煮‧芫茜蜆意粉

心戰..我開始覺得有啲悶咁..

劇情發展得好慢咁既..定係我睇唔明白既呢..

到底係人..定係心魔呢..我都睇唔係好明白!!!

我諗我覺得適合睇番啲師奶劇集囉..

我仍然在追..追..韓劇呀..努力中..

一個人的芫茜蜆意粉，好久沒煮了..

煮‧羅宋豬扒通

請大家有沒有去掃益力多呢..

我估香港人應該未至於會信那些瘋言..

哈..哈..益力多竟然可以豐胸，甚至抗癌喎..

但這樣的瘋言也有人信喎，仲走去掃貨..

我認為這些傳言係益力多為求增加生意而傳出黎..

我諗我諗多左啦呵..

自從大個左之後都已經好少喝益力多囉..

哎..算吧啦，搶鹽，掃益力多，下次不知會是什麼呢..

充滿茶餐風味..羅宋豬扒通粉..

天降飛豬..哈哈..

昨天洗左張冷氣被..

晾左向露台度，今朝早擔心落雨..

臨出門口前去露台，打算收回張被..

突然間發覺到被上面有隻公仔向殊...

噢!!!噢!!我第一時間係度諗..

隻公仔係個天上面跌落黎既...噢!!

天降飛豬..

然後..第二個反應係...

唔通上面單位扔落黎既..噢!!!

但無理由扔符個位咁靚嫁..

我已經黎唔切思考啦...我要趕車呀...

急忙地走出門口，當落到樓下個人開始清醒..

覺得我頭先果兩個諗法係超級低能呀!!!!!

間屋除左我之外，仲有大少既喎..整鬼我..

午飯時忍不住要whatapp問問大少..

果然係佢呀...哈哈..我真係自己今朝好白痴喎...

當大少問︰個公仔你唔認得?...果刻..

我才醒覺...係上次我生日向海洋公園帶埋黎嫁..

噢..噢..係喎..但我無咩印象呢隻公仔向屋企待了半年..

我今日用了一整天時間，想也想不到..那隻豬..

出事前(被大少放出露台前)，到底係放係屋企邊個位置..

諗極都諗唔到呀...

只好怪我家太大了嘛...

回想我的超級低能反應...真係好白痴喎...

哈..哈..天降飛豬..咁都比我諗到..

證明我仍然好天真..哈哈...

蒸‧冬菇雲耳雞

昨天買了一隻雞..

用了半隻雞來整..魚翅骨雞湯了..

當大少回家時告訴我..今日午餐食了雲吞雞..

哎呀..哎呀..點解會咁嫁!!!我一早講左會煲雞湯..

大少明知返黎會喝雞湯，午餐仲食雲吞雞..

大少話因為無得揀喎..我總唔相信呀!!!

不過我都費鬼事理佢咁多呀..橫掂係佢食者..

我仍然堅持我煮的是比他午餐食的好..大少贊成!!

昨天買了一隻雞..

另一半我用來整左冬菇雲耳蒸雞喎..

這個成為了我和大少今日的午餐呀..

這隻雞很抵不用HKD40 ，又煲湯又蒸餸..

蒸前和蒸後的樣子呀..

我的冬菇雲耳蒸雞食譜

材料

* 雞半隻

* 雲耳4顆(浸軟)

* 冬菇4顆(浸軟)

* 薑2片

* 紅棗數粒

煮法

* 雞斬件洗淨，以豉油，鹽，糖，紹酒，薑片醃一晚..

* 將浸軟雲耳及冬菇去蒂，切成小件放入雞件中..

* 蒸前，放入粟粉至雞件中拌勻，放上紅棗在雞面..

* 煲滾水後放入蒸架，放上雞件盤大火蒸10分鐘便可..

# 今天家裡沒有任何青蔥呵，無得點綴下..

煲‧魚翅骨雞湯

還記得嗎..

上星期六的行山活動延期至今日...

不過昨日亦因為天氣擔心會下雨而取消..

好彩取消左咋，今早竟然是黃雨呀..

嘻嘻...其實向黃雨之際我正在熟睡中..

醒來時行出露台才發覺下過很大的雨..

好彩露台無曬衫者..如果唔係就..弊了..

跟大少落街食了個午餐後，決定煲湯給大少..

是啊..我是專登煲比大少既咋，係雞湯..

由細到大我都不太喜歡雞湯的..不知為何呢..

但這個雞湯我也覺得好味道的..嘻嘻..

大家也說用LC煲煲湯，水份不會走失很多..

但今次比我想像的水份走失比較多喎..

是不是我開得太過大火，但我已經用爐頭最小火..

我個人認為去雞皮後才煲的，但大少說連皮才香..

反正是他喝的，隨他吧，煲完後再用隔油壺也可..

魚翅骨雞湯是也..某人想學整這個..

好吧給您這個製作過程吧..

我的魚翅骨雞湯食譜

材料

* 雞半隻

* 瘦肉(HK$10)

* 金華火腿2小片

* 魚翅骨3片(浸軟)

* 薑，蔥適量

煮法

* 雞洗淨，瘦肉洗淨切成小件..

* 將雞及瘦肉放入滾水中汆水，撈起備用..

* 魚翅骨及薑蔥放入滾水中汆水，撈起備用..

* 煲滾水後放入雞，瘦肉，魚翅骨，金華火腿及薑2片..

* 中大火煲20分鐘，改至小火煲2小時便可..

* 最後下鹽調味，便成了魚翅骨雞湯了..

深紫‧紫椰菜拌

為了令自己可以健康啲..

食多啲食多啲菜，夏天時通常會多做涼拌..

因為我好喜歡食涼拌菜嫁..嘻嘻..

至於我家大少，菜對於他來說他絕對喜愛..

於是乎..我嘗試下唔同既菜做既效果..

第一次整紫椰菜..生平第一次買..

很特別的顏色呵，深紫色，美呀..

洗菜時，令水也變了紫色，美呀..

慢慢地流著..流著..水漸變成了淺藍色..

真係好特別呀..而且好靚呵!!!!

我不習慣生食，因此把它灼一灼..

再整成紫椰菜涼拌菜了..

經過一灼後，深紫色稍稍褪色了..

很明顯地這個新嘗試大少並不太愛..

沒關係的，我是自己的支持者嘛...

我的紫椰菜涼拌食譜

材料

* 紫椰菜半個

* 芝麻油適量

* 芝麻適量

煮法

* 紫椰菜洗淨，切成幼絲..

* 以鹽醃10分鐘至軟身..

* 將紫椰菜絲放入滾水中，下糖及鹽灼片刻..

* 撈起稍瀝乾，立即放入冰水中冷卻..

* 撈起榨乾水份，下糖，雞粉及鹽調味..

* 最後倒入芝麻油，灑上芝麻拌勻便可..

* 放入雪櫃內冷藏，更加好味呀..

試炒‧豉椒炒蜆

這兩天的天氣真不錯呵..

陰陰涼涼的，又唔太熱喎..

如果一直都係咁上下，唔駛再熱就好呵..

我近年愛上食蜆，我特別愛用水煮蜆..

因為有種獨特的味道，蜆鮮甜味呀..

相反..蒜蓉豆豉炒蜆很少煮喎..

可能一直覺得自己炒得唔係幾好..

今日又試炒了，結果唔太夠味了..

唯有下次再努力一點啦..

豉椒炒蜆的椒非紅辣椒，乃青椒粒而已..

過熟‧蒜蓉蒸蝦

心戰..您睇得明嗎..

編劇說..不希望我們腦殘廢..

讓我們多些思考下喎..用多啲腦呀..

雖然只係播左三集，但感覺還不錯呀..

蒜蓉蒸蝦，有點蒸過籠..過熟了添..

清醬‧生炒骨

有時出街見到啲醬料會買定返屋企..

等得閒煮既時候攞出黎就唔駛無啦..

諗得好好呵，但通常結果都係放埋一邊..

然後慢慢地..放到過晒期..然後迫於無奈..

為左清掉將會過期的醬料而煮的..生炒骨..

星期日在家有時間，排骨可以炸靚啲..

我的生炒骨食譜

材料

* 腩排2條

* 洋蔥1個

* 青椒1個

* 雞蛋1隻

* 酸甜骨醬1包

製作

* 排骨洗淨，以豉油，鹽，糖醃..

* 雞蛋發勻放入已醃排骨，沾上粟粉..

* 放入滾油炸至熟透撈起待用..

* 起鑊待熱下油，炒香洋蔥，青椒粒..

* 放入已炸排骨粒兜勻，下李錦記酸甜骨醬炒勻..

* 最後放入菠蘿粒炒勻即可..

# 臨炸前才沾上粟粉可保持脆度呀..

海鮮‧豉油煎蝦

星期日了嗎..

感覺這兩天過得很快呵..

好像什麼也沒有做過似的..

今晚好好的煮飯一頓晚餐..

三點鐘去街市，這個時間去有點好處..

就是街市人不多，我要定買未來幾日既餸..

好彩我早了點出門口咋..回家不久即下雨..

真係好彩呀..如果唔係下大雨就唔想出門..

去唔到買餸可能要叫外賣炸雞了..呵呵!!!

通常去街市的日子總會買些新鮮的海鮮..

海鮮中我最鍾意係蝦同蜆..喜愛呀..

今日整豉油煎蝦..偶一不謹稍為燶了添..

家鄉菜‧蟶子湯

今日原本有約會..係行山活動..

但尋晚因為天氣關係取消左..

點知取消左後..今朝天氣又幾好喎..

無落雨陰陰天唔太熱..好岩行山喎..激死我呀!!

可惜取消左，約會順延至下星期六..睇下點..

尋晚諗住方便去行山地點，去左娘家過夜..

點知取消左唔駛去..包嫲又話去打牌..

好無聊呀，因為娘家電腦又壞左..

結果得番我一個人..無無聊聊呀..

我決定去食個好味午餐，再一個人逛..

逛到咁上下，都係決定返屋企煮飯比大少食..

當我返到屋企時，返通宵既大少正在瞓瞓豬..

今日決定試煮家鄉福建菜..街外無得食既..

但包嫲以前成日煮比我食喎..嘻嘻..

鹹蛋勝瓜蟶子湯..來自包嫲教授..我第一次煮..

我當然無包嫲煮得咁好味啦..不過，清清地都幾好呀..

我的鹹蛋勝瓜蟶子湯食譜

材料

* 蟶子1斤

* 勝瓜1條

* 鹹蛋1隻

* 水500毫升

* 薑2片/薑汁

煮法

* 蟶子去殼，撕走黑色內臟部分，洗淨抺乾..

* 蟶子以鹽及薑汁醃，再用蕃薯粉拌勻..

* 勝瓜去皮，滾刀切件，鹹蛋蛋黃弄碎備用..

* 燒鍋水，水滾下勝瓜件，滾起再下蟶子..

* 滾起下鹽及雞粉調味後，再加入鹹蛋煮成花便可..

鹹蛋勝瓜蟶子湯製作圖

蟶子

蟶子去殼，撕走黑色內臟部分，洗淨抺乾..

蟶子以鹽及薑汁醃，再用蕃薯粉拌勻

鹹蛋蛋黃弄碎備用..

燒鍋水..

水滾下勝瓜件..

鹹蛋勝瓜蟶子湯完成品..

微信了‧糖醋骨

我終於開左..微信了..

開微信的原因完完全全為左一個人..

當然係我那位可愛的..小包公主啦..

>無錯個個小女孩都話自己係公主<<<

為左每日可以同小包溝通下..微信了..

多左微信這兩天小包的行程我好似變得瞭如指掌..

多得包媽全程直擊報導啦..嘻嘻..

這天被欽點又再煮..糖醋骨了..

幾乎每月必煮一次的菜色..哈哈..

無法啦，返工日子煮飯為了快靚正..

煮黎煮去都係果幾樣野既啦..呵..

我的糖醋骨食譜

汁料
* 1湯匙玫瑰露
* 1湯匙生抽
* 1湯匙老抽
* 3湯匙鎮江醋
* 8粒甘香方糖
* 5湯匙水
煮法

* 排骨出水，瀝乾備用..

* 將汁料放入煲中煲滾..

* 將排骨放入煲中，滾起轉小火煮20分鐘

* 轉中火開蓋煮至收汁即可..

鮮甜‧梭籮魚湯

今日多得地同事晨早幫我..買魚..

係呀，佢返工前九點鐘去買魚..

買完後吩咐魚檔阿姐劏..然後食飯時攞..

真係唔該晒佢呀..真係好幫手呀!!

買既係"梭籮魚"我未買過，亦唔知咩樣..

所以同事好好咁話幫我買埋囉..

第一次煲"梭籮魚"湯，HK$36一斤..

有點貴嗎..可能因為有劏魚服務啦..

據聞此魚煲湯很鮮甜..魚湯對我來說總是戰戰兢兢..

買返黎既梭籮魚一袋，有點魚腥臭呵..

一斤原來有唔少喎，有成大碗咁多..

煲好魚湯加入蕃茄同豆腐呵..

真係好鮮甜呀，感激同事的落力幫忙..

我的蕃茄梭籮魚湯食譜

材料

* 梭籮魚1斤

* 蕃茄2個

* 豆腐1磚

* 滾水500毫升

* 薑3-4片

煮法

* 梭籮魚洗淨抺乾..

* 燒紅鑊下油放入薑片爆香，下魚煎至七成熟..

* 下滾水中火煲20分鐘，用篩格走魚小骨，只淨下魚湯..

* 加入蕃茄件及豆腐件，滾起轉小火煲10分鐘下鹽便可..

意粉‧蘑菇帶子

尋晚返左娘家過夜..

放工到家已經有媽媽準備好的四餸一湯..

沖完涼可以舒舒服服咁坐向度食飯..

食完飯又可以unun腳咁坐向度睇電視..

又唔駛洗碗喎..真係爽呀..正爆登!!

好可惜..娘家的電腦壞了..無得上網..

我得無限上網手機又變得..龜速..龜速..

無辦法可以追韓劇啦.唯有早早去瞓了..

回到自己家便享用不到這些福利了..

飯要煮，碗要洗，但劇可追，覺唔瞓..

我的帶子蘑意粉食譜

*  青豆解凍，蘑菇切薄，帶子解凍印乾以鹽及胡椒粉略醃..

*  將意粉放入已滾水中，加鹽上蓋煮八分鐘..

*  煮意粉之同時，用平底鑊待熱下牛油，煎香帶子盛起待用..

*  平底鑊下一茶匙蒜蓉爆香，下蘑菇片及青豆略炒..

*  加入適量的Classico Roasted Garlic Alfredo醬煮至滾起

*  下鹽調味，最後放入意粉及帶子煮至滾起即可..

*  上碟後灑上乾香草及黑椒粉..

湯‧章魚蓮藕

母親節快樂呀..

幸運地，我家大少今日依然放緊假喎..

中午起來時，大少竟然話去飲茶喎..

我估計係會有好多人等位既..母親節嘛..

去到時發覺唔係好多人等位咋播..

事關等得大少黎，果刻已經三點鐘..

剛去到時酒樓經理同知客小姐講︰

有十幾樣點心已經無得賣啦!!!

嘩..一聽到咁樣我地梗係走啦..

另一間酒樓就貼住"正價收費"..

所以今日都係無謂去飲茶既啦..

飲完茶我地就去超市..逛一逛嘛..

戰車‧蝦仁炒蛋

難得既星期六..

仲要踫上我家大少一齊放假既星期六..

好可惜呀!!我竟然偏偏遇上今日有約會呀..

呢個約會係公司既義工活動介紹班..

既然答應左人做，就要全力以赴啦..

結果我唯有放棄我家大少啦..嗚..嗚..

獨自留佢向屋企呀..比個機會佢..

其實大少心底裡可能暗暗地歡喜呀..

約會結束後打比大少，佢竟然瞓緊..

所以我決定返屋企了..煮飯吧..

由於已經七點幾了，沒有去買餸既關係..

搜羅冰箱裡可以弄去三個精緻小菜...

好多得媽媽前幾日前送我的一包菜心呀..

八點三已經可以開飯了..時間幾好呀..

精緻小菜三之一︰蝦仁炒蛋哦..

飯後請動大少陪我去超市購物..右添糧倉嘛..

買下買下，買到成車都係呀..原本我打算我要幫手攞..

點知我家大少設計了這輛︰超市烈火戰車呀..

勁呀..令我可以輕輕鬆鬆，兩手fing fing行番屋企..

大家都覺得大少好有走水貨既天分呢..

我果刻都係咁諗..哈哈..

慶母親節放題

今年既母親節慶祝活動..

我好醒咁在早一星期前已經開始預備..

約齊人一早訂定枱..早幾日前食唔駛同人迫..

經過大家最終決定係食..日式放題︰松屋..

當然唔少得小包小朋友啦..好耐無見囉..

掛住食都唔得閒影相囉.野食只係影左一張..

小包係唔係好似賣綠茶同壽司廣告咁呀...

嘻嘻..今日又肥爆登啦!!!

酒糟‧話梅雞翼

天台話今日會係33度..

我以為會係好熱好熱好熱..

但實際上又唔係真係咁熱呀..

夜晚放工行番屋企時仲有陣陣既涼風添..

不過而家只係五月咋..已經咁既天氣..熱..

相信今年既夏天都應該好難捱下去啦..慘..

電費仲話要大幅度咁加費喎...唔係卦..

人工又唔見得有大幅度咁調整!!!

韓劇依然係未追完架喎..呵呵..

天氣熱既時候真係要食番啲凍野至得啦..

第一蒸‧多寶魚

潛左水幾日..

事關電腦比大少霸住晒囉..

不過我又無要求佢讓比我用既..

事關本小姐呢幾排正在醉心追韓劇呀..

哈哈..追韓劇同台劇最大唔同之處係..

台劇因為聽得明，所以我會一心二用地..

一邊睇劇一邊上網..節省時間呵呵..

但韓劇就唔得啦..我要追字幕呀..

我要好專心咁睇住啲字幕，唔可以分心呀...

大少就話啦，嘰嘰喳喳都唔知佢講緊咩囉..

雖然追劇但飯依然係要食既..嘻嘻..

我唔食大少都要食啦..唔係無家用囉..

第一次煮這種多寶魚..原來幾好味喎..

是晚感謝讓出的十分鐘呵..

我要繼續追..追劇囉...