煎‧蓮藕餅

買排骨一事後，我發現而家買餸真係愈來愈貴..

如果煮排骨成本都幾高喎，作為精明既煮婦，我都要識得變通一下至得啦..如果唔係就會比人投訴我買野買得貴啦..

自從我整蓮藕餅成功後，我覺得煎蓮藕餅成本其實唔算貴，而且又啱曬我家大少喜歡啖啖肉既感覺，而且我諗咁樣食比起食排骨，應該食太左肉既份量，但又會不知不覺咁..

簡直係抗通漲下既好煮意呀...

我的煎蓮藕餅食譜

材料

* 半肥瘦豬肉
* 鯪魚肉
* 蓮藕一節* 芫茜數棵切碎* 冬菇兩棵浸軟切碎


煮法

* 豬肉洗淨，攪碎，再用刀剁至起膠..* 蓮藕去皮切成小粒，冬菇及芫茜同樣切碎..
* 將所有材料放入大碗內，放入鹽及調味雞汁..* 以同一方向攪勻，放入雪櫃雪一小時..
* 取出放入栗粉拌勻，分成相等份量的..
* 先取一份量，並用雙手揉成圓波型，再按扁...
* 熱油後，下蓮藕餅慢火將一面煎至金黃色後..
* 再反轉煎另外一面煎至金黃色，再把周圍煎煎便可..

炆‧糖醋骨

最近物價非常高漲呀..

買排骨打算整糖醋骨，磅完後阿姐佈價七十幾蚊..即時"下"啦出黎..結果買少啲啦..

好耐無整糖醋骨啦，今次整得乾左少少添呀...不過我覺得仍然好味呀...

我的糖醋骨食譜

汁料

* 1湯匙玫瑰露

* 1湯匙生抽

* 1湯匙老抽

* 3湯匙鎮江醋

* 8粒甘香方糖

* 5湯匙水

煮法

* 排骨出水，瀝乾備用..

* 將汁料放入煲中煲滾..

* 將排骨放入煲中，滾起轉小火煮20分鐘

* 轉中火開蓋煮至收汁即可..

遊廸士尼

今個星期六原本要返工但我推左..

因為我約左一家人去廸士尼呀..廸士尼呢個活動係由公主小妹籌劃既..約曬成家人一齊去..當然目的係為左我家的哪位..小包公主啦...簡直係好似七個小人陪住公主..

小包雖然已經唔係第一次去廸士尼，但上次係兩年前，當時只有兩歲既小包睇見大大隻識郁既米奇老鼠嚇到喊..

今次就唔同曬啦..玩得好開心呀...對於每一個機動遊戲都好有興趣...睇表演睇到入曬神，好認真呀，緊張到不自覺地攞包媽隻手黎咬呀...太投入啦...

當然而家小包最愛既已經唔係米奇..而係公主了...包嫲係第一次去廸士尼同樣地興奮..

一家人一齊去廸士尼真係難得，當然最主要有小包才可成行..亦多得公主小妹的安排呵..

與小包一同入去廸士尼尋找..公主芳蹤呀...

煎‧薑蔥蓉雞排

放假後群症呀..放假時日夜癲倒曬..

返工前一晚凌晨三點都仲未瞓得著呀..但七點鐘就要起身啦...帶住一雙熊貓眼返工呀..

不過當返到公司已經無時間比我繼續發揮我既放假後群症，因為一個接一個既會議，充斥住我既時間..不過雖然我今日至開工，仍然可以收到唔少利是..呵呵..真係開心啦..
薑蔥蓉煎雞排..薑蔥蓉係自家製作，健康多了..覺唔覺得雞排造型有啲似蟹呀..

薑‧醋‧蛋

終於係我十日農曆新年假期..最後一日啦..

尋日我整了一道"豬腳薑醋蛋"，用的不是豬腳，而係豬手..配合農曆新年要食豬手嘛..第一次整薑醋，味道真係同平時食果啲好相似，真係好好味道呀..

我將薑切成薄薄的薑片，取代平時一大塊薑，薄薄的薑片更容易入口呀我都食到..平時一大塊既薑就食唔到啦...呢種食法我鍾意呀..薄薄地唔太辣呀..而且我仲落左幾粒話梅，所以係變種版既薑醋，同正宗有少少唔同..

買了一隻豬手尋晚食左一餐食唔曬，今日再食，尋日沒有配蛋，今日要加蛋浸了數小時...加了蛋更加似平時食得薑醋了...而家睇返都想食..可惜食曬啦..

假期完結，聽日要返工真係唔習慣呀...

我的薑‧醋‧蛋食譜

材料* 豬手一隻
* 薑一大塊


醬汁
* 八珍甜醋500毫升* 冰糖小塊* 話梅數粒


煮法* 豬手斬成小件，洗淨，放入滾水內出水..* 薑去皮，切成十數片薄片..
* 熱油後，下薑片略煎，倒入甜醋及下豬手..* 滾起下冰糖及話梅上蓋轉小火煲15分鐘..
* 熄火焗15分鐘，開蓋將豬手翻至另一邊，令豬手沾上醬汁..
* 再開火煲15分鐘，熄火焗15分鐘..
* 再開火煲15分鐘，熄火焗15分鐘..
* 完成上述步驟，基本上薑醋已經煮好了..
* 用另一隻鍋凍水下蛋烚熟剝殼放入已煮好的薑醋內浸..

拌‧海蜇雞拌

失蹤了數天的我返黎啦..

情人節年初六當我的戰友們已經開工之時..我仍樂於假期中..仍在陶醉呀..未返工呀..所以失蹤了..其實我跟小包一家人北上尋歡了..我跟我的小情人小包一齊過情人節呀...開心好多呀..

北上尋歡令我第一次在骨場過夜，凌晨三點鐘我仍在享受按摩呵..日夜癲倒曬啦我..哈哈..但我希望可以繼續過這種無拘無束既生活呵...唔駛睇錶唔駛趕時間返工..但好可惜我返黎啦...

年初七人日眾人生日...我家有訪客呀..連續幾天外食，我今日決定開爐啦...有人客黎食飯令人變得緊張，我好少會煮飯比外人食嫁..真係擔心唔啱佢口味呀...眾人認為我必煮我既撚手名菜..海蜇雞拌，無錯!!!因為失敗機會低，而且大家都鍾意..今次換了墊底的青瓜改以什錦拌菜..依然好味..

準備了一大盤竟然可以食曬喎...犀利..睇下裝盤的LC焗盤..我終於儲夠積分..換了呵..

滾‧開年火鍋

大年初一..出動拜年..

我家可愛的小包今年愛上了派利是，小包為我們每人準備了一封利是...哈哈..真攪笑..

小包堅持要去我家玩，於是乎年初一晚就帶了這小魔怪來我家過這年農曆年啦..日子變得超級充實呀..

年初二..居然有人來我家拜年..真係難得呀..今日有麻雀娛樂..發了些小財..然後準備了我們的開年火鍋呀...

 

炒‧團年米粉

年廿九..農曆新年前夕..

家族團年飯已經食左啦，今晚得我同大少倆個食..

遲左起身去到街市簡直係唔駛錢咁，咩都賣曬啦...好意頭既菜色比平日貴好多..我同大少就唔駛煮呢啲新年餸啦...結果我乜野都無買到喎..

我同大少講食餐蛋麵算吧啦...大少當然係無咩所謂啦，但我最後摷勻雪櫃既材料，最終煮左我同大少既團年炒米粉..哈哈..幾有新意..

大少認為好豐富啦..比餐蛋麵豐富吧...

睇睇..米粉後面..係我家今年既全盒...好靚呢..之後向屋企迎接蛇年來臨了..

煲‧蓮藕蠔豉湯

終於開始放農曆新年假期啦..

今年新年好好..因為年廿九係星期六，所以我可以早一日放假了..

新年期間家家戶戶都係煮賀年菜色，講真呀，其實我對大部分既賀年菜色我都麻麻地鍾意食既..乜榚乜榚..我既興趣都不大..所以新年對我黎講，真係無咩特別鍾意...

除蝦之外，另一個我比較鍾意既係.."蓮藕發菜蠔豉眉豆花生湯"，湯名很長呵..基本上所有材料寫曬出黎，係我另一個賀年菜色..我認為好好味，但媽媽總係會煲我唔鍾意既雞湯...

煮‧喼汁蝦

農曆新年將至..

我都要配合一下煮一啲賀年既菜色..我覺得一定要有蝦..哈哈笑..其實因為我鍾意食蝦嘛..

新年通常都會整茄汁蝦..紅紅橙橙咁..紅噹噹咁樣夠曬應節啦..我今次煮喼汁蝦..不過其實都有加茄汁嫁...哈哈..哈哈..

我的喼汁蝦食譜

材料

* 大蝦半斤
* 紅乾蔥三粒切碎


醬汁
* 茄汁兩湯匙* 喼汁半湯匙* 砂糖兩茶匙

(煮前先行試味，調啱至煮)


煮法

* 大蝦洗淨，剪去蝦觸蝦鬚..* 將蝦背界開，挑走蝦腸..
* 大蝦放入少許鹽及粟粉醃勻..* 熱油後，下蝦煎，兩邊煎至轉色金黃，取起隔油..
* 原鍋倒走多餘的油，下乾蔥碎炒香..
* 下蝦快炒兩下，將倒入醬汁快炒..
* 令每隻蝦也沾上醬汁便可了..

蒸‧咸蛋肉餅

之前我去大澳時整過曬咸蛋，當時曬咸蛋婆婆今日每人送左一隻咸蛋比我地，我用左呢蒸肉餅..

我今次整既方法同平時有少少唔同，平時我會將原粒咸蛋黃放向頂，好似一個火山咁，係火山肉彈...今次我將咸蛋黃切粒，插向肉餅唔同既地方，今次既造型好似..聖誕樹..嘻嘻..

上次去大澳時導遊姐姐有向我地介紹點解大澳居民會曬咸蛋...原來係好耐之前大澳居民要出海捕魚，魚網用蛋白浸過後用，魚網絲會比較堅韌，咁蛋白用左黎浸，蛋黃咪用黎曬成咸蛋囉...而家大澳居民係專登曬咸蛋，至於蛋白就用黎種菜沐花做肥料...

煎‧琵琶豆腐餅

今日起身後去左食野，然後去超市入貨呀..

我諗可能因為農曆新年既關係，我想買既野有幾樣都比人買曬，出前一丁，辛辣麵，米粉，生抽，統統都無得買，勉強地買到四個完整既杯麵呀..不過得一種口味者，不過比錢時都唔算太多人排隊..

我今日又試整新菜色，因為上次煎蓮藕餅成功啦，所以我至有信心整呢個，因為呢個比蓮藕餅更加難呀..就係煎琵琶豆腐餅，因為唔想炸..用煎既方法黎整琵琶豆腐..稱為"煎琵琶豆腐餅"..

材料好簡單，但煎既時候比較難，我唔係好有信心，所以我落多些油保險啲，分兩次煎，第一次比較大塊，第二次就細塊啲，精緻啲，亦煎得比較上靚啲...今次有切開，等大家可以睇下中間部分，總括黎講..算係成功既...

煲‧淮山茨實湯

我既糖果陣圖，上星期我卡住在第65關幾日..過極都過唔到呀..

我已經幾日無玩啦，我家大少比我遲開始玩，但佢已經超越左我了，仲要向我面前耀武揚威...車..我病左停左無玩者..如果我努力啲應該會好啲..我而家唔會比心心大少用嫁..激死佢..嘻嘻..

另一生病時想喝的湯，對腸胃很有益的..淮山茨實湯，材料非常簡單，很容易煲的湯，係我經常煲既一款湯，因為材料在屋企常備有，準備功能很簡單，只需要買一嚿豬肉就煲到了..

買了新相機幾個月從未試用過影黑白的功能，我用了這功能拍下這淮山茨實湯，很有特色呀呵..

煲‧蕃茄薯仔湯

生病既日子無乜胃口，唯一想飲湯..

我承認蕃茄是一種很有益的食物，但好無奈地眾所周知我是不食蕃茄的，整個蕃茄當然不會食啦..蕃茄薯仔湯會飲，但每次飲我都要好努力咁隔走蕃茄同薯仔渣，因為我都不鍾意食薯仔的..

今日我用隔渣將所有蕃茄同薯仔渣，純粹只有湯而已，這是我喜歡的，很順暢地一口氣喝下成碗，唔駛將下下就住就住喎..呢個係屬於我既蕃茄薯仔湯...非常好...