其實我搭班機係起飛時間係十點幾呀..
唔駛咁早出門口，不過配合大少返工時間，早左起身..
起碼結婚紀念日既第一餐早餐有大少同我一齊食..嘻嘻..
有大少送我去機場我就唔駛自己推行李啦..呵呵..
早左一個鐘已經到左機場，無無聊自己等..等..行下.等下..
終於等到登機時間啦..
根據正式資料統計，呢一張相係上載率最高既類別..
既然如此，我也要幫手支持一下呵..
東京我黎啦..
飛程 大約四個鐘左右..
我唯有睇下戲解下悶啦..好快就食飛機餐啦..
早餐食得太豐富，所以其實無乜點樣食到呀..
終於日本時候下午差不多三點幾下機了..
辦埋手續拎埋行李已經四點多了..
我地錯過了一班車..
唯有等到五點鐘才有車，在機場等一個鐘..
同行的B小姐在香港網購了張日本上網電話咭..
所以我地去左攞..攞完之後，即刻換入"哎瘋"..
可惜攪左好耐都攪唔到呀..
試下打電話去問，等依然問唔到呵..
睇睇呀...日本公共電話旁仲有放黃頁比人用..
仲要保存得好好嫁..相信只有日本人才可以呵..
呢個比人充電既小箱子幾別緻呀..
不過其實日本所有野都係好可愛既..真係見怪不怪呀..
終於都等到夠鐘可以去坐機場巴士啦..
我地坐去"丸@內"站呀..坐向巴士度已經好攰啦..瞓左..
由於今次目的係參加公司培訓..酒店係由公司安排的..
住在公司附近不遠處..在大手町..
我地落車後要推住行李去搵酒店..
又要搵，又要行，行左好一段時間先至搵到酒店..
六點幾先至到酒店，原本我地訂左三間不吸煙房..
點知酒店比左三間"吸煙"房我地..
嘩..一打開道門好一陣煙味供出黎..臭到死呀..
我地當然接受唔到啦..用左好一段時間用黎投訴..
經過一大輪日文交涉投訴投訴..
終於安排左三間Non-smoking Room比我地暫住兩晚喎..
但要我地第三日早上再轉房，唔想再蹝時間投訴..
暫時接受，但要求往後幾晚都要住Non-smoking Room..
終於我地上房放低啲行李啦..無錯我地一人一間房的..
在東京來說，這間房已經算很大了，還有浴缸添呀..
今日既東京晚上，非常大風很寒冷..
我行左去東京站..步行約15分鐘..
東京站是剛翻新的車站..
夜晚睇真係好靚呀..裡面都好靚呀..
由朝早食完早餐到夜晚七點幾..簡直係飢寒交迫呀..
我真係好肚餓呀..我地求其搵左間餐廳食"蛋包飯"..
雖然好肚餓但都要影番幾張靚相至得架..
可能因為太肚餓啦..我真係覺得好好食..好味道呀..
一個蛋包飯HK$120，日本價格的確高呀..
食完飯已經九點鐘了..
東京站的小商店已經關店了..
由於大手町係商業區，我地無街可以行了..
唯有返酒店了..
日本大手町街頭很美呵..亦很凍呵..
行路返酒店，沿路既便利店就係我地既恩物..
我地既Shopping據點呵!!
買下飯後甜品..以為是橙味雪榚添..
但原來係橙味沙冰加雪榚..
日本快香港一小時，返到酒店只是十點鐘..
好彩酒店大堂有wifi free..
酒店大堂上網是每日最後一個景點..
第一日行程就這樣完畢..第二日係返工啦!!!
沒有留言:
張貼留言