煮‧喼汁蝦

農曆新年將至..

我都要配合一下煮一啲賀年既菜色..我覺得一定要有蝦..哈哈笑..其實因為我鍾意食蝦嘛..

新年通常都會整茄汁蝦..紅紅橙橙咁..紅噹噹咁樣夠曬應節啦..我今次煮喼汁蝦..不過其實都有加茄汁嫁...哈哈..哈哈..

我的喼汁蝦食譜

材料

* 大蝦半斤
* 紅乾蔥三粒切碎


醬汁
* 茄汁兩湯匙* 喼汁半湯匙* 砂糖兩茶匙

(煮前先行試味，調啱至煮)


煮法

* 大蝦洗淨，剪去蝦觸蝦鬚..* 將蝦背界開，挑走蝦腸..
* 大蝦放入少許鹽及粟粉醃勻..* 熱油後，下蝦煎，兩邊煎至轉色金黃，取起隔油..
* 原鍋倒走多餘的油，下乾蔥碎炒香..
* 下蝦快炒兩下，將倒入醬汁快炒..
* 令每隻蝦也沾上醬汁便可了..