北上復活節假期

整整一個復活節也沒有更新過..

一連四日既假期沒有宅在家，反而有很多節目沒有在家，日日往外走..

有兩天雖下著大雨但沒有改變一家人北上既興緻喎..節目係食..揼骨..買野咁啦..

包爸帶了我們去食日式放題，人民幣150位，都唔錯嫁，三文魚腩好肥美，亦有任食海膽呀..每樣野都平均好食既..

小包很喜歡食三文魚刺身，搶住要食，誰人叫也不肯不吃，結果食了幾片啦..小包愛食既樣子真係好可愛呀...

晚上小包不停地話自己好熱，個肚要爆火啦，大家都不以為以，以為小包因為熱而已，包爸還問小包要不要食雪榚添呀...姑姑就叫小包飲水啦，小包話要飲冰水至得喎，飲溫水唔得嫁，但結果無飲已經瞓著了...

結果小包瞓到半夜突然間嘔，當時我不在現場不知道實際情況，因為我在隔離房忍痛地通淋巴...痛..痛..痛呀...

第二朝小包主動告訴我尋晚佢嘔，所以弄濕了頭髮..我還笑小包的頭髮有三文魚味添...小包話︰係喎..小包主動地話要洗頭(平時小包唔鍾意洗頭嫁)...哈哈...

自此小包話每次只可以食一片三文魚刺身者...唔知下次仲記唔記得呢..係唔係真係會自制住只食一片呢呵...

復活節假期最精彩部分報告完畢..