泉章居

其實近年來我已經好少踏足旺角..
不知為何年紀愈大愈少去旺角了..
但呢個月連續去左兩次呀..嘻嘻..
因為上星期去了配眼鏡，今日去攞呀..
突然間今日有好想食泉章居既雞..
於是乎我話要去食泉章居，真係好少有..
通常我話去食時係因為遷就大少..但今日係我自己想食!!
大少咁鍾意呢度所以一定唔會反對..求之不得啦..

通常我地都係去銅鑼灣果間既..因為放工方便..
但其實我一向都係旺角抵食啲..因為多一個餸嘛..
銅鑼灣二人餐︰湯+兩個小菜..有糖水送既..
但旺角二人餐︰湯+三個小菜..好豐富呀..


今次去泉章居必定叫的"霸王雞"..
我真係好鍾意啲薑同蔥呀..大愛呀..
我獨愛呢度既霸王雞呀..其他地方無法比..

好多時都會叫"蟹肉扒豆苗"...
不知道為何這裡一年四季亦有豆苗..

至於另一個餸就很傷腦筋啦..選擇困難呀..
我建議食..京都骨..中式牛柳..通通被拒絕..
結果我就決定叫我想食既"蒸大鱔"..大少係唔愛既..
但無辦法啦，每次都係我就大少，今次輪到佢就我呀..
基本上成碟鱔大少只係食左三嚿..其餘都係我食曬..