爽涼‧萵筍涼拌

最近的天氣很納悶呀..

好像很熱很熱咁樣，但而家只係五月份..

我地還未食五月糭呀喎..已經覺得咁熱..

在這種悶熱天氣，其實真係唔係好想煮飯..

煮到身水身汗，滴晒大汗咁樣呀..

這時候，涼拌菜大派用場了..

這次試試新款式的涼拌菜呵..

這種菜好像是叫"萵筍"(但唔肯定)..

爽爽涼涼的..吃得舒服呀..正呀..

加上了黑芝麻，看起來多麼似奇異果呀..

我的涼拌萵筍食譜

材料

* 萵筍2條

* 芝麻油適量

* 黑芝麻適量

煮法

* 萵筍洗淨，刨走粗糙表面，只要幼嫩部分..

* 將餘下幼嫩萵筍刨成薄片..

* 將萵筍片放入滾水中，下糖及鹽灼片刻..

* 撈起稍瀝乾，立即放入冰水中冷卻..

* 撈起榨乾水份，下糖，雞粉及鹽調味..

* 最後倒入芝麻油，灑上黑芝麻拌勻便可..

* 放入雪櫃內冷藏，更加好味呀..