懷孕 @ 產檢

懶了一星期沒有上網了，我又懶得更新網誌了..

懷孕後從沒有寫過產檢的事宜，再唔寫低我相信我會唔記得既啦...嘻嘻..

由8月8日至9月26日體重並重了3kg...原本稍高既血壓亦稍稍回落...

朋友們知道我產檢的情況，大家都說我很幸福舒服，之前她們每次去醫院做檢查都起碼要三個鐘，等得時間很長，但因為今年無左雙非，所以少左好多人，唔駛等，亦無迫爆，真係好!!BB真係識得揀時機...

而家已經20週既我，轉左食Materna..

7月31日第一次去健康院登記，主要係量高磅重，見姑娘了解我既懷孕狀況，家族遺存病歷史等普通野，之後就由醫生做胸部檢查，跟住抽埋血就走得囉...整個過程大約用左兩個幾鐘啦...

8月8日第一次去醫院做唐氏綜合測試，度頭皮，照超聲波檢查，睇到bb正在頭擰擰呀，負責既醫生年紀唔細，似乎很有經驗，所以好Cool呀..唔多講野既....之後抽埋血就走得了...體重不變.. 

>>唐氏綜合測試結果係1/280，在政府屬於超過250都算低風險，其他係低風險群中的高風險呀，不過我都再無做主一步既檢查....<<<

9月26日今日係做結構超聲波，登記後唔駛等就可以入去了，今次的助產士好好人，每個位置好有向我解釋bb的結構，由頭到腳，內在器官..原本bb有一隻手收埋左，但一聽到我地話睇唔到隻手就即刻舉高比我地睇...真係好合作呀...

雖然我只係重左3kg，但BB各部分都屬於最高線，我即刻問︰BB咪好大隻囉!!!!連醫生都問我老公是否好高大..

之後，助產士主動問我想不想知道bb的性別，我話想呀，但係原本頭郁郁既bb突然將兩隻小腿夾埋左，助產士不停地搖我個肚叫bb轉下姿勢，不過bb堅持繼續維持，我亦放棄了...反正我對性別一事並不是非常渴望知道...照完就等睇醫生了...整個過程好快呀，完全唔駛等，比起去私家診所平時預約了還要等，唔駛一個鐘就可以離開醫院了...