懷孕 @ 終於出動

原本尋日放工約左大少去買大肚褲，不過放工前突然落雨呀，大少就唔批準我去啦，我唯有乖乖返屋企啦...落雨的確唔係咁適宜去街既..

星期六加上大少今日放假，當然大少唔因為我大肚而專登早起，大少依然瞓到日上三竿，我就自己食左早餐先...三點鐘大少終於起身啦...

跟住我地就搭的士去食車仔麵啦..[無錯呢個行程似曾相識呀...因為大少放假經常發生]..

今日算係自從我懷孕後，在唔駛返工既日子，第一次出街行..我同大少行左一陣，食埋晚飯至返屋企...我話想食壽司..

結果我地我的確係去左日本餐廳，我都食左客加洲卷既...另外就係食左個三文魚鍋，因為大少話有奧米加3喎，我就睇住大少食三文魚刺身囉...哎...

而家20週既我仍然未買任何孕婦裝呀...最衰都係大少呀...