔同難度既挑戰，又要被人大罵..真係幾好睇既..

我係向網絡上追睇開既，但尋晚突然間唔見左，失蹤左...搵唔到呀...嗚..

睇得多呢類既節目，激發起自己煮野既動力..嘻嘻..這幾天很想食煎雞翼..

炆‧冬菇豬手

忙既時間都有好處嫁..時間過得好快..好快就放工啦..

最近我突然間好想煮豬手..之前煮過兩次，第一次用黑米醋，第二次用了甜醋，兩款都係酸甜既口味..

所以我今次試下整咸味既豬手..用了生抽老抽等一般既調味，配上冬菇..

我家公主小妹嫌棄有點臭豬..不過我唔覺嫁..嘻嘻..佢味覺超乎於常人呀...

我仍然鍾意甜醋味多啲..我下次都係整豬腳薑，大家都愛嘛..

煎‧泰式魚餅

我既長篇劇集已經追完啦..

追七十幾集既劇真係唔惹少呀..每集四十分鐘，加加埋埋即係用左好多好多時間..哈哈...不過我都睇完啦，但劇死劇還在，我又會追另一套既者...

追劇令我廢寢忘餐，連新菜色都唔想煮呀...星期日終於有新菜色啦...

煎泰式魚餅，在我未有介紹下，食既人都食得出我整緊咩，證明我成功啦..連味神公主小妹都話唔錯呀...

做法其實一啲都唔難嫁，值得一試呀...

我的泰式煎魚餅食譜

材料

* 鯪魚肉* 豆角數棵* 泰式紅咖喱醬兩湯匙


煮法

* 豆角去頭去尾，放入滾水略灼，瀝乾後切小粒
* 將鯪魚肉，豆角粒放入大碗內，放入紅咖喱醬及糖調味..* 以同一方向攪勻，放入雪櫃雪最少一小時..
* 從雪櫃取出分成相等份量的..
* 先取一份量，並用雙手揉成圓波型，再按扁...
* 熱油後，下蓮藕餅慢火將一面煎至金黃色後..
* 再反轉煎另外一面煎至金黃色，再把周圍煎煎便可..

海洋公園義工行

星期六我依然早起..同平時返工時間差唔多..

因為我參加了公司既義工活動，今次係呢個年度既最後一個活動了，係令人興奮既海洋公園..十點鐘集合呀..我呢幾年都係生日果日去海洋公園..其他時間就未去過啦...

之前既活動我既照顧對象都係女孩子，她們都很乖，很聽話..但我今次照顧既對象係兩個小男孩，加上公園內好多人我真係好驚佢地會走失..

上午係團體活動，大家一齊睇水族館，一齊睇熊貓，一齊玩旋轉木馬，然後就食飯啦..大家都好乖好有秩序..

飯後就係自由活動..我帶同負責照顧既小男孩去玩佢地照玩既活動，我地揀左去睇坐覽車，睇企鵝，由於佢地年紀較細，玩唔到機動遊戲，我地就去左兒童王國度玩啦...

男孩子的確係會頑皮，好動一點，不過其實佢地都好乖好有分寸冒，跑了一大段都會停下黎，停一停等等我，所以尚算安全..

下午四鐘就夠鐘了，要返屋企了..我已經非常疲累了..照顧兩個小男孩子的確令我好攰了，上到車回家途中已經睡著了...

下車後自己食了晚飯，幸好，今天不用煮飯..

煎‧豆腐餅

最近很懶寫卜呀..因為工作非常忙碌..

回家後繼續忙碌地追劇呀..終於..終於差唔多追完了呵..

不過其實我放假時都有煮下飯呀...我家公主小妹特別欽點了我整呢個豆腐餅呀...無錯..我的確係為佢而整既，因為大少係唔食既..

大少見到以為係墨魚餅，咬了一啖，覺得淋淋地，方知道係豆腐，然後遞返比我食..哈哈...今次煎得無上次咁靚呀，油溫控制得唔係幾好..下次再努力吧啦...





最近工作好忙，很難得有一日有特別工作，可以獲得早放工既機會呀...果日未夠五點鐘我就收工啦..呢個機會真係好好難得呀...

於是乎我唔放過機會，去左行街..見到隻碟好靚，買了兩隻，然後，攞住行左成晚行街..心情大好...

點知..返到屋企時發現比我打爛左呀..枉費我攞住佢成晚咁重行街，真係欲哭無淚呀...嗚..嗚...

炒‧薑蔥蝦

大家都問點解上次整蝦籽蝦只得四隻..

皆因第一次整唔知味道係點，所以搵幾隻試下味道先...

另外，仲有好幾隻蝦，我用薑蔥炒蝦，概念黎自薑蔥炒蟹既方法，不過我唔鍾意食蟹，將主角換左為蝦囉...不過其實我都從未煮過薑蔥炒蟹嫁....嘻嘻..

第一整薑蔥炒蝦有進步既空間呵..

蝦籽。蝦

我仍然繼續追劇..有成七十幾集..唔知都幾時至追得完呀..

今朝早大少依然同我去食早餐..但.但..但係就唔陪我去買餸，留返我自己一個去買..一個揪住好多野返屋企呀..總之尋日我就買多啲等佢揪啦..蝕底曬添呀...

無錯..追劇中一切從簡吧..上次去大澳時買了些蝦籽..第一次整..用黎配蝦我諗係最夾既..簡單都不得了既蝦籽蝦..

煎‧金菇豬肉卷

終於等到星期六了..天氣又轉熱了..

最近既我追緊劇中..很少很少很少追睇內地既劇..睇住妃子爭寵呢啲橋段已經唔係新既，但其實從中亦可以學到啲野呀..哈哈..追劇都有藉口呀..

因為追劇連帶煮飯都無乜心機啦..不過既然大少陪我去買餸我總要煮飯嫁，嘻嘻..總之煮到飯比大少食就得啦，唔需要諗咩新菜色..我諗要等我追完劇後再有心機煮飯囉..

拌‧涼拌蓮藕

最近天氣又時熱時凍啦..

今個星期..今個月..唔係..其實係近幾個月工作都好忙..

平日幾乎我都唔乜機會煮飯了，所以我都無乜野好寫..今日都係返工放工食飯咁啦..

之前向街市見到好細森既蓮藕，比正常既細一倍，第一次買呢試試，用黎整涼拌食，涼透爽脆，沒渣，很好呀但不常見...

我要食刺身

我想食刺身..

自從病後一直想食刺身..
但一直一直都無機會食..
今日我同大少講我要食刺身..食刺身..
大少抱怨為何不去食放題呀..好似抵啲..
但其實我好想食，可惜食唔落..食得唔多..
不是平時的我呵!!結果靠大少包底吧...

食完刺身，行左一陣，大少竟然提議去食甜品..

我知道，其實大少知我鍾意食甜品至提議..

大少根本唔會想食甜品..只係為左我者，我明既!!

煲‧西洋菜湯

我家表妹喜獲麟兒..恭喜恭喜..

第一次探望蛋蛋bb，很久也沒有見到這般小的bb了..對上一次係我家小包..bb依然很細小，我真係唔敢抱，怕自己粗手粗腳整親bb，希望bb健康，快高長大啦...

聽到表妹產子所承受既痛楚，加上遇到醫護人員的不專業對待，聽到都覺得恐佈，怕怕了，生仔真係辛苦啦，湊仔又辛苦，做媽媽真係要好大既勇氣呀...

之前小包係我家族唯一一個，受盡萬千寵愛於一身，今日小包在短短時間內已經呷蛋蛋bb醋了，小包呷醋了，因為姑姑比左bb一封利是，但無比小包，小包就呷醋了，小包真係好似好嬲咁呀...睇呢小包日後要呷醋既機會多得很呵...哈哈..

趁放假時間雖然沒有煮飯，但煲下湯喝一喝吧...

比人發現偷食

食完韓燒之後，小包就跟左我返屋企..

星期六放假嘛，小包就向屋企吱吱喳喳咁樣..
攪完呢樣攪果樣..食完呢樣食果樣..
有時小包會靜雞雞匿埋一邊偷食..
唔知佢係唔係以為咁樣就唔會有人發現..
哈哈..比我發現佢匿埋一邊偷食，影低佢..
比人發現偷食既樣...

大家都以為小包偷食..糖？朱古力？薯片？？
全部都唔係！！！答案係”豬肉鬆”..
係唔係估佢唔到呢！！

炒‧西芹鮮魷

大家係唔係覺得我最近經常性失蹤左幾日..

其實又的確係好忙既..呢個星期真係有好多活動，只不過係我無機會寫者..

星期一包嫲嫲生日，我地向屋企打邊爐，包爸負責買餸，買左好多好多好多野返黎，仲買左隻象拔蚌添，真係好豐富呀..

星期四我同大少又去左食"生蠔龍蝦和牛"自助餐真係食得我好飽呀...我一共食左十隻生蠔呀...嘩...嘩..嘩...

第二日我又同大少去左食稻香呀，蒸魚加乳豬拼盤既優惠餐，我同大少只係叫左呢兩碟，無再加餸了，因為我都唔係好肚餓者..

哈哈...睇下我日日都有活動囉..加上大少返到屋企總係霸住部電腦，我無得用了..

呢個西芹鮮魷已經唔記得係幾時煮既啦..終於可以將佢上載了..