TOKYO‧Day 2

第二日要九點鐘返工..
下榻酒店有早餐供應的..
幸好早餐的味道比我想像的好..
早餐..我地要向呢度連食六日嫁..

跟住就係返工時間啦..
日本室內有開暖氣習慣..溫度保持向26度..
所以一入公司或者係室內就覺得好熱..好熱..

我已經係同行三個人之中著得最單薄..
我著住一件背心加西裝外套..也熱得流汗呀..
睇見B小姐同K小姐著長袖冷衫加西裝褸..
我都覺得佢地好熱，好辛苦呀...

今次除左香港代表，亦有泰國分公司代表..
所以整個培訓課程裡面，夾雜了多國語言..
日文..國語..廣東話..英文..泰文..


第一日返工..
上午係由日本同事介紹公司背景，各部門工作咁..
十二點鐘食飯了..
由日本同事安排的壽司..我唔知幾多錢嫁喎..
因為我地只係負責食，由公司比錢的呵..
日本壽司真係好好味呀..
甜品仲有我最鍾意既蜜瓜呀..











食完飯..繼續係部門介紹..
之後就係同社長見面，交流咁啦..
好快就到左六點放工時間了..
晚飯..安排左同社長一齊食..
食既係日本料理，除左社長仲有其他高層一齊食..
因為咁樣唔係幾好意思攞部相機出黎..
影唔到相囉..不過影到一張豚肉火鍋既相..
這個豚肉顏色好似牛肉，但係豬肉..貴價豬肉..





食食下飯，日本同事講我地知..聽日係社長生日..
所以佢地準備了生日蛋糕，叫我地一齊唱生日歌..
社長，生日快樂呀!!



食完飯之後，我地就返酒店了..
第一日我地以為酒店係商業區..入夜後係死城..

但我地九點鐘已經返到酒店..無理由咁早呆在酒店嫁..
於是乎我地去周圍行下啦..
比我地發現原來不遠處是JR神田站呀..
附近有好多食店嫁..真係開心啦..
呢幾條街成為左我地每晚消夜既好去處呀..




今晚我地去左間串燒小店，試下立食串燒既滋味..
日本人很喜歡在放工後喝杯啤酒才坐車回家..
唔喝酒既我地，喝可樂一樣好開心!!

 

 

 

返到酒店附近依然未夠喉..
見到有熱粟米湯販賣機就禁返罐黎喝..
嘻嘻..




最後一站咪就係酒店大堂Wifi囉..

十一點幾就瞓了..聽日要繼續返工..