蛋蛋百日宴

星期六係蛋蛋bb既百日宴..祝蛋B快高長大，聰明伶俐...

原本我約左小包早點去睇鴨鴨既..但係點知落雨擱置無得去..真慘呀..

好彩出門口去飲時已經停左雨咋，唔係就煩啦...未夠七點鐘去到酒樓，小包已經比我早去到了...

主角蛋蛋bb正在食奶呀..我就同雀友一齊打麻雀，掛住打牌連相都無乜同蛋b影過添...反而無聊既大少影左好多張喎...

入席後佈置用既吹氣字母已經無用，姑婆攞晒落黎比小包玩，小包同其他小朋友玩得好開心，最後小包仲同其中一個小朋友爭要S字，攪到喊曬添，最後都係小包成功帶左返屋企!!!