煲‧椰子骨湯

星期六晚大少唔返黎食飯..
我當然就懶就懶唔煮飯啦..
得我自己一個人煮乜鬼呀呵..
今日就無得再偷懶啦..因為大少返黎食飯..
佢仲記得我上星期六應承煮飯但甩底..
去左打冷既舊事重提呀!!!成個星期啦仲記住..

無錯呀..上星期大少話想食鹵水雞脾呀..
但我今日都係無整到呀...因為我唔想食..
今日突然涼左好多呀..煲番個靚湯飲..
椰子煲排骨..無錯..唔係雞..係排骨..
的而且確坊間通常都係用椰子黎煲雞..
但本小姐從小對雞湯有點兒不愛..
所以我好少煲雞湯..除左整雲吞雞外..
椰子煲排骨..一樣好味..清甜呀..