煲‧三文魚頭湯

尋晚食左好多三文魚刺身呵..
我地今日無人有肚痛呀..哈哈..
我已經預告左我會將個三文魚頭煲湯..
之前已經試過煲過一次了呵..

屋企雪櫃佈已經有了所需的材料了..
蕃茄，紅蘿蔔，粟米同豆腐..加埋魚頭..我今日全日都唔駛落街了呵..真舒暢!!
今次既魚頭真係超級超級大呀..
起碼大過平時向街市買既一倍呀..
今日用新買回來的鑊煲..效果幾好...
這個鑊真係好用啦，下次等我介紹下..

我的三文魚頭湯食譜

材料

* 三文魚頭1個

* 蕃茄2個

* 豆腐1磚

* 粟米1條

* 滾水

* 薑3-4片

煮法

* 三文魚頭去鰓洗淨抺乾..

* 燒紅鑊下油放入薑片爆香，下魚頭煎香三面..

* 下滾水中火煲，加入蕃茄件，紅蘿蔔及粟米件..

* 下滾水中火煲20分鐘，加入豆腐..

* 滾起轉小火煲20分鐘下鹽便可..