開學啦‧糖醋骨

一到開學日子，個個飛士卜都係開學照..
升讀高一級既小包亦開始返學啦..
小包嘗試開始返全日班，唔知佢慣唔慣..
小包留往學校一齊食飯，一齊瞓覺..
不過我覺得都幾好呀..哈..哈..

至於我就一樣返工，然後放工..
有時放假時我亦都會煮下飯..
糖醋骨..我都煮過好多次啦..
因為容易，簡單又非常好味呀..

翻查一下，我除左隔左好耐都無煮飯外..
我好久都未整過新菜色添呀...
請給我靈感呀..

我的糖醋骨食譜

汁料

* 1湯匙玫瑰露

* 1湯匙生抽

* 1湯匙老抽

* 3湯匙鎮江醋

* 8粒甘香方糖

* 5湯匙水

煮法

* 排骨出水，瀝乾備用..

* 將汁料放入煲中煲滾..

* 將排骨放入煲中，滾起轉小火煮20分鐘

* 轉中火開蓋煮至收汁即可..