蒸‧咸蛋肉餅

之前我去大澳時整過曬咸蛋，當時曬咸蛋婆婆今日每人送左一隻咸蛋比我地，我用左呢蒸肉餅..

我今次整既方法同平時有少少唔同，平時我會將原粒咸蛋黃放向頂，好似一個火山咁，係火山肉彈...今次我將咸蛋黃切粒，插向肉餅唔同既地方，今次既造型好似..聖誕樹..嘻嘻..

上次去大澳時導遊姐姐有向我地介紹點解大澳居民會曬咸蛋...原來係好耐之前大澳居民要出海捕魚，魚網用蛋白浸過後用，魚網絲會比較堅韌，咁蛋白用左黎浸，蛋黃咪用黎曬成咸蛋囉...而家大澳居民係專登曬咸蛋，至於蛋白就用黎種菜沐花做肥料...