三文魚刺身

當我正在午睡時..
正在發夢同可愛既小包玩緊..
電話就響啦比公主小妹嘈醒啦..
佢話包爸買左條三文魚今晚上黎食..

原來包爸唔知邊個朋友幫手..
好似話幫啲日本餐廳訂貨時順便訂埋..
由日本即日即時空運一條三文魚..下午六點到港..
原條三文魚只需六百蚊，包爸同朋友一人一半..

剛巧包爸朋友住在我家附近，非常方便呵!!
包爸先將魚搬到友人家，一分為二，再搬來我家..

包爸話最靚部分做刺身，我地不是刺身師傅當然切得唔靚..

但味道唔錯呀...由於太多了..無可能食得晒呀..
魚頭留來煲湯..魚骨留來椒鹽，還有很多三文魚肉呵...
明天繼續三文魚餐了，但明天不生食，要煮熟了..