鹵‧鹵水雞脾

由日本返黎..
我好努力咁趁我記憶仲新鮮時寫低..
離開大少一星期..
好明顯大少完全無掛住我..
大少仲話無左我向度..
今晚為了提前慶祝結婚紀念日..
佢可以大字型瞓曬成張床..
佢又可以瞓我既枕頭...
又可以清靜自由自在..無我煩住佢..
所以..大少覺得我唔向屋企..更加好..
更遑論..大少會掛住我呀...呀...呀..
我...夠無掛住大少啦...睇我啲相就知..
我向日本不知玩得幾咁開心呀...呀...
返港後仍在放假中..
之前答應大少整鹵水雞脾..
唔知大少仲想唔想食呢..

Delicious Food in Japan

花了兩天我終於完成了日本行程..
我希望趁我仲記得既時間將佢寫落呢..
雖然寫得唔係好詳細，但我已經好勤力..
去了日本七日，最令人懷念既就係...
日本美味..美味的食物..Delicious Food..

TOKYO‧Day 7

食飽飽之後，我地就去逛水果蔬菜市場..
我最鍾意去逛日式超市啲貴價水果!!
呢度真係睇得我好開心呀...樣樣野都好靚呀..

呢個青提又大又靚..真係好想食呀..H$120..










呢度仲有我最鍾意既哈密瓜同士多啤梨..
哈密瓜真係太重啦..我無辦法買佢返屋企..
我地最後都買左盒士多啤梨返酒店食..









呢度仲有其他其他蔬菜呀..
行街市真係好少行得咁開心嫁..

呢度有好大好大粒既栗子呀..
真係好想可以試食呀..但係無辦法啦..

有好多人坐向度剝銀杏呀..

這個嗚門金時HK$22，唔係平好多咋!!

睇下...呢個蕃茄幾咁紅卜卜呀..

夠鐘要離開築地市場啦..
因為我地要預時間去機場呀..
築地市場..拜拜啦喂!!!

我地要返酒店攞返啲行李..
順便向酒店大堂食生果呀..
築地直送的鮮甜士多啤梨..同埋巨峄提子..
真係..真係..好好好味呀..太好味啦..

由於我地要由酒店推埋啲行李去JR..
平時齋行都要15分鐘，便何況我地每人有兩件行李..
所以我地預左一個鐘時間黎推行李去JR..
點知..好好彩，我地向酒店大堂遇到泰國同事..
有佢地三個幫助推行李，一人一件容易好多呀..
所用既時間比我們預計時間快了很多呵..
真係真係好多謝佢地既幫忙呀..如果唔係就...(笑)..


泰國朋友..唔該曬您們!!
佢地就好啦，凌晨機..仲有大把時間可以去玩呀..
我地就要返香港啦..(嗚)..

我地搭JR Express去機場..約一個鐘..瞓死了..(笑)..

我地三個女仔的行李..!!　勁呀．．

去到機場仲有大把時間..有很多時間可以買野..
睇下這個手信禮物..好可愛呀..可愛呀..

在機場最後衝刺，用埋所有碎銀..
買埋綠茶軟雪榚..在日本的最後一餐..

日本..拜拜囉..
我地搭下午四點機，呢班機唔滿..
我地搭呢班機算係好新啦..
連飛機餐既蘿蔔都係花花型..
咁可愛既飛機餐係第一次食咋..


真真正正結束我日本研修課程..
七日六夜既行程真係玩得好開心..好開心!!
真係要多謝大家關心，我已經平安回來了..(笑)

TOKYO‧Day 7

最後一天在日本了..
今日就要返香港啦..真係唔捨得呀..
我地要爭取時間呵..作最後衝刺呀..
我計劃了去"築地市場"食番餐美味的魚生..
七點半集合，放棄了酒店的早餐..因為要留肚嘛..

由神田駅坐JR去築地後，唔係好遠者..
雖然我地已經係八點鐘到左築地市場啦..

但已經有好多人好多人排緊隊啦..
我地求其揀左一間魚生店排隊..
在等待既時候我就走去周圍逛逛呀..
築地市場賣的蔬菜看起來很新鮮呵..

經過這個玉子專門店，買了一盒大家一齊品嚐..
很好味呀..但是很凍呀..食完全身都凍了..

食完仍未到，哎呀..我地連早餐都未食嫁..
我又走去周圍行..見到即刨的木魚片..好新鮮..
這裡比香港的新鮮多了，一大包也只是HK52..
我也忍不住地買了一包返香港..

 

終於都到我地啦..左揀右揀都唔知揀邊款好呀..
終於我揀左好豐富既一款..期待中呵..
築地市場的魚生真的真的很新鮮呵..
真係..真係..真係..太..太好味啦!!