清醬‧生炒骨

有時出街見到啲醬料會買定返屋企..

等得閒煮既時候攞出黎就唔駛無啦..

諗得好好呵，但通常結果都係放埋一邊..

然後慢慢地..放到過晒期..然後迫於無奈..

為左清掉將會過期的醬料而煮的..生炒骨..

星期日在家有時間，排骨可以炸靚啲..

我的生炒骨食譜

材料

* 腩排2條

* 洋蔥1個

* 青椒1個

* 雞蛋1隻

* 酸甜骨醬1包

製作

* 排骨洗淨，以豉油，鹽，糖醃..

* 雞蛋發勻放入已醃排骨，沾上粟粉..

* 放入滾油炸至熟透撈起待用..

* 起鑊待熱下油，炒香洋蔥，青椒粒..

* 放入已炸排骨粒兜勻，下李錦記酸甜骨醬炒勻..

* 最後放入菠蘿粒炒勻即可..

# 臨炸前才沾上粟粉可保持脆度呀..