雪耳龍耳糖水

中秋節快樂..
今晚中秋我同大少兩個團圓..
但最近我對煮飯既興緻不是太強烈..
大時大節一啲做節既菜色都好貴喎..
我同大少就唔需要專登食做節既餸..
我煮左普普通通既三個餸同大少團圓..

大少話食完飯之後同我一齊去公園行下..
然後返黎..洗風扇，同拖地喎...嘩嘩..
我都只係半信半疑者，我認為大少只會做一樣..
結果當我沖完涼出黎..我竟然見到大少瞓左..
我知..我知..大少咁早起身返工係好辛苦既..
無法啦..我自己一個賞月哦..哈哈..
踏入中秋..天氣好乾燥呀..我地要滋潤一下..
雪耳龍耳糖水..雪耳很非常滋潤的食品..可多吃..

炆‧豬軟骨

展開四日假期既第一日..
我竟然瞓唔著喎，晨早起左身了..
然後一連追睇番多日未睇既劇集..
呢個係最好既零消費活動呀!!!
哈哈..

我家大少而家返左黎啦..
所以我要煮飯，煮飯呀..
只有我地兩個人食我亦無準備特別..
迎月夜..我地食豬軟骨呀..
我希望整炆得淋淋的軟骨..
但仍未能好像啫喱的質感..
沒有高速煲的我仍需繼續努力呀..

鵝肝醬配餅乾

臨近中秋，公司不停收到好多禮..
有好多果籃，月餅，嘻嘻..
月餅我唔識既，水果就唔錯..
有次有個超甜紅肉蜜瓜呀..好味..
中秋前最後一日返工日子..
我地又黎富貴下午茶呀..
今次係鵝肝醬配餅乾食...嘻嘻..
為左想多啲人一齊分享，將一塊分為一半..
用手抆抆得有少少樣衰，但好味道至緊要..

我地又一次豐富下午茶..好好味..
今日起4日假期開始了..

直切娃娃菜

我家大少去了上海..
這幾日既我好清靜呀..
唔知道大少佢有無掛住我呢呵..

我以前煮娃娃菜既時候會橫切..
將菜切得細細的，然後炒..
有次由大少操刀負責煮飯我食..
大少就將娃娃菜打直切開..
切成長條，然後炒..嘻嘻..
果刻我至發現原來咁樣幾好食喎...
自此以後，我都咁樣切娃娃菜..
嘻嘻，可能大家一直都係咁樣切都唔定..

小包搣‧四季豆

我都自知好耐無下廚了..
廚房都荒廢左好一段時間..
難得星期日決定煮番餐飯..
當我話要煮飯既時候..
小包當然又話要幫手啦..
於是乎我就比左包四季豆大少..
叫大少教小包點樣處理啲豆..
結果大少就同小包向大廳內處理..
我就繼續向廚房忙緊，無理過佢地..
有大少既指導下，當然可以妥善處理..
呢碟肉碎四季豆就係小包負責搣既..
因為小包有份搣亦食得特別乖..

肉醬長通粉

我既病仍然好似未好..
我覺得喉嚨有好多痰咁樣..
我已經食左化痰素既啦..
不過仍然無咩起色咁，哎呀..
我把聲持續唔好返咁..唉呀..
我真係覺得好煩..好煩呀..

我好少煮長通粉，通常煮意粉多..
原來長通粉係滯過意粉既...

絕配︰火腿蜜瓜

身邊既同事話買火眼返黎大家試下..
據說差唔多2xx一磅，我平時都唔會買..
我就建議買個蜜瓜返黎夾黎食..
人家出火腿..我就負責買蜜瓜呀...
我專登去買..揀左個中價既品種..
原本我覺得配紅肉會好味啲..
但係紅肉就只係得番北海道HK198..
配蜜瓜食又好似有啲蹝左咁..嘻嘻..
於是乎我決定買個HK$80既青肉蜜瓜..
火腿配蜜瓜真係好夾既..我好鍾意呀...
將呢兩樣野分開食真係差啲...呢兩個係絕配..
我地豐富下午茶..好好味..

日營義工活動

今年度我參加了公司的義工團隊..
今天係我參與既第二次活動..
係去西貢麥理浩夫人渡假村日營...
由於一早要入營，我清晨六點就要起身..
我係第一次去呢度既咋..讀書去另一度既..
今日小朋友連埋家長一共有61人..
我地就有十二個義工同事..
但面對住三十個小朋友，真係好難控制呀..
好彩最終活動都好順利咁結束..
我只係喉嚨嗌到大乾涸..同埋個人好臭呀...
哈..哈..

宗泡菜豬肉

唔知大家買左六合彩未呢..
今次彩金累積左..一億呀..
嘩..一億呀...真係唔知中左會點呀..
而家八點幾仲未開..我仍然抱住希望..
我知我知道好耐都無煮飯啦..
我今日一早起身就去左買餸..
買餸煲湯煮飯..兼且我要買番個煲返黎..
我好耐都無整新菜色呀..因為無咩靈感..
煮飯前..我又突然間改變主意整新野..
泡菜豬肉..我第一次整..難得屋企有泡菜..
原來很容易整，而且又幾惹味喎...

小包生日

小包..生日快樂呀...
不知不覺又一年了，小包生日啦..
一如以往我地決定留向屋企慶祝..
由包嫲下廚煮左一圍餸比我食..

小包當然知道自己今日生日啦...
吹生日獵燭時，小包許願..
我見小包真係有諗緊呀..
最後，小包話︰我要芭啦能量...

LC銀白色陶瓷碗

九月中，我知道係LC開倉..
今年沒有打算買煲了，所以我沒有去..
一直以黎，我好想買鍋型小陶瓷碗..
可惜我上次開倉見唔到有得買..

同事剛巧放半日假，佢話去行個圈..
佢想買碟呀，於是乎我就拜託佢幫我..
由於我只鍾情於圓型有蓋款這一款式..
其他無蓋，花形，心形，通通不是我杯茶..
所以我完全無期望過開倉時可以買到..
但正價實在太貴，唔合乎經濟原則...

哈哈...居然收到同事既whatapp...
有接近我所愛的產品呀..不過只有一色..
銀白色雪花暗花..是聖誕版嗎....美呀..
一套有三個..原來幾重，真係辛苦曬卡文呀..
雖然我未將佢帶返屋企..但亦忍不住在此曬一曬..

環保燈籠

臨近中秋，個個小朋友既親子活動..
統統都係整燈籠..我家的小包亦不例外..
包爸同包媽一早明言不是勞作人..
之前曾經努力嘗試過幫小包整機械人功課..
但最終失敗無交功課喎...
於是乎今次求救於姑姑..
姑姑又似乎好積極咁..幫小包整喎..
初步概念由我從飛士卜炒考返黎既..
再交由公主姑姑親手製作的..
小包既學校有要求︰環保同小動物..
哈哈..結果姑姑用了三個幾鐘製的環保燈籠呀..
姑姑仲話今日去左買盞燈返黎裝喎..
大家應該可以認得出呢隻係咩動物啦呵..
我都有精神上支持姑姑嫁...

煲粉葛水

星期六開始我覺得喉嚨怪怪的..
我不停地怪責大少所累成我咁樣..
我深信一定係大少..一定係呀..
我唯有自救咁..不停地喝水..喝水..
我唔想又再次病呀..
今日喉嚨唔痛但有點兒聲沙呀..
原本我都有打算去睇中醫既..
不過我又真係唔係好想飲果杯中藥呀..
於是乎我決定..今晚煲一煲粉葛水..
之前我有喉嚨痛飲都掂既..希望今次都得..
砍葛..

節瓜木耳粉絲煲

繼續係偷懶既星期日..
我可以依然係瞓到王朝白晏...
我身邊既大少仍然不停地咳..
傳染埋我..好似被佢感染埋..
我都開始又有少少咳添呀..
懶得連街都唔想落呀..
我搵勻整個雪櫃搵出可以煮既材料..
好好彩仲比我搵到一個節瓜..
加入木耳同粉絲煮成煲..
大少話我煮埋啲咁既野比佢食喎..
===有得佢食..仲咁多野講===

燒焦雞翼

難得既星期六..
我可以瞓到王朝白晏.至慢慢起身..
早餐有大少買返黎比我食既糯米雞..
我可懶得連落街都唔駛..哈哈..
晚餐我出動冰箱內的存貨..雞翼..
一心諗住整我愛既瑞士汁雞翼..
一切過程同平時都一樣者..
當汁滾起後下雞翼上蓋，轉了小火..
然後我行返回電腦前繼續上網..
不久竟然聞到一陣燒焦味道呀..
噢..燒燶左呀..回解會咁樣嫁..

煮燶野雖不是第一次發生，是很久之前了..
我也沒有想過發生在煮這個煮了無數次的雞翼..
雞翼燒焦了..連帶個煲亦都報銷了!!!

大少一行出房門就話聞到燶味..我夠知啦...
大少仲串我︰問我果陣忙住睇緊咩劇呀...
==我果陣無睇劇呀..==

青瓜海蜇雞

今早只有24.8咋..
真係涼快左好多呀..
開始有少少秋天氣息咁呀..我鍾意..
希望這種秋意可以繼續延續下去啦..
我真係好討厭熱死辣辣既天氣呀..
我繼續係整..我最愛系列既菜色..
青瓜海蜇雞..全屋人都愛..愛..愛..

我的涼拌青瓜海蜇雞食譜

材料

* 急凍雞脾1隻

* 即食海蜇1包

* 新鮮青瓜1條

其它

* 四季鹽焗雞粉

* 芝麻油適量

* 芝麻適量

煮法

* 雞脾洗淨以鹽焗雞粉醃廿分鐘..

* 將已醃的雞脾隔水蒸廿分鐘取出放涼..

* 將雞脾去皮拆肉撕成絲，雞汁不要倒走..

* 青瓜洗淨以梅花間竹地去綠色的皮(留少少綠色靚啲)..

* 青瓜刨成幼片，以鹽醃10分鐘，渣走多餘的水..

* 將青瓜墊底，中間放上雞脾肉，頂上放上海蜇..

* 在周圍倒入部分雞汁(如果不怕肥就多d，怕肥就少d囉)..

* 在周圍倒入芝麻油，灑上芝麻便可..

* 為了影相靚靚才分三層展示，食時將所有拌食更佳..

團購飯局

我從來不是團購擁護者..
我幫襯團購只有一兩次經驗..
今晚我去食以團購買返黎既燒肉放題..
呢個團購飯局係公主小妹一手策劃既..
我去前完全沒有特別期望過..
相反，我都好啲擔心團購質素..
不過食得..其實都食物都不差..
只是這兒的抽氣系統比較差少少者..

 

不過唔知係唔係太油膩..
抑或是我年紀大，食完之後總是覺得有點不舒服..
我諗...應該係太油膩所至者...嘻嘻...

榨菜肉絲

今日公主小主生日..
生日快樂呀..呀..呀..
我估小妹今年應該很快樂啦..
因為有老公哥哥送來驚喜生日蛋糕..
換轉係我..我都應該覺得好快樂..

大少仍然未好番，依然係咳..咳..
我亦有要陪食粥嫁..食番病人食既..
榨菜肉絲..係我向超市行黎行去都諗唔到煮咩..
突然覺得榨菜肉絲幾岩有病既大少呀...

節瓜蜆

今日身邊好多人都好關心..選舉結果..
身為不是選民既我，從來都政治冷感..
大家都認為我不是選民很奇異..
其實身邊唔止我一個唔係選民啦!!!


因為太耐無煮飯了..
平時出街食得太多..
反而好掛住我成日煮既菜色..
雖然我都係一些平凡的菜色..
但卻是我自己最喜歡的口味..
這個煮蜆真係百吃不厭呀...真好味..
平時用勝瓜煮多..第一次換用節瓜去煮..

我的節瓜煮蜆食譜

汁料

* 沙白半斤

* 節瓜1個

* 芫茜數棵

煮法

* 沙白吐沙洗刷外殼備用..

* 節瓜去皮，切成粗條..

* 芫茜去根，切碎備用..

* 熱紅鑊下油放入沙白..

* 待沙白稍稍開口，倒入500ml熱水..

* 同時放入勝瓜件蓋上煲蓋一分鐘..

* 開蓋後沙白已開口，下一半芫茜碎及一茶匙雞粉調味..

* 待滾起後即可，上碟後灑上另一半芫茜碎即可..

煲‧淮山茨實湯

今朝一早起身大少同我講..
我今日唔返工留向屋企陪您呀..
我認為佢係吹水的..點知..
到返工時間大少仍然遲遲未動呀..
原來真係放假喎..哎呀呀..呀..
大少今日大少依然係不停地咳呀..
大少話食兩碗龜苓膏味得囉..
今日係我既權威下終於迫令大少去睇醫生..
哈哈..因為我放假嘛..向大少身邊不停煩..
大少頂我唔住咪屈服去睇醫生囉..
食左藥既大少..乖乖的去瞓囉..
面對咳咳的大少，我都唔知煲啲咩湯水好..
結果最後還是決定煲最簡單的..淮山茨實湯..

大少病‧皮蛋粥

最近
我覺得自己對寫卜既熱情..
慢慢地..慢慢地滅減了呀..
可能因為之前電腦壞掉，寫唔到..
又加上呢排又無乜煮飯喎..
哈哈..藉口一大堆呀..

大少病左，咳都好似肺勞咁..
我叫極佢去睇醫生，佢都無去..
唔通佢等等佢自然好番咩..真係激死我..
今日..明明我話陪佢去睇醫生..
佢就話想食我煲既粥多啲喎..>>只係唔想去睇醫生..
於是乎我就去煲皮蛋粥啦..

我真係唔明啲男人點解咁抗拒睇醫生..

開學啦‧糖醋骨

一到開學日子，個個飛士卜都係開學照..
升讀高一級既小包亦開始返學啦..
小包嘗試開始返全日班，唔知佢慣唔慣..
小包留往學校一齊食飯，一齊瞓覺..
不過我覺得都幾好呀..哈..哈..

至於我就一樣返工，然後放工..
有時放假時我亦都會煮下飯..
糖醋骨..我都煮過好多次啦..
因為容易，簡單又非常好味呀..

翻查一下，我除左隔左好耐都無煮飯外..
我好久都未整過新菜色添呀...
請給我靈感呀..

我的糖醋骨食譜

汁料

* 1湯匙玫瑰露

* 1湯匙生抽

* 1湯匙老抽

* 3湯匙鎮江醋

* 8粒甘香方糖

* 5湯匙水

煮法

* 排骨出水，瀝乾備用..

* 將汁料放入煲中煲滾..

* 將排骨放入煲中，滾起轉小火煮20分鐘

* 轉中火開蓋煮至收汁即可..

粟米‧大眼雞湯

經過小包一連四星期黎渡假..
過去成個月既星期六日屋企都有小包..
我真係勞心勞力呀下..
今個星期小包不來了..
我亦有難得的假期休息..
連續兩日我都瞓到兩三點至起身，真係爽呀..
我早已揚明今日足不出戶的..
我要留在家中..無野食唯有食杯麵..
多得妹妹同哥哥買來的餸菜..
我有新鮮材料煮飯一齊食..
由妹妹發板食咩，我只係負責煮..
蕃茄豆腐大眼雞湯，好耐無飲了..
還加了支粟米，令湯有點粟米味..

我的蕃茄豆腐大眼雞湯食譜

材料

* 大眼雞魚1條

* 蕃茄2個

* 豆腐1磚

* 粟米1條

* 滾水

* 薑3-4片

煮法

* 大眼雞魚洗淨抺乾..

* 燒紅鑊下油放入薑片爆香，下魚煎香兩面..

* 下滾水中火煲10分鐘，加入蕃茄件，粟米件及豆腐..

* 轉小火煲20分鐘下鹽便可..

洗廚房

終於九月啦..
九月既第一日係星期六..
雖然我仍然未痊癒，但已經好番好多了..
我今日瞓到兩點鐘至起身..
我這個八月份真的不好過..
我家的廚房封麈了..
我今日捨棄唔駛瞓晏瞓..
用左三個幾鐘頭洗廚房呀..