蛋蛋百日宴

星期六係蛋蛋bb既百日宴..祝蛋B快高長大，聰明伶俐...

原本我約左小包早點去睇鴨鴨既..但係點知落雨擱置無得去..真慘呀..

好彩出門口去飲時已經停左雨咋，唔係就煩啦...未夠七點鐘去到酒樓，小包已經比我早去到了...

主角蛋蛋bb正在食奶呀..我就同雀友一齊打麻雀，掛住打牌連相都無乜同蛋b影過添...反而無聊既大少影左好多張喎...

入席後佈置用既吹氣字母已經無用，姑婆攞晒落黎比小包玩，小包同其他小朋友玩得好開心，最後小包仲同其中一個小朋友爭要S字，攪到喊曬添，最後都係小包成功帶左返屋企!!!

煲‧豬手薑醋蛋

星期三清晨當我還在沉睡中...比大少嘈醒左...

大少話比我知原來係黑雨呀...果刻係六點鐘呀...我仍然未夠鐘起身，我亦認為黑雨係唔會掛得好長，我深信到我夠鐘起身返工時，黑雨已經會無左，完全無期望過...

七點開始陸續收到各人既what's app議論緊黑雨呢件事...仲宣佈埋全日制學生停課添，即係小包唔駛返學..我亦都唔駛返工....住!!!

可以繼續瞓...到九點九黑雨至變左黃雨，根據公司既指引，兩個鐘頭內要返工...多得呢個黑雨令我可以瞓多兩個鐘....嘻嘻哈哈...

今日大少其實係放假既，我出門口返工時呢位大少係廳度自在地打緊機，真係羨慕死我呀....

晚餐我要食壽司，大少又唔反對，結果去左間新開既連鎖壽司店，出奇地好味喎，意料之外呀....

不過今日最令我出奇既係...大少居然早到，唔駛我等佢呀....我約大少，大少每次都遲到，每次都要我等佢，每次都激到我生蝦咁跳，但今日竟然早過我到...

我認為今日諸事皆順，令我身心舒暢既一日呀...隔左咁耐至寫返幾日前黑雨既事添..

我的豬腳薑演變版..豬手薑醋蛋再次出現..因為我鍾意食囉...

炒‧銀芽素絲

星期日居然外出了，能令我在假日外出不外乎這個原因..

小包係其中最大既動力呀...我唔係人人都想見既嘛...

今日世界變了，每次家庭聚會中，包爸永遠是例遲的一位(同我家大少一模一樣)，我們永遠都要等他，但今天包爸竟然係最早到的哪個，由佢攞埋位開定茶等我們...真係難得啦，世界變啦啦啦!!!

小包今日當然係靚啦，頭頂還戴著我在廸廸尼買的大蝴蝶結呀...

只係五月份而已但天氣真係好熱好熱，熱得黎濕度又高，今日向條街度真係好熱呀..但小包依然樂不亦乎呀..

真係不得不開冷氣呀...我已經開左幾日冷氣啦，因為真係頂唔住呀..

天氣咁熱，食得清淡點點..

煮‧鮑魚麵

星期六了，像我這些五天工作的人，連續三人都是假期..

大少要返工，我依然可以繼續我既假期..既不用煮飯，也沒有約會..

唔知自從幾時開始我變得不在喜歡假期外出了..我寧可宅在家..享受寧靜生活..

有什麼事要做，有什麼野要買，最好在星期一至五外出去做好了...

星期六有從媽媽家拿回來的鮑魚，我只是配上一個鮑魚麵便可了..

真正的鮑魚麵呀...豐富呵...我其實從未煮過鮑魚，下次可以試下..

煲‧粉葛湯

佛誕假期本應可以讓我瞓個痛快..

點知屋苑警鐘竟然向七點鐘響呀...嘈醒左我呀...

原本我只以為是誤嗚，好快會無事，不打算起身..但警鐘依然地響，隔左一陣我仲聽到消防車聲，不得不下床，走出露台望下，與此同時，我亦見到其他住戶同我一樣向露台望..

我見唔到有火災既痕跡，亦只見有消防車駛入對面座數...很快警鐘亦無再響了...

我已經被擾攘起來了...然後我當然選擇再瞓啦，瞓左一陣(只係一陣)，我就被大少嘈醒左...

連番打擾我已經瞓唔番啦，於是乎我決定起身落街食我既快活早餐呀...

自從大少轉左工，新公司有免費豐富膳食提供後，我已經唔再大少既膳食而張羅了，所以煮飯既次數亦唔多了，唔煮飯我唯有煲過老火湯啦..

雖然大少公司其實每日都有老火湯提供，但我同公司總有分別既!!!!分別係公司多料好飲過我煲既..我都明既..

天氣又熱又濕，煲粉葛湯為自己也抽抽濕吧..

煎‧三文魚腩邊

終於捱到星期四了，無錯係終於...等到頸都長埋呀...

這個五月過得特別特別地慢呀，還要再捱兩個星期呀..感覺慢通常是因為無乜野做，但五月偏偏不是呀...

要處理的工作好像沒完沒了...枱頭的檔案疊得愈來愈高呀..

前兩日平d節目介紹三文魚，的確係一個唔錯既選擇，但係我未見過有佢介紹到咁平喎...莫非我所到之處賣既野都係特別貴既...唔通係咁?!?

煎三文魚腩邊，冰箱長存有的存貨，想食時..無買餸時..攞出黎解凍煎一煎便可..

煎得脆卜卜咁..非常方便簡單的存貨之選呀..
 

煎‧泰式魚餅

母親節快樂呀...

這個母親節既已提前在星期六慶祝，星期日便沒有再外出了..

星期日本是應該煮番兩味，可惜不知道為何這個星期日卻懶洋洋的，直程瞓足左全日呀..

我都好懷疑點解我自己可以瞓到咁多呀...曾經懷疑夜晚會瞓唔著，但竟然無喎..我真係犀利呀..

既然無飯煮，唯有找來是我上星期日煮的泰式煎魚餅呀..今次因為唔夠咖喱醬，沒有上次般香口，要快快買番啲紅咖喱醬至得啦..

我的泰式煎魚餅食譜

材料

* 鯪魚肉* 豆角數棵* 泰式紅咖喱醬兩湯匙


煮法

* 豆角去頭去尾，放入滾水略灼，瀝乾後切小粒
* 將鯪魚肉，豆角粒放入大碗內，放入紅咖喱醬及糖調味..* 以同一方向攪勻，放入雪櫃雪最少一小時..
* 從雪櫃取出分成相等份量的..
* 先取一份量，並用雙手揉成圓波型，再按扁...
* 熱油後，下蓮藕餅慢火將一面煎至金黃色後..
* 再反轉煎另外一面煎至金黃色，再把周圍煎煎便可..

母親節火鍋夜

母親節快樂呀...

這個母親節提前在星期六慶祝，既然是慶祝母親節，當然係揀媽媽最鍾意食既打邊爐啦...

苦苦思量後決定都係留在家食是最好的，免得同人迫之餘，又唔駛被人抬貴價錢喎..簡直係最好既選擇呀..

由我同包媽親自到街市買材料，材料新鮮，當然係好味啦....

買了一條全家人都鍾意食既象拔蚌，雖然貴但真係鮮甜無比呀...



棄雪藏肥牛，買了新鮮手切牛，但不及上次包爸買的..



全屋人唯獨媽媽是不食牛的，因此有豬肉片..

這個脆肉鯇真係好好味呀...

為了我自己而這個脆肉鯇真係好好味呀...

 

今日真係辛苦曬，包媽負責同我買野，然後又要洗洗切切...

忘記一提是小包今日著了條新裙，好靚，成個花仙子咁...

祝母親節快樂呀!!!!

炒‧炒蜆

放工食埋飯後返到屋企播緊大結局..

睇左一個鐘頭大結局但真係唔係幾明白，內容空洞定係我唔明呢..

小包打電話比我，問我聽日幾點鐘去同佢玩，佢話十分鐘啦...哈哈...

繼續海鮮篇，炒蜆，真係無乜炒過，近日鍾意用水煮，煮出那種鮮味，反而不是太喜歡食炒蜆呀....

蒸‧蒜蓉象拔蚌

近幾日都沒有更新，基本上回家後我沒有坐過電腦前呀...

皆因電腦被大少完全地霸佔住呀...到大少用完讓比我用時，果刻我已經攤在床上面追劇中，沒有時間再來到電腦前啦..

星期一至五放工返到屋企最大既娛樂係追劇，好可惜最近節目由08:30至11:00所播既內容都勁被人彈呀..真係慘不忍睹呀...

我既無電腦可用，又想了解下點解被人彈得咁勁，結果我都有睇住08:30至11:00既節目...08:30唔太專心睇，亦非經常性睇，所以我的確唔明唔知做緊咩..

09:30我都有睇，其實唔難明呀，我明呀，不過的確係無之前既咁鮮明既，但我又認為未至於差成咁呀...

10:30真係..我都唔知點講呀，雪藏雞翼未出水去煲湯..炒腸仔粒咁...次次去買野都叫人平，根本就唔係真正既平...我真係不敢恭維啦...不過我覺得做得幾成功呀，起碼引起大眾廣泛討論呀...

唔知點解寫左咁多無聊野，續上一次既蒜蓉蒸扇貝，其實仲有蒜蓉蒸象拔蚌嫁...

我覺得公主小妹蒸得靚過10:30多多聲呀...對不對?

我的蒸蒜蓉粉絲象拔蚌食譜

材料

* 象拔蚌4隻
* 蒜頭數粒* 粉絲適量* 蔥粒適量


煮法

* 象拔蚌去殼洗淨瀝乾放在碟上..
* 粉絲浸軟後瀝乾，倒入少許生抽撈勻..* 蒜頭切粒，將一半下鑊炒至金黃撈起成熟蒜..
* 將炒好熟蒜與餘下的生蒜撈勻待用..
* 將粉絲及生熟蒸舖在象拔蚌上..
* 水滾後，放入象拔蚌大蒸5分鐘取出..
* 下生抽調味及贊滾油，放入蔥粒便可..

蒸‧蒜蓉扇貝

之前我每次整蒸扇貝，蒸象拔蚌，蒸貴妃蚌..總之係蒜蓉蒜乜乜海鮮..我都煮得唔好食..

反而公主小妹煮得幾好喎，不過佢未曾煮過比我食喎，唉也也..我見到佢尋日又煮啦，引起我想食既慾望呀..

我要求公主小妹今日煮比我食，嘻嘻..成功請得佢肯下廚，仲要由佢自己親自去街市買材料添，我真係有幸啦..

蒜蓉同蔥花係我負責切既，其他由洗到蒸都係公主小妹負責既，真係幾好味喎，唔錯呀..蒸扇貝，大大粒呀..

同場其實仲有蒸象拔蚌，等我請教有關食譜後再詳細寫低啦...

 

我的蒜蓉蒸扇貝食譜

材料

* 扇貝4隻
* 蒜頭數粒* 粉絲適量* 蔥粒適量


煮法

* 扇貝洗淨瀝乾放在碟上..
* 粉絲浸軟後瀝乾，倒入少許生抽撈勻..* 蒜頭切粒，將一半下鑊炒至金黃撈起成熟蒜..
* 將炒好熟蒜與餘下的生蒜撈勻待用..
* 將粉絲及生熟蒸舖在扇貝上..
* 水滾後，放入扇貝大蒸4分鐘取出..
* 下生抽調味及贊滾油，放入蔥粒便可..

炒‧素菜鍋

曾幾何時，我曾為自己定下一個月兩日為食素日..

我大概維持了一年多日子，之後不了了之了..隨著年紀漸大，我認為自己應該食少啲肉，食多啲蔬菜呀..

包爸最近話一星期唔食肉喎，所以請佢黎屋企食飯既話，我要準備多一點素菜..炒了一大堆素菜，我之前在素菜日裡面我最經常煮既就係呢個素菜鍋..

煮了一大鍋，竟然係最受歡迎既菜色喎，大家都喜愛食，總之我煮多一啲啦，因為我見咁受歡迎，自己都無乜多過呀...

呢個素菜鍋內最不受歡迎既係紅蘿蔔花花呀!!