西式‧紅酒牛腩

明明今日係星期六唔駛返工的嘛..

可惜我偏偏一早九點鐘起左身..

為左陪我那位返完通宵放工回來的大少食早餐喎..

不過大少堅持說是他陪我的，而不是我陪他的喎..

大少更覺得我煩住佢食早餐添呀...真係過份呢..

既然咁早起左身又梳洗落左街，我當然唔會放左大少啦..

叫左大少同我一齊去買餸..嘻嘻..有人幫手攞野嘛..

嘩..超市豬肉七折..我被於無奈地迫進擠迫的人堆中..

同一大班師奶搶豬肉!!!係呀..係"搶"呀..唉..我都唔想咁..

大少就撓埋手仲推住架車去老遠..方死我會失禮佢咁..

諗左好耐想試整新菜色，但毫無頭緒，最終決定整紅酒炆牛腩..

為左整呢個餸我仲專登去了街市買牛坑腩添呀..

呢個紅酒炆牛腩味道不錯呀..不過已經無咩紅酒味了..

呢個煮法算是西式的煮法..當然不是中化大少那杯茶啦..

所以銷情比上次的清湯腩差，還有剩呢..聽日再食埋佢..

我的紅酒炆牛腩食譜
材料
* 牛坑腩1斤
* 洋蔥切成大件
* 蕃茄2個去皮去籽切件
* 小甘荀2個去皮切件件
* 紅酒1小支(家中存貨)
* 金寶牛骨湯1罐

煮法
* 牛坑腩1斤洗淨，放入滾水出水..
* 撈起再用凍水沖洗乾淨，切成小件..
* 燒紅鑊，下油待熱，下牛腩件四面煎至金黃備用..
* LC24煲下少許油，放入蒜片，紅蔥頭片，洋蔥件炒香..
* 再放入蕃茄件，紅蘿蔔件略炒，下紅酒煮起..
* 放入牛腩件，再注入牛骨湯及滾水至過牛腩面..
* 再加入一小粒冰糖，水滾後轉至最小火，煮15分鐘..
* 熄火焗15分鐘，再開火煮15分鐘，熄火焗15分鐘..
* 再開火煮15分鐘，熄火焗15分鐘(焗中途不要開蓋)..
* 經過3次開火煮熄火焗，牛腩已經變冧了..
我的No.51/100終於完成了，西式牛腩煮法，明顯不是大少那杯茶，下次要整柱侯蘿白牛腩至得啦..

下火嗎‧芫茜湯

最近我工作真係超級忙..

人手短缺，再加上工作堆積如山..

我真係覺得自己好犀利呀..個腦記都咁多野..

不過我個腦既記憶體真係非常非常有限..就爆啦..

難得今天可以早放工..於是乎決定返屋企煮飯..
係呀，返屋企煮飯比我哪位返通宵既大少食呀..
係呀，大少已經拜完山返黎啦..我地幾日無見..
可惜絕對感覺唔到有闊別三秋既感覺喎..
大少話佢只有掛住小包喎..
想在短時間內有啲湯水飲下..我要下火..
芫茜皮蛋鯪魚球湯..煲出綠色的芫茜湯..
真的可以下火的嗎..冒氣沖天的熱湯..

復活小包

就快復活節啦..

連幼稚園都有教小包，可能已有復活節勞作添..

所以小包知道復活節有小兔..有復活蛋..

復活蛋係朱古力，小包知道有好多關於復活節既野..

所以當小包見到商場既復活節佈置就好興奮..

我地趁等緊食壽司既時候..影影相..

可能呢個佈置已經放左好耐啦..

就算係星期日黃金時間都無咩人影相..

莫非係啲公仔唔吸引!!!嘻嘻...

呢幾日我都唔記得同小包一齊影相添，補影一張留念..

被擱置‧雪蛤膏

包嫲同小包一齊入黎渡假..

我既起居飲食即刻有人照顧..

我唔駛執屋，間屋都變得乾淨亮麗..

我唔駛煮飯，都可以有住家飯食..仲有花膠湯..

我唔駛洗衫晾衫，又有人幫我晾衫..真係好好!!

包嫲仲向我既雪櫃裡面摷左包N年前買既..雪蛤膏..
我一直都擱置，無整到..一直只係擺..

我今日有得食啦..後半部係由我煮既..

穿起姑姑高跟鞋

今個星期六日大少要回鄉掃墓..

係呀，我無跟去呀，因為大少認為我唔會捱得到..

我聽過行程，我都覺得我自己捱唔到，我亦唔想黑人示人..

但我個人一忟，一唔開心就放晒向面上，自己都控制唔到..
我覺得如果我去，我地最終係會嗌交收場的(我預計)..
所以大少每年都叫我唔好去，我唔知其他人會點諗..
不過其實我諗過我去我又忍唔住黑面，可能效果更加差既呢!!!
因為大少唔向樹，所以我又安排左小包黎渡假啦..
之前，我有首兒歌講啲小朋友好鍾意著媽媽既高跟鞋..
小包都一樣，著住新買回來的高跟鞋，仲猛咁話自己岩著..

哈哈!!

剪髮

今日放工急急腳走人..

唔係為左趕番屋企煮飯，而係趕住去剪髮呀..

而家啲頭髮好長好長，留了很久，很長了..
今日突然一股衝動好想剪左佢..結果我仍然是長頭髮..

無諗過要變成短髮，但好想再短啲..

不過髮型師不停地講夠既啦，再短好易"喬"嫁...

很久沒有試過這長度了，摸著髮，有點不習慣..

看，被我要求剪掉的秀髮，這兒還未計負離子前已剪的那些呵!!

買醬料‧蒸帶子

我今日真係好乖，好好咁Lunch去街市走一轉..

原來而家而家啲野真係真係超級貴呀!!!

好久無去買餸，順便買番啲醬料回家備..

九龍醬園︰一樽麵豉醬，一樽蝦醬，一支生抽(最細支)..
埋單竟然要HK$92..嘩..我只係買呢三樣野已經成嚿水..
晚餐既餸都仲未買，已經攪成咁啦!!!
所以晚餐唔可以豪啦!!
蒸帶子，每次我都覺得自己蒸得唔好..
其實我已經好耐無試過放工後返屋企煮飯啦..

回家急趕煮飯，被人催三催四..唔影張相都唔得呀!!

我又煮‧糖醋骨

其實我已經好耐無試過放工後返屋企煮飯啦..

又或者咁講我最近煮黎煮去都係果幾款菜色..

因為我呢排去到街市/超市行好耐都唔知買咩..
有時去諗到底要煮咩餸，又平又靚又正就更難..
出街食，又食黎食去都係果幾間餐廳咁..真係悶..
行左十個圈最終又決定整呢款糖醋骨!!

好耐好耐都無試過lunch去買餸，放工返屋企煮..

聽日等我去行一圈，希望最終唔係又決定整排骨啦!!

嘻嘻!!

矜貴了‧粟米湯

最近每晚食完飯都睇電視..

睇電視輕輕鬆鬆笑下就過，雖然有啲無聊..

然後每晚電視都係度介紹湯..湯水..中湯又西湯..

其實我都想飲湯架，不過可惜無時間煲湯..

我希望今個星期六日搵啲菜色煮下，但毫無頭緒..
然後又煲番個好湯，不過呢一切都係我諗者..

唔知到時係唔係真正會實踐既呢!!!

向未有老火湯下，罐頭湯頂住..
加入了魚肚，即時變得矜貴的罐頭粟米湯..
唔止普通既罐頭湯咁簡單..了..

種綠豆，發芽菜

而家啲小朋友真係愈來愈醒..

三歲半既小包講野已經好叻!!

連佢既班主任都係咁講，都唔知佢向邊度學返黎..

小包真係似足佢爸爸咁，死淨把口，小包真係可以由朝講到晚..

不停講，可以唔停既喎，我自問無咁既本事啦..
有時工作需要講一日野，我已經會覺得喉嚨痛呀!!
而家啲小朋友咁醒到底係咩做成既啦???
我覺得而家既教育亦有好大關係呀..
而家既K1課程已經唔再好似我年代學..BOY!!APPLE呀咁啦..
而家K1學既野已經好難啦!!通識內容真係唔明小包可以明到幾多囉!!
近日K1既小包，學人種綠豆，發芽菜喎..
想當年，我好似小學至做呢樣野，而家小包K1已經做!!真係勁!!

廿七度‧煲仔飯

今日好熱呀，有成27度呀..

太陽非常猛烈，不過都有好處，洗左衫好快乾..

但幾日後又會趺到得番13度，天氣預告..係咁寫..

咁既天氣真係令人好煩惱，好討厭呀..

其實我都唔係好鍾意夏天，好熱好熱好熱!!

難得既星期日，原本滿腦子想著煮新菜色..

可惜..事與願違..因為我拖到好夜至買野..
終於我竟然選擇在咁熱既一日決定煮"煲仔飯"..
我好型呢，因為我要食鳳爪排骨飯呀...

Happy Shopping

星期五真係超忙，超級忙..

今日成日部門只係得我一個人返工..

電話響過不停，不過也好，眨眼間已經放工了..

放工被召喚要去睇住小包，已經係連續第三個星期..

小包有時真係好可愛既，真係大個女了..
小包帶我去一間新開既著名連鎖店，小童部..
小包已經唔係第一次黎，包嫲已經同小包去過唔只一次..
反而我就係第一次去，小包簡直熟晒地頭呀!!!
件件衫都靚，件件衫都攞，件件衫都照，件件衫都岩..
睇見呢個情景，我真係覺得好好攪笑..
我亦忍唔住，冒住比人閙既危機，影低佢..

上腦了‧粉葛湯

身旁的同事喜獲麟兒..

健健康康地誕下麟兒..
真係恭喜晒，可喜可賀呀..
所以我工作就更加更加忙啦!!
放工後，我又忙於Draw呀Draw Something..
自從玩左呢個遊戲，我發覺我家大少既英文程序高左好多..
我既畫功就好似好麻麻喎..大家有時都唔明我畫咩既!!!
呢幾日既天氣好濕好濕，啲衫洗完曬左幾日都唔乾..
攪到我幾乎無人著咁滯呀..哈哈..誇張左喎..
我都要為身體抽濕，喝這粉葛湯..最岩了!!
唔知粉葛湯既英文既咩呢呵!!我上腦了..

嬌俏師姑頭

星期日天氣頗冷..

星期六晚小包又黎左我家過晚啦..
因為小包話好掛住我地，好想黎玩呀!!
哈哈!!已經係連續第二個星期黎啦!!!!
今天幫小包整左個新形象，師姑頭，嬌俏呀..

兌現‧清湯牛腩

當我買個LC煲返黎時我已經話要整牛腩..

一拖就拖左成半年啦，仍然未行動!!!
今日突然充滿想煮新菜色既心情..
於是乎我一於去街市買黎牛坑腩..
第一次整我既清湯牛腩..用我既LC煲整..
效果好好，連大少都話好!!!

今日小包在此，無時間打食譜，等我得閒寫番..紀錄下..

廚房多個"插"

我知我好耐都無煮飯啦..

其實我上星期六曾經煮過一餐飯..
不過都係啲好普通經常煮既餸..所以無影低..
廚房亦係好耐無逗留既地方囉!!!
今日入廚房時突然見到廚房內多左個插..
相信係我家大少帶返黎既囉..唔係有鬼咩...
不過以我認識既大少，我相信一定係唔知邊個比大少既者..
一定唔會係我家大少為左想食我整既燒肉，而專登買比我..

真人版Cookingmama

食左一星期中藥，可謂完全康復了!!

真係值得可喜可賀呢!!我要慶祝一下..
病既時候有好多好多野想食..而家要好好食番晒..
已經好耐無見我愛既小包啦...今晚一於去韓燒..
好彩已經過左三歲既小包唔駛比錢..如果要錢真係蝕晒..
事關佢成晚只係食左一條腸仔同兩杯啫喱咋!!
佢唔食野既最大原因係因為佢要負責燒喎..
小包簡直當自己玩緊真人版既Cookingmama呀..
小包果然係有板有眼喎..犀利..