綠綠白白‧菜鍋

每天外出大魚大肉的食..食..食..

星期日早上還去酒樓飲茶了，一盅兩件!!

我好似已經好耐無煮過飯了..好似好耐了!!

所以星期日特意弄了一大盆什菜煲..係一大盆..

動用我的LC24cm鑄鐵鍋來煮..感覺漂亮呀..

感覺很健康似的..除了那幾條昨天火鍋剩下的響鈴外..

整個菜鍋綠綠白白的，特意切來數片紅蘿蔔做點綴..

本想弄個花花，但找遍整個廚房也找不到哪個花花模!!

不知放在哪裡了，卻找到個心型模，唯有整個心心了!!

即興節目

我諗..我諗.我已經有好好幾年無入過戲院睇戲啦..

上次去戲院既時候好似好似係N年前既啦!!

今晚即興地買飛入戲院睇"那些年"喎..

結果果然係出人意表喎!!都唔錯呀..

我最深刻的"戀愛最好的時候，就是曖昧的時候"...

萬聖節功課

星期六放假天難得遇上大少同樣放假..

返回娘家順便可以探探小包，可愛既小包!!

晚餐很令人頭痛唔知食啲咩好..唔想煮，又唔想出街食..

結果回家超豪地打邊爐，生蠔，聖子..單單是買都$500了..

唯一遺憾的係無肥牛，事關包嫲係唔食牛既..

我同大少帶埋小包負責去超市，包媽同妹妹就去街市..

我同小包行超市，小包似乎對海鮮充滿濃厚興趣喎..

回到小包家，包媽去洗野，交帶我同小包做功課..

今期既功課係先睇一個關於萬聖節既短片..

然後..睇下小包了解到幾多內容..>>其實邊了解到<<

仲要搵關於呢個主題既圖片貼上..>>邊度會有喎<<

我話剪報紙啦!!點知...姑姑又嫌報紙污糟..

唯有叫大少同小包落街買雜誌啦!!我地要剪報呀..

而家幼稚園啲功課已經咁難既啦!!到小學咁點算呀...

去飲碌

最近好忙好忙呀，公私兩忙呀..加上又病..

公司時間忙公事，放工時間忙私事!!

今晚幾乎要十一點幾才有時間坐在電腦前面!!

所以最近既網誌內容都要長話短說，因為趕住瞓..

直到十二點幾終有機會上網，返到屋企比大少霸住部腦..

下月有好多喜宴呀，真係破產都唔掂呀!!

今晚外出目的係挑選小包去飲碌..真的花多眼亂..

由於我地唔想買啲好娘既花女裙，又唔會太隆重..

我地想要啲靚得黎又可以平日再著番，唔好蹝左條裙..

其實呢個要求都唔係好難者..但之前睇過好多..但偏偏唔岩心水..

居然在銅鑼灣大街上發現近乎心水選擇..花多眼亂..

西餐班 │ 香蒜芝士燒蝦

我好鍾意食蝦嫁!!所以我一定要好好記低這食譜..

等我有時間可以自己向屋企試整，一定要試整!!

香蒜芝士燒蝦食譜

* 急凍蝦去鬚，蝦背開邊去腸..

* 開邊蝦打扁，在蝦身剁幾下(避免蝦身捲起)..

* 蝦身舖上鹽，糖，黑胡椒粒，檸檬汁，蒜蓉醃..

* 用鑊煎，蒜蓉面先下鑊煎，用鑊鏟壓扁蝦身..

* 蝦只需略煎即取起，排放在焗盤上..

* 攤凍塗上蛋白，放上麵包糠及芝士粉..

* 放入預熱焗爐焗30秒即可..

* 食時可伴以蘸泰式辣汁食..

西餐班 │ 第六堂

唔知係唔係呢排食得太多野啦，攪到肚仔痛!!

連續痾左三日，打算去睇醫生，點知今日又無再痾喎..

慳番..不過仍然有啲肚痛喎，星期二上學去..

今日有好多野要煮呀..菜色亦好好味!!

整兩樣野︰香蒜芝士燒蝦同馬里連雞呀..

首先處理蝦先，去鬚開背然後拍扁..

香蒜芝士燒蝦..

然後到馬里連雞，原來有好多野要處理︰

炸雞柳，焗蕃茄，煎香蕉，煎粟米餅，仲有他他醬汁!!

今晚真係好飽呀，一份餐兩個人分都食唔晒!!

今晚太眼瞓啦，肚又再痛，未寫到詳情同食譜住..

等等我呀..將會後補卦!!

帶著小包

星期六突然接到照顧小包一天的工作..累透了..

其實小包自從返學讀書後，可能大個左，變我乖左..

而且而家仲好有禮貌添呀，唔該前唔該後添呀..

小包仲主動幫我一齊做家務，一齊晾衫添!!

小包真的有著無限精力，不停講不停玩不停跳..

其實我都好想陪小包一齊玩嫁，可惜我精力有限呀..

帶著小包一天，連晚飯也沒有煮，呵呵!!

其實係因為大少問小包晚餐想食咩呀︰意粉定壽司呀..

三歲既小包已經識答︰食壽司!!嘻嘻..唔駛我煮飯!!

行商場時，小包對很多事都很有興趣，成日問呢啲咩呢嫁..

呢樣睇下果樣睇下，精品部也行了很久了..

大少最欣賞既地方，係小包唔會要求買野，唔會叫我地買..

只係睇一睇，摸一摸就心滿意足啦!!呢樣係包媽教小包既!!

一日已經很辛勞了，我體會到全職媽媽，年中無休其實很辛苦..

因為我照顧了一日已經攰我要死，有時小包仲要求我抱抱..

哎呀..我手都斷啦..唔單止我呀..連大少都話手酸喎!!

終於回家了，回家時發現原來今日唔記得同小包影相喎..

搭電梯都即刻補影返張先..騎牛牛喎..

回到家疲勞得很!!十點鐘上床瞓..

為了迎接星期日北上的另一個疲倦之行!!

午餐一樂也

昨日帶著仍未痊癒的身軀北上工作一天..

這工作是一早訂下來的，病也不好意思推卻..

即日來回，舟車勞動，回到家疲勞得很!!

累得累得我連電腦也不想開了..早早大睡去了..

為左彌補昨天的辛勞，今日吃了自費貴價午餐..

價錢的確係貴，但的確好味，能吃如此美味午餐為一樂也..

努力‧草菇肉片

為左快啲好番，為左可以擺脫可惡既藥..

早上食了兩顆我不愛既奇異果..增加維他命C..

上網一查奇異果功能，大家還說有減肥功能..真的假的!!

早前有聽聞過，但半信半疑的..真的這麼神奇嗎??

既然可以增加維他命C，又可以減肥，我乖乖的吃下吧..

抱一抱嘗試心態，我想就算不成功也不會有任何副作用卦!!

早上空腹兩顆我不愛既奇異果..努力吧!!

簡單的家常小菜，蠔油草菇肉片..

有時簡單的小菜，也可令人感到幸福了!!

當您不用再食那些貴既唔好味的飯盒之時..

西餐班 │ 第五堂

不幸地又再次病倒了，不想說話，但依然返工..

今日已經好了很多了，依然有去上西餐班..

今日整︰黃薑雞湯 同 捲釀三文魚龍脷柳..

係五堂以黎我覺得最唔好味既一堂呀!!

所以唔打算寫食譜了，齋睇相算了吧..

黃薑雞湯，我在切雞肉ing..

還要加蘋果，味道似蘋果批的蘋果..

感覺好似咖喱湯，似汁多過湯，無諗過會喝咖喱湯..

龍脷柳拍扁卷著三文魚蓉...

但煮法係蒸..我覺得有啲腥，我諗煎會好味d...

愛上它‧炆排骨

我終於終於有機會為我既Le Creuset 20cm剪綵啦..
但另一個24cm仍然未動，仍然在廳中茶几上曬ing..
一係唔用一係就一連兩日都用，仲要係煮一樣既排骨..
事緣一天前用Le Creuset 20cm黎炆排骨，效果好好!!
第二日有客人到訪，自然要再炆多一次排骨..

Le Creuset 20cm用後報告..
愛它不黏煲，可不用睇火..愛它慳水力，只需用小火..
愛它鎖水力，水不會減少..愛它外型美，可直接上枱..
一句講晒，就係我已經愛上了它..睇黎我已逃不到它的魔掌..
睇黎我下次又要再去敗家了!!大少不要怪我呀!!

栗子炆排骨，很愛歡迎!!可憐得我沒有食過一塊排骨呵..
幸好我喜歡栗子多一點，真係好好好味呀..

冬菇炆排骨，排骨軟淋滑，這個質感很好好呵..

哎呀!!!這兩張相大家看得出它是Le Creuset 20cm嗎??

蹝氣‧竹笙釀冬瓜

一連食左兩日的大餐，我覺得我自己好似在增肥..
我明明是要減肥，這樣不減反增呵，痴晒線了..
我今日要食得清淡..清淡..零油的..零油的..

用竹笙釀著冬瓜條，是一個心機的餸呵..
冬瓜條要切得粗幼得宜才可以釀入竹笙內..
這樣下還餘下很多無法釀入竹笙內的冬瓜條..
我當然不會把它浪費啦，把它一起煮做成了另一道..

竹笙釀著冬瓜條..

另一道沒有竹笙的冬瓜條..

我家大少居然覺得沒有竹笙的冬瓜條比較好味呀..
更加認為竹笙釀著冬瓜是蹝氣..
以後也不用花時間把冬瓜條釀入竹笙內..
乾脆煮上湯冬瓜條便簡單得多了!!!

閃鑽的驚喜

我家大少一向毫不浪漫，甜品蜜言絕對欠奉!!
平時只會對我大呼小叫，當我妹仔咁使囉..
下月便是結婚週年既日子，過去幾年都沒有送禮物..
但今年唔同既，畢竟是十年了，一個值得紀念的日子..
難得的十年，我們一齊經歷了很多甜酸苦辣了..

為免自己失望，我最近已積極向大少透露我要禮物!!
大少揚言送我最新既哎瘋電話，好切合大少一向既慣例..
哎呀...我唔要呀，我唔要呀，我唔要電話呀...我會反面!!
我揚言大少可以送我十個LC煲，或者10個LV袋..
大少覺得我傻了..正在發夢，睬我都傻呀...哈哈..

今晚食飯時，大少突然向我端出禮物..這個意想不到..
我從沒想到大少今日會向我送禮物喎..沒有心理準備..
更沒有想過大少會送我這貴重的禮物..真的沒有想過..
大少說︰雖然未到，但竟然買左，咪早啲送囉!!

最開心的並不是這禮品的價值..
而是大少自己上星期親自去挑選禮物..
這份誠意十年幾前出現過後，已經不覆見了..
我想沒有人不喜歡鑽石的，我當然不例外啦..
開心興奮得整晚都瞓唔著添..

回魂後，我又嫌石好像不夠閃，指環又太粗了..
責備大少買這麼貴重的東西，為何不買我一齊去買去揀..
但這正是我欣賞大少的誠意，不是嗎?? 大少都頂我唔順!!
我家大少堅持不告知我幾多錢，只是不停說自己從此跌入貧窮線以下..
我家大少形容自己已經掉左嚿錢落鹹水海了，唔會再諗啦..

我難得有這機會，請容許我在這裡曬ing..曬ing..閃ing...

Cafe Renaissance

自從半年前開始用"哎瘋"之後，有無限上網..
從此我就變成左碌人，分分鐘，何時何地都碌碌碌..
但半年無限上網既期限到期啦!!我要有限上網啦!!
我唔要再做"碌人"，減少減少上網既時間囉!!
今日午餐由公司比錢食的，揀左去灣仔萬麗酒店..
Cafe Renaissance 12黠準時出發 Gogogogogo!!
整體所有我食過既野都好好味呀!!
想食好耐既Parma Ham配哈蜜瓜..
滋味既龍蝦仔..
新鮮甜美既北寄貝刺身..
好好味既燒牛肉壽司..
勁脆既鹹豬手..
仲有..任食既Haagen Dazs雪榚..

以今時今日呢個價錢我覺得唔貴，食得過!!

西餐班 │ 荷蘭牛柳

今晚無大少催促我，我可以慢慢慢慢咁寫啦..
尋晚既西餐堂晚餐真係好好味既播，有酒店水準..
皆因阿Sir係酒店做既咩，嘻嘻!!我就抵晒!!
成碟晚餐有主菜牛柳，同伴菜既焗蕃茄及翠玉瓜!!

最難整，最費時既係牛柳汁，要用兩個鐘黎..
所以一開始上堂要即刻煮個汁先，由阿Sir煮理..
其實呢個汁上堂都有整過下，整法其實同牛肉湯有啲相似..
要用好多材料去煲，可以一次過整多啲，然後分袋放入冰格..
有需要用時攞出黎翻熱就得啦，可以放上兩個月，慢慢用!!

主菜荷蘭牛柳食譜
DUTCH FILLET STEAK
煮牛扒汁湯底
* 牛骨牛筋一磅，放入焗爐焗香
* 炒香洋蔥，西芹菜，紅蘿蔔，月桂葉，黑胡椒粒
* 放入茄膏攪勻，下1安士麵粉攪勻2分鐘至微黃
* 下兩湯殼水，用拂蛋棒拂打至爛.
* 打爛它令其沒有粒，然後又再放一湯殼水，繼續打至爛..
* 共分4次下水，這步驟做4次囉..
* 放入清水牛骨牛筋滾起轉小火煲1.5小時成為"黃湯底"
* 重點︰煲西湯講求清湯，因此煲湯時不用上煲蓋的..
如果無時間煲呢個汁，咪用現成汁取代啦!!
煮牛扒汁
* 將湯用大筲箕隔渣，只餘下汁液..
* 切碎少許乾蔥及洋蔥下鑊炒香，再倒入汁液便可..
*****其實我真係覺得好複雜囉，攪咁多純粹得個汁*****
煎牛柳
* 牛柳去根，切成圓形
* 以鹽，喼汁，黑胡椒粒略醃
* 以煙肉在牛柳外邊包好，用廚房繩札好
* 平底鑊下油，當鑊冒煙後，中火先煎香四邊煙肉
* 然後再煎牛扒兩邊，每邊約兩至三分鐘(視乎牛柳厚度)即可

焗蕃茄，睇個樣以為係芝士，其實唔係呀!!係荷蘭汁..
唔..以我黎個唔食蕃茄既人黎講，小試一口，都覺得好味..
其他同學仔大讚這個焗蕃茄好好好味喎，真係既!!

配菜荷蘭汁焗蓄茄食譜
* 蕃茄去蒂，在頂部刮去蕃茄籽
* 放入已預先焗爐，焗至淋身取出
煮荷蘭汁
* 牛油放在熱水上溶熱
* 在熱煲中先打勻蛋黃至一定程度，慢慢下牛油及黃湯底
* 打至汁滑成荷蘭汁，試味(感覺很油，有點好似曲奇餅感)
* 將荷蘭汁淋在蕃茄面，放入焗爐焗多5分鐘即可

西餐班 │ 第四堂

星期二西餐班又上堂啦!!原本今日一早有兩友人都話唔去!!
但最終佢地都有去，唔駛等我得番一個人，真係好啦!!
一開始只得一半人返左，過左大半個鐘慢慢又多幾個返..
今日一開始整左個無咩特別既俄羅斯沙律..

跟住係戲肉..荷蘭牛柳配焗蕃茄..
唔..以我黎個唔食蕃茄既人黎講，小試一口，都覺得好味..
其他同學仔大讚這個焗蕃茄好好好味喎，真係既!!

然後整牛柳，以煙肉卷住牛柳..我算卷得唔錯既啦!!

呢個晚餐牛柳好好好味，係到目前為止最好味既一個!!

我家大少又正在催促我交還電腦給他了..可憐..
我以九秒九更新這網誌，要交腦啦，好味食譜明天才可補上!!

不手剁‧蒸肉餅

星期日起來去了元朗走走!!走了一轉回來..
午餐食了壽司，然後下午菜又食了牛腩麵，還食了滑滑豆腐花!!
飽得連晚餐也食不下，但我還是要給我家大少做飯呵!!可憐!!
這個元朗街市真係令我眼花繚亂呀..街市外兩條街已經多選擇了.. 再走入街市內，不得了!!兩層!!單單是魚販已經有幾十間!!
菜販又有幾十間選擇，然後豬肉販又要揀!!頭暈眼花呀...
競爭多了自然價格也會平，比我平時買的都平呀呵!!
同我平時去開既屋邨小街市真係相差太太太..太太遠啦!!
我想如果我住在這附近，每次買餸也要花上兩小時呵!!
少選擇也有少的好呵.."自我催眠 + 自我安慰"!!
打算簡單地包個餃子做晚餐，先買了豬肉攪碎吧!!
買完後卻走遍整個街市也找不到水餃皮呵!!唯有乖乖回家煮飯..
肉已攪碎了，硬將其整成肉餅，再加上大少買了過多的馬蹄肉!!
真的!!比起平時手剁的肉餅..的的確確係唔同既..差得遠了!!
噢..為了好味，這些功夫真的不能懶呵!!請勉強接受它吧!!
冬菇馬蹄蒸肉餅!!請勉強接受它吧!!

宅在家‧竹蔗水

天氣話變就變，話轉就轉，時熱時冷!!
病了，宅在家中，昏睡三日也未落左街!!

喉嚨乾涸時，有這竹蔗矛根馬蹄水多好..

牛肉湯‧椰菜花

重陽節假期!放假一天!返兩日放一日，返兩日再放兩日!!
真得很好很好!!但我很懶，邊度都無去過!!只係蝸居家中..
變成宅女囉!!但宅女同大少都要食飯嫁!!我地又不是練仙..
我發揮好太太精神搜雪櫃有個椰菜花喎!!其實我從未煮過呢個菜..
因為我家媽媽經常拿這個菜跟蕃茄炒!!軒嗎!!攪得我不吃了!!
出外食飯又唔叫呢個菜既..我對佢好陌生呀..
上次煮咖喱時諗住試下買黎加落咖喱度，但結果都係無加..
好彩上次無煮佢，由得佢待在雪櫃裡，今晚我地才有菜食呀!!
將昨日上堂的牛肉湯放在椰菜花上，放入焗爐焗10分鐘!!
這輕易成為了我的新菜色喎!!比起同蕃茄炒，美味百倍囉!!

西餐班 │ 匈牙利牛肉湯

哈哈!!今晚又去上堂啦，西餐班又煮又食啦!!
可能今日係假期前後，所以有好多同學仔無返呀!!
今日煮︰匈牙利牛肉湯，同 法蘭德斯焗豬排兩樣!!
呢個匈牙利牛肉湯同第一堂學既忌廉湯一樣步驟煩複..
不過我覺得今次呢個好飲過上次果個忌廉湯..
有左上次煮忌廉湯既經驗，今次明顯好左好多啦!

我在炒西冷牛肉粒ing..

我煲緊湯之際，阿SIR走黎救駕..

我煲的湯，我覺得比阿SIR既好飲..勁呀!!

匈牙利牛肉湯食譜(4人份量)
BEEF GOULASH SOUP

牛骨湯湯底
* 牛骨牛筋一磅，放入焗爐焗香
* 炒香洋蔥，西芹菜，紅蘿蔔，月桂葉，黑胡椒粒
* 放入茄膏攪勻，放入清水滾起轉小火煲1.5小時成為"黃湯底"
* 重點︰煲西湯講求清湯，因此煲湯時不用上煲蓋的..
如果無時間傶呢個湯底，可用清水或雞湯取代啦!!
準備蔬菜配料
* 洋蔥1/2個切粒* 紅蘿蔔1/2個切粒
* 西冷牛肉切粒(以鹽，白胡椒，粟粉醃)
蕃茄湯湯底
* 下一湯匙油及兩湯匙牛油落鑊加熱..
* 下2安士麵粉攪勻2分鐘王微黃..
* 下兩湯殼黃湯底，用拂蛋棒拂打至爛..
* 打爛它令其沒有粒，然後又再放一湯殼湯底，繼續打至爛..
* 共分4次下湯，這步驟做4次囉..
* 然後轉小火慢煮25分鐘..下鹽，胡椒粉，雞粉調味..
* 將湯用大筲箕隔渣，令湯底更加滑..
匈牙利牛肉湯
* 將上述雜菜粒，加入蒜蓉，紅粉，百里香炒香
* 將雜菜放入已隔好的蕃茄湯滾10分鐘
* 紅鑊加入牛油，放入牛肉粒炒香，攢入少許紅酒
* 將已炒的牛肉粒，入已隔好的蕃茄湯滾2分鐘

西餐班 │ 紫椰菜

尋晚放學返到屋企好努力咁諗住打食譜出黎...
揀相，整相，打宇...整左成個鐘..然後我upload啲相...唔郁..
等左好耐都唔郁..唔郁..唔係卦...呀..無啦..頭先打既野無晒!!
真係激死我呀..激死我呀..激死我呀..Y blog呀!!!
我..我唯有重頭再打過啦..結果太夜啦，只係打到一半!!

今日再寫返法蘭德斯焗豬排..
我覺得個豬排麻麻地者，質地好鞋呀..
反而配菜既紫椰菜酸酸地好好味喎..
所以我淨係寫個紫椰菜既整法就算啦!!

酸紫椰菜食譜 材料
* 紫椰菜一個切絲
* 紅蘋果半個切片
* 煙肉一片切粒
* 洋蔥半個切粒
調味 * 紅酒醋 / 鹽 / 黑胡椒碎 / 糖 / 丁香
製法
* 紫椰菜一個切絲，用鹽醃，然後揸乾水
* 炒香煙肉粒，加入紫椰菜絲加入清水或清湯烚20分鐘
* 放入丁香，蘋果片，紅酒醋，鹽，黑胡椒碎，糖滾10分鐘便可

最初我還以為紫椰菜烚左咁耐會淋晒添，但原來無喎，仍然脆脆的!!
我希望自己會有機會試整呢個!!不過我家大少唔鍾意這種酸酸菜既播..

極累下‧煮咖喱

今日真係好攰好攰呀，雙腳超級酸軟..累極了..
整個星期我都無煮過飯呀，連累我家大少日日都要叮叮!!
每晚大少都會問我︰有咩食呀.. 我總問︰水餃米囉..
雖然我每日都咁樣答，但大少可能唔想我煮卦..
今晚深夜放工時總會自己去便利店買叮叮食呀..
叮點心，叮烏冬，叮杯麵，叮牛雜，叮飯食!!
終於有一晚大少忍唔住好可憐咁問我︰可唔可幫我煮水餃米呀..
我可以呀，但打開雪櫃原來存貨水餃都無晒啦!!
好彩仲有包買水餃送既小雲吞呀，真係好彩啦!!

今晚雖然我好攰但唔想大少今晚再叮，我決定煮咖喱..
嘻嘻，煮咖喱其實因為我自己想聽日帶飯嘛..
在極度疲倦既狀態下為大少煮了這個日式咖喱雞，我抵讚!!

小包真抵讚

這星期六日真的很忙很忙呀..日出晚歸呀!!
下個月已經係妹妹既大日子，但我地仍然未準備..
星期六打算同媽媽去租衫，點知睇極佢都唔滿意!!
其實媽媽一心想度身訂造，真係浪費晒我啲腳骨力!!
原來佢睇見啲朋友北上造既又平又靚喎，早講啦..
唔駛租衫，轉戰去左行街，去左Mega Box，我從未去過..
半日內買左梳化，電飯煲，床單被袋，仲有超市戰利品!!
簡直係刺激消費呀..滿載而歸呀，返到屋企已經十二點幾啦!!攰!!

仍未完..星期日一早起身，因為要北上造衫呀..
起初有點擔心，啲款式各樣會唔岩心水囉..
媽媽的最難買，因為唔想太誇張，但又要岩場合..
行左幾個..幾個鐘..最後總算買到件岩心水既..
連我都有所得益，訂造左條晚裝裙，唔駛去行啦!!!

我覺得今日最抵讚既小包，小包真係好乖呀...
陪我地行黎行去，睇左幾個..又幾個鐘..腳仔都酸埋!!
但小包依然好乖無乜點扭計，只有少少唔聽話周圍行，無怨言要走..
佢既表現已經好好好，真係抵讚呀!!讚x100000000..
小包乖乖咁搵左張登仔坐低食餅餅..真乖..

終於買晒所有裙啦!!只係得番小包既裙未買者!!
這兩天真係真係好攰呀..好攰呀...但聽日仍然要返工!!
怎麼沒有八號風球再掛要了嗎..."妄想症發作"