一週午餐

又多日沒有有蒲頭了..
因為我家的電腦只屬暫時性整好左一半..
但被我家大少日日霸住黎打機..嘻嘻..
其實我自己亦沉迷緊緊手機上的漫畫..
哈哈..加上最近好久無煮過野了...
種種原因令我無行埋部電腦前面...

寫blog呢家野..
寫開日日總可以搵啲費話寫下..
唔寫開就的唔起心肝去寫啦..
今日因為大少去左瞓覺，我就用下電腦啦..

自從我部門新同事黎左之後..
我就多左飯腳一齊食晏啦..
新同事很樂於嘗試新餐廳..
所以我呢兩星期日日都食好野..
真係肥唔少呀...
但食得好開心既呢..


星期一︰睇見都開心既壽司..

星期二︰睇完深夜食堂而堅持要食的..滑蛋豬扒飯...

星期三︰得個樣，但唔掂既韓式飯..

星期四︰超級油膩既拉麵..食完很有罪惡感..仲要飲罐可樂添呀...



星期五︰超級唔好味又唔平既越南粉...

尋日︰的三色魚生飯..蝦不好食的..失望..



今日︰的海南雞飯呀..保持水準呀..

唱K..唱K..

我家的電腦..
總算是整好了一半，暫時可以用得下啦..
而原本存向電腦內既資料暫時叫做未絕望..
大少話希望可以攞得番啦..
這電腦只恐怕是暫時性..我仍是需要間歇性寫blog..
今日做了一個很久很久很久久沒去的地方...唱K!!!
哈哈..真係好耐無攞起過支咪了..
新歌..真係唔識得唱..我仍然係唱番舊歌好囉..
去了CEO..裝確好靚，好新，好乾淨..
但可惜唱得太短，一夠鐘就要走了..
真係呀...真係唔夠呀..我仲想唱下添呀..

十號風球

從沒想有機會打到八號風球..
如常返工時竟然宣佈打八號風球..
原來我真係煩，下午五點鐘仍未正式掛之前..
我已經走人先，但等了一個鐘頭仍然無巴士..
原本突然掛風，已經有好多上班一族一窩蜂放工..
情況已經不妙，我仲要身處灣仔返工..
書展的人群，簡直係迫死人，迫爆整個灣仔呀...
我真係寧願寧願唔掛啦，正正常常放工仲好過..

真係估佢唔到，竟然掛到十號風球..
原來對上一次十號風球已經係十三年前..
真係好大風呀...呼..呼..聲呀...
連電視都睇唔到呀，真係第一次咋..
最初我仲以為屋苑既天線有問題添呀..
點知一上飛士卜就見到好多人都睇唔到電視呀...
我真係無電腦..又無電視睇...好彩手提仲上到網..
屋企既燈仲貶左兩次添呀..真係勁呀..
真係估唔到仲可以放多上半日添呀..

深夜食堂系列

無錯..我家的電腦仍然未整好呀..
其實我最最最擔心既係...腦內既所有相呀..
我無做到Backup嫁，如果真係無曬所有相..
我真係會傷心欲絕呀...呀...呀..
大少話如果攞比人整，可能會所有野都無曬嫁..而家都唔敢輕舉妄動呀..我最唔知點算好呀..
我仍然繼續過著無腦日子啦..
我發掘左好既節目..睇漫畫呀...
第一時間搵"深宵食堂"黎睇呀..
之前已經見好多Blogger推介..
仲有個深宵食堂群組，一齊煮裡面啲菜色...
我終於有機會睇..睇..睇..呀...
等我有機會又要煮下深宵食堂系列先得..

節瓜章魚花生眉豆湯

多得大少提點..
原來我一直將"深夜食堂"誤以為叫"深宵食堂"喎..
真係失禮曬啦..見笑了..
我之前睇得是手提漫畫版本，仍無睇曬..
但尋晚轉左去睇電視版..哈哈..
啲菜色有顏色地，比圯睇漫畫更加吸引呵...
我已經非常非常想食..滑蛋豬扒蓋飯呀...
但我知今日無機會去食了呵...

無聊在家，大少又要返工..
我都無需要煮新菜色既日子，其實都幾得閒呀..
我只需為大少準備一鍋老火湯便可以了..
節瓜章魚花生眉豆湯..味道都幾好呀..

請給大少按讚吧

沒有更新多日，並非很忙..
而係因為家中電腦壞了呵!!
大少說應該是中左毒喎...咁點算呀..
我便要過住無腦既生活了呵..
其實我都仲有哎瘋可以上網既...
不過寫網誌就真係可免則免了啦...

無腦的日子，原來也有好處的..
當大少在家無腦上網日子，無聊聊..
大少終於主動地做家務了..唔駛三催四請..
一路做一路話..好多塵呀...您睇..
哈哈...請給大少按讚吧..

我電腦未整好，今篇是暫借公主小妹電腦一用..
唔知...電腦幾時至整好呢...

煲‧三文魚頭湯

尋晚食左好多三文魚刺身呵..
我地今日無人有肚痛呀..哈哈..
我已經預告左我會將個三文魚頭煲湯..
之前已經試過煲過一次了呵..

屋企雪櫃佈已經有了所需的材料了..
蕃茄，紅蘿蔔，粟米同豆腐..加埋魚頭..我今日全日都唔駛落街了呵..真舒暢!!
今次既魚頭真係超級超級大呀..
起碼大過平時向街市買既一倍呀..
今日用新買回來的鑊煲..效果幾好...
這個鑊真係好用啦，下次等我介紹下..

我的三文魚頭湯食譜

材料

* 三文魚頭1個

* 蕃茄2個

* 豆腐1磚

* 粟米1條

* 滾水

* 薑3-4片

煮法

* 三文魚頭去鰓洗淨抺乾..

* 燒紅鑊下油放入薑片爆香，下魚頭煎香三面..

* 下滾水中火煲，加入蕃茄件，紅蘿蔔及粟米件..

* 下滾水中火煲20分鐘，加入豆腐..

* 滾起轉小火煲20分鐘下鹽便可..

三文魚刺身

當我正在午睡時..
正在發夢同可愛既小包玩緊..
電話就響啦比公主小妹嘈醒啦..
佢話包爸買左條三文魚今晚上黎食..

原來包爸唔知邊個朋友幫手..
好似話幫啲日本餐廳訂貨時順便訂埋..
由日本即日即時空運一條三文魚..下午六點到港..
原條三文魚只需六百蚊，包爸同朋友一人一半..

剛巧包爸朋友住在我家附近，非常方便呵!!
包爸先將魚搬到友人家，一分為二，再搬來我家..

包爸話最靚部分做刺身，我地不是刺身師傅當然切得唔靚..

但味道唔錯呀...由於太多了..無可能食得晒呀..
魚頭留來煲湯..魚骨留來椒鹽，還有很多三文魚肉呵...
明天繼續三文魚餐了，但明天不生食，要煮熟了..

火車頭午餐

上一篇LA MAISON午餐篇..
其實係尋晚十點幾上載的..
但原來除左我次外，其他人係睇唔到既喎..
哎呀..我檢查過所有設定呀，明明係公開的..
我真係唔知道在哪裡出現問題呀..激死我呀...
我試過幾次的不同組合，結果真係唔得...
結果我唯有重新..重新再由頭打過一次呵..
我估今日的確係黑色星期五呀...

我的午餐約會仍然繼續..
連日食..食..真係令我有點吃不消了..
但飯依然要食既..我地今日諗住食越南野..
我揀左雞絲撈檬，配上木瓜沙律同蔗蝦..
今日食得好飽呀，但感覺很清新呀...

La Maison

這個星期的午餐約會從事停過..
日日都不停地食..食..食..哈哈..
今朝早著裙時覺得緊緊地呀!!!
我覺我依然唔識得死..依然繼續食..

今日的午餐係慶祝某同事的生日..
由壽星公欽點要食西餐，所以揀左呢間La Maison..
這是一間位於一幢住宅內的法國餐廳呵..
環境靜靜地，位得幾舒服呀，慶生之好地方!!
Lunch Set由HK68-HK$125，免收加一呵..
有沙律，麵包，餐湯..主菜..飲品..算係咁啦..
我今日食心型牛扒呀...哈哈...

磨薑蓉‧配雞排

自從我部門新同事黎左之後..
我就多左飯腳，今日都同佢一齊食飯..
日日都食得好飽飽咁呀...又增肥了喎..

之前一直想在家整自家製薑蔥蓉..
我每次去食燒味時無論有無雞都會要薑蓉..
由於我唔識斬雞..我未試過整白切雞..豉油雞..
只係試西式焗全雞，因為可以唔駛斬用手撕開..
但我始終覺得薑蓉配雞是最好的配搭呵..不二之選..
唔整雞..可以整雞排架嘛...呵呵!!!薑蓉用磨蓉器整嫁..磨薑仲容易過蒜蓉呀..
自家製薑蔥蓉同街外邊既味道一齊嫁..

磨‧蒜泥

之前用過很多方法整蒜蓉..
屋企沒有攪拌器，每次需要蒜頭時都係臨時剁..
用過蒜蓉夾，放粒蒜頭入去用手夾一夾..
夾出蒜蓉，可惜效果麻麻地好用呀..

最近有人推介我買了這個磨蓉器..
效果都幾好，用起來都幾方便..
用法只要將蒜頭放在凹凸位前後磨..
很快很容易便磨出非常幼細既蒜泥了..

這個工具只需要幾蚊而已..效果也不錯!!!
除了磨蒜泥，還可以磨薑蓉添喎...

小包‧音樂會

小包綵排多日既音樂會終於到啦..
小包一早八點鐘要返學校準備了..
小包成日同我地講..我要去好遠地方表演呀..
由於包爸恐趕不到，請我當了後備所以我有份去..
最後我同包爸包媽三個人去睇小包的表演呵..

兩點半準時到達理工大學綜藝館安排入位..
等了很久也未開始..等..等了..又等..
最慘係館內收唔到電話之餘，亦上唔到網喎..
真係等得我好無聊呀..入場時派發給我們的場刊..

我睇了又睇..睇了又睇呀..印有合唱歌歌詞..
平時小包在家成日唱，但只係聽到Joy Joy Joy Joy..
唔係好知小包唱咩，而家終於有歌詞睇，可以一齊唱..

好不容易等到開始，經過一輪致辭..頒獎呀..終於表演了..
全班有二百個學生個個都差唔多樣既..
好彩老師一早講左比我地知小包係扮士多啤梨..
全場只有一個小朋友係士多啤梨者，所以一定係小包啦..
表演開始時已經見到小包士多啤梨跟住其他小朋友出黎..
心知道小包係全校最小年級的學生，當然只是扮演路人甲乙丙丁啦..
小包出黎只有兩分鐘，開始時個樣好似迷茫，身體動作唔多咁既..
包爸認為︰小包見到大面場..緊要..驚..怯場..
包媽認為︰小包件士多啤梨衫太大件，做唔到大動作呀..小包被安排行向第二行，被前排哪個遮住了呵...
第一個表演小包共出現了兩次，每次幾分鐘啦..

中間有休息茶會時間，休息後，第二個表演開始..
由於前排的嘉賓已離席，我地見有小包表演，所以便坐上前排..
小包終於見到包爸了，我見到小包有笑笑同揮揮手呵..
第二次表演小包依然出現了兩次，依然係被前排哪個遮住了..
館內嚴禁影相攝錄..
當然我亦見很多家長偷影，然後被勸阻..再偷影再勸阻..
我地好規舉沒有影相..因為我帶左相機，但忘了插記憶咭..
所以想影都無得影..哈哈..我竟然唔記得插記憶咭..
我沒有任何機會影到士多啤梨小包呵..唯有等學校的相同DVD..

表演完畢，我們在館外等接小包放學..
小包一見到我們，第一句︰我化左妝呀..
哎呀..見到呀..化到馬騮PatPat咁呀..嘻嘻..
我諗小包覺得..好靚呀...哈哈..

我們約埋剛放工的姑姑一齊食飯..
小包好似好攰咁呀..問佢咩都無咩反應咁..
姑姑仲印左一大堆Copy book比小包寫..
小包睇到居然好興奮咁寫喎..側面看小包的胭脂..幾紅呀..

晚餐食AppleGreen..凱撒沙律..

食極都食唔完既炸大蘑菇..

好好好好味既Pamaham蜜瓜Pizza呀..

仲有意粉唔記得影了呵..
小包應該好攰好攰了..飯後便各自回家了呵..

芝麻醬‧拌菠菜

星期日
終於真係可以休息既星期日..
之前我與小包假期真係無得休息..
所以我今日真係真係好好休息了..
瞓晏瞓到六點鐘先至去買餸，呵呵..

大少又話自己喉嚨痛喎..
所以大少今日自我主動要求我煮..芫茜湯..
大少終於有要求啦喎..我又豈敢怠慢呀..
想唔煮飯都唔得呀...哈哈..呵呵..
既然咁遲至去買餸我只可以煮最簡單既..
菜心炒牛肉，叉燒炒蛋，仲有我既新嘗試..
芝麻醬菠菜，我嫌有啲寡，所以加咗少少杏仁粒..
我最鍾意涼拌菜，唔駛食啲熱辣辣既野..呵呵..

義工活動‧英語餐桌禮儀

今年度我參加了公司的義工團隊..
之前安排的行山活動，都因為天氣而取消了..
今日係第一個我參與既義工活動..嘻嘻..
今日多謝一個位於西貢既俱樂部贊助的活動..
俱樂部安排導師教導小朋友英語餐桌禮儀..
同時安排左一頓美味而又健康的西餐給我們..

這班小朋友年紀很小，小一至小三也有..
年紀少少七至十歲，要他們用刀叉食西餐有少少難..
但他們也處理得很好喎，我也有份食，我只從旁照顧..
這份是我的呵..我似黎食野，多過做義工呀呵...
食完餐後，還有會抽獎添，抽中的小朋友還有禮物..

俱樂部的環境地方又大又靚..真的很靚..
我始終是義工身份，要照顧小朋友為主..唔可以周圍騰..
唔可以周圍影啦，我要做個好榜樣唔嘛..嘻嘻..
趁著有少少時間影下相囉..這兒還有哥爾夫球場添呀..

平時這個俱樂部只接待會員既咋..我今日就好幸去見識下..
這是我第一次的義工活動..

小包公主病

寫左小包已經成個星期啦..
好明顯我呢個星期都陪住小包啦..
原本今日不打算再去包嫲度既啦..
點知因為小包張接送咭留左向我度，包嫲話好唔方便..
欽點我今日放學要攞返去喎...唯有照做啦..
小包見到我似乎都好開心呀..無比我寫字經歷嚇親呀..

今日小包見到我好開心係因為我地可以玩雪榚泥膠..
但今日小包同我講呢個係殖榚膠布...下..膠布??
明明之前小包識得講係泥膠嫁，唔知點解變左係膠布..
今日係小包整既三色雪榚杯..整比姑丈，同姑姑食..

玩完雪榚泥膠之後，我地又要玩睇醫生角色扮演..
我扮完病人後，輪到小包做病人啦，睇完診次後..
躺在床上面既小包突然同我講..
醫生呀..您幫我打電話比王子話比佢知我病，叫佢黎探我呀..
噢..打比王子，唯有照辦啦..哈哈..
跟住，有次唔知話小包啲咩野，我叫佢"阿姐，您好啦下"
小包︰喂..我唔係叫阿姐喎..
我︰咁您叫問呀..小包? bb?
小包︰我係公主..

噢..小包的公主病幾嚴重下喎，成日都覺得自己係公主..哈哈..