我與小包假期(4)

我與小包假期最後一日了..
今日一早起身，小包起身第一時間掛住..雪榚泥膠..
我堅持唔比，我一定要夜晚做晒所有野先至可以玩..
小包當然係扭計啦，喊..扭..我要玩呀!!!
我揚言要將雪榚泥膠扔左去..唔再比佢玩..
小包話︰雪榚泥膠係爸爸買比我嫁，唔係買比您嫁..
剛巧..呢個時候爸爸打電話黎..小包發脾氣唔聽添呀..
我就係小包發脾氣既時間去梳洗沖涼..比佢冷靜下..
當我沖完涼後，小包明顯已經冷靜左，當然我都有比下台楷佢..
跟住，我地就開開心心咁出發啦...第一站醫肚..
由於包嫲去左街等埋佢一齊食飯，所以我地食少少先..
我去買野叫小包幫我睇住個包包，小包真係認真喎..

食餃子既樣子..

同我爭西瓜汁飲..

包嫲趁我在時，日日都話約人出去一陣..噢..
晚飯時又得番我同小包兩個人咋，由我下廚煮..通心粉..
小包個樣..通心應該幾好味既..

飯後我地就學習寫英文字..玩左幾日都應該讀下書..
我地寫A B C D E F G H I J 10個英文字..
用左個幾鐘，寫字期間小包就出現以下徵狀..
姑媽呀...我張椅都唔舒服既..姑媽呀...我口渴..要喝水..姑媽呀...有蚊咬我既..
當有啲字寫左幾次都唔好時，小包就會︰
哎呀..對唔住..姑媽..
哎呀..我唔記得左..姑媽...
真係..媽到我暈呀...好唔容易寫完可以玩啦...
小包全日都係等玩呢個雪榚泥膠...
真係等到頸都長埋呀喎...嘻嘻..

我與小包炮製的雪榚新地杯..

事後，將我教小包寫字的事宜向有經驗的媽媽請教..
她說我教錯了，以小包這年齡寫B D G呢啲字其實很難..
應該是由簡單字劃學起的，如 H I X 等等..
而且原來小包可維持一個鐘已經很犀利了...
哦..我這個業餘姑媽真係呀..我應該同小包講︰
哎呀..小包..對唔住下...
我地下次寫字唔好寫咁難...唔好寫咁耐呀...