除夕夜

二零一二年的..最後一天..

今日已經是假期之十/十一，亦無計劃過做咩..

包媽問我得唔閒得帶小包出尖沙咀，所以我就咁去左尖沙咀..當然會叫埋大少啦..

我第一次同小包一齊去尖沙咀睇燈飾，不過所謂的睇只係真係睇下，唔認真既..將小包交比包媽後，剩低我同大少囉..

既然係大除夕，我同大少食餐好啦...我話去食壽司，大少問係唔係食放題喎..哎呀..去尖沙咀係臨時決定既，事前毫無準備，加上大時大節向無訂位情況下，要去食放題好似有啲難喎...

在無心插柳下，試下去問下，點知有位喎..呢間放題之前公主小妹食過話唔錯既，我就一家去食..結果..我認為係我近年食既日式放題最好食既一間...

我同大少最欣賞係未剝殼既甘蝦，真係好好好鮮甜呀...仲有三文魚腩同帶子刺身..串燒即燒，熱辣辣的呵...

去到尖沙咀先至知道原來今晚會放煙花，不過零晨至放，我同大少當然無等至倒數啦，大少話等幾個鐘放果幾分鐘...嘻嘻..配場等倒數..都係熱血青年至會做...所以我地返左屋企..倒數時正在家中呵..
2012年大除夕..的快樂..

海洋公園...生日遊

給自己的...生日快樂呀...

今日是假期之九/十一，亦係呢個假期中唯有一日有計劃既行程，就係去海洋公園啦!!!無錯，因為呢個係非常之抵既生日慶祝活動，自從小包出世後，基本上，每年既十二月總有一日我地會去海洋公園，一係大少生日，一係就我生日時去，自從小包開始返學後，我諗只可以等我生日果日去囉，因為一定係學校假期呵..

今年除左我同大少外，仲有公主小妹同姑丈哥哥一齊去，一行五人一齊去，公主小妹話︰我一個人既快樂建築係咁多既既痛苦身上喎(因為其他人都係要比錢入場)，不過好明顯佢唔係為左我，而係為左小包...嘻嘻..

四歲大既小包，今次係第三之去海洋公園，之前去次次都因為三歲以下唔駛比錢，今年我都想試下蒙混過關，唔買飛，入場前我同小包不停反覆測試..

志太︰小包，您今年幾多歲呀..
小包︰我5歲呀..
志太︰唔..去海洋公園時，哥哥姐姐問您幾多歲，您可以講3歲..
小包︰唔係..我5歲呀.老師話我5歲呀..我大個女啦，讀k2...
志太︰唔..係呀..不過其實您未5歲嫁喎，您4歲之嘛..
小包︰唔係...唔係..我5歲啦，我唔係3歲，3歲係BB，讀K1，我唔係呀..
結果，小包不停地.堅決地.堅持地..話自己係5歲...


第一站當然係去睇魚魚啦..

小包對於入場票，真係愛不釋手...成日睇住..數住呀...一共有5張呀..有海豚..有海獅..同埋熊貓..

睇完魚，進入精品小店，我地當然要影番幾張相啦，小包由一次攞住一隻公仔，之後慢慢一次攬住好多隻公仔，睇下小包笑得幾咁開心呵..嘻嘻..但小包影完相之後就會自動自覺地擺返回原位..真係乖啦...

之後，小包要去坐木馬，所以我地去左住旋轉木馬..然後去左新既懷舊香港地..我地第一次去，對小包來講，呢度毫無特別，最多咪有架叮叮咁囉..睇下小包成日攞住張地圖，指示我地下一站..真係勁呀..





坐覽車去另一邊，之後就去睇期待既企鵝啦，小企鵝比我想像中細隻，細細隻，成班企鵝行黎行去，真係好得意好可愛呀...之前有人投訴企鵝內太凍(咁都投訴)，哈哈..我地呢日本身外面都已經好凍，著晒厚褸，所以溫差唔大，唔覺得凍..我諗夏天黎就會覺得好凍囉...

離開企鵝館，小包開始扭計要抱..喊曬口，仲比大少剷..但最後都係大少屈服左，抱左小包一陣..哦..其實都係我地唔岩既..睇下個鐘原來已經兩點鐘..我地仲未食野，小包一定係又攰又肚餓呀..我地即時向小食亭買條腸同雞脾醫肚先，然後再去食野..


食完野就去左排隊坐幸福摩天輪，排隊排左45分鐘呀...坐都咁高，小包一啲都唔驚喎..仲不停向下望，坐都咁高上面真係好凍好凍好凍呀...食風摩天輪呀..我借埋條私家頸巾比小包用呀..

坐完摩天輪，即刻趕去睇海洋劇場，呢個係今日最後一場啦，亦係小包最期待睇既表演，好彩睇到者..其實表演內容同上年係一模一樣的，但小包依然睇得津津有味..


我問小包鍾意企鵝多啲定係海豚...小包依然係鍾意海豚多啲...


 

睇完海洋劇場已經入夜，我地撘小火車回到另一邊，再去了聖誕老人屋，最後係寒冷天氣下睇埋雙龍表演..就走了..小包同我講︰30號聽日我地再黎過，好不好呀??....哈哈..


離開樂園，坐巴士去金鐘，呢程車好短，小包依然活力充沛，之後轉另一架車返屋企時，就瞓爆了..叫極都唔醒啦...






近年年年都去海洋公園，我愈來愈覺得海洋公園幾好，幾岩小朋友去玩架，因為可以睇魚魚..睇熊貓..睇海豚海獅，今年去仲有企鵝睇添呀..呀..其實以呢個價錢去，我覺得唔貴嫁，當然生日免費優惠更加抵..抵..抵..讚!!

流浮山食..海鮮

今日是假期之八/十一..
今日不時地突然間會落好大的雨..
有點擔心會影響到聽日海鮮公園計劃..
大人就無所謂，但呢個係小包期待已久..
不過我很有信心，聽日會係好天既..嘻嘻..

生日前夕，請了小包來，順便跟家人食飯..
今次揀左去流浮山食..海鮮餐呀..
食過好多次，但今次係最不豐富的..
無辦法啦，物價不停上漲，同等價錢，質素就差了..
不過我仍然覺得食得很飽很飽呵..
豉油煎蝦同蒜蓉蒸象拔蚌真係好好好味嫁..

煎‧蒜蓉雞翼

今日是假期之七/十一..
每次燒野食都會剩低好多野..
每次大家都總係叫我攞返屋企煮..
因為大家都覺得我係會煮飯的人..
今次都唔例外，我繼續獲分配到很多食物..
兩盒雞翼..豬扒..腸仔..丸丸..這次還有菜..
真係可以唔駛買餸呀..嘻嘻..
既然攞左返黎我當然要好好善待..
幸好燒野食當日嫌麻煩沒有燒雞翼!!
晚餐..簡單的煎蒜蓉雞翼..

焗‧香橙豬肋骨

今日是假期之六/十一..
哎呀..話咁快我既假期已經過左一半..
我要好好好享受餘下既假期了呵..
今朝早起身，叫大少欣賞我既新頭型..
照例地，大少無咩特別反應..
只係話..而家鬈，過一排咪又直番囉..
無錯，呢個的確係事實不過上次直髮已經有兩年了..
今日大少放假，不過無出去呀..
落街食過午餐，留向屋企繼續hea..

晚餐當然留向屋企食啦..
今晚焗了香橙豬肋骨..係平安夜醃定既..
跟住就去左玩無煮飯.留到今日至焗呀..
醃左兩日但我仍然覺得味道較淡了..
用了一個新鮮橙汁黎醃，不過我又唔覺有橙味..
如果味道濃一點會更加好味..下次再重手一點..
醃前忘了在骨與骨之間界開，下次會記住吧!!

我的焗香橙豬肋骨食譜

材料

* 原條豬肋骨
* 紅蔥頭數粒去皮


醃骨料

* 老抽2湯匙(約)
* 叉燒醬2湯匙(約)* 鮮橙1個榨汁
[下醃料份量，我從來都是隨心，不會刻意量，只紀錄大約份量]


煮法

* 將豬肋骨洗淨瀝乾一開二，紅蔥頭去皮切半..* 將所有醃料放入大碗內，將豬肋骨兩面抺透..[為令更易入味，可在醃骨前，用刀在骨與骨之界界小刀]
* 將骨放入保鮮袋，紅蔥頭倒入保鮮袋..
* 將骨放入雪櫃雪過夜，我醃了兩晚..
* 從雪櫃取出骨，攤涼瀝乾汁液..取走所有的紅蔥頭..
* 將焗爐先行預熱15分鐘..
* 在焗盤上，放上架，將豬肋骨放在架上..
* 以250度焗20分鐘，反轉另一面再焗40分鐘..
* 中途不時地取出，在骨身上掃上汁液..
* 最後，在骨身上抺上蜜糖，焗5分鐘便可了..

Boxing Day Lunch

今日是假期之五/十一..
繼續係聖誕夜快樂呀...快樂呀..
聖誕夜打牌打通宵，打到腰骨都直埋呀..
瞓左幾粒鐘起身，同雀友搵食呀..
去左紅磡橫街小巷內的一間西餐廳..
食左一餐豐富的Boxing Day Lunch..
原本仲想叫蠔食..不過時間尚早，蠔仍未到..
結果除了餐外，還額外叫了白酒煮青口呀..

 

食完大餐後，各行各路了..
反正大少今日要返夜，我唔駛煮飯..
我就決定帶住疲倦既身軀去電髮呀..
結果一電就電左成六個鐘..真係腰都斷呀..
今日真係太攰啦...等唔大少返已經瞓著了..

小包聖誕禮物

今日是假期之四/十一..
聖誕夜快樂呀...快樂呀..
平安夜有兩個人的寧靜呀..
聖誕夜有大班人的嘈吵呀..

今日沒有再留向屋企啦..出左去..
但仍然係室內活動，只係轉左去另一個屋企..
我地選擇左用..竹戰+燒烤+打邊爐..黎慶祝聖誕節..
晚餐唔想外出同人迫..而且我地都有十幾人..
安排左向天台上..燒烤+打邊爐..無錯係兩樣呀..
因為一半人想燒野食，但有人又要打邊爐..
向天台上分成兩派，我就兩邊都食下咁啦...

今日玩得最開心既..係小包，玩足全日呀..
小包仲準備左張聖誕咭比我同姑姑呀..哈哈...
好彩我都準備左聖誕禮物送比小包...
晚飯..人潮散去..繼續竹戰至通宵呵..

焗‧紅蔥頭雞

今日是假期之三/十一..
平安夜快樂呀...快樂呀..
人大了，愈來愈不喜歡人多..
我已經不想再去在人堆當中睇燈飾..
我亦不再想花昂貴既錢去食所謂的大餐了..

我同大少繼續選擇留在家安靜地渡過..
我們的2012.12.24平安夜呵..
為了配合平安夜我今晚預備了焗雞..
配合大少中化的口味，這次用了中式的醃法..
咁耐以黎，我總共整過三次焗雞..
我認為今次是最好味道的，一點也不鞋，很嫩呀...

我尋晚一早揚言，我今晚會整焗雞既..
問大少是不是要配飯食呀..焗雞配白飯??
哎呀..哎呀..大少話好似配意粉好啲喎..
無錯，係大少主動叫我今晚煮意粉嫁!!!

我的紅蔥頭焗雞食譜(參考自熙媽食譜自我改良版)

材料

* 全雞
* 紅蔥頭8粒去皮


醃雞料(1)
* 鹽及紹興酒(適量)

醃雞料(2)
* 老抽4湯匙(約)
* 茄汁2湯匙(約)* 蜜糖1湯匙(約)* 五香粉2茶匙(約)

[下醃料份量，我從來都是隨心，不會刻意量，只紀錄大約份量]


煮法

* 將雞洗淨瀝乾，紅蔥頭去皮切半..* 用鹽將雞內外抺身，再用紹興酒雞內外抺透..
* 將所有醃雞料(2)放入大碗內，雞內外抺透..* 將一半的紅蔥頭塞入雞肚內..
* 將雞放入保鮮袋，將餘下的汁料及紅蔥頭倒入保鮮袋..
* 將雞放入雪櫃雪過夜..

* 從雪櫃取出雞，攤涼瀝乾汁液..
* 將所有的紅蔥頭全塞入雞肚內..
* 用棉繩將兩隻雞腿綁再一起..
* 將焗爐先行預熱15分鐘..
* 在焗盤上，放上架，將雞放在架上..
* 以200度焗20分鐘，反轉另一面再焗40分鐘..
* 中途不時地取出，在雞身上掃上汁液..
* 最後，在雞身上抺上蜜糖，焗5分鐘便可了..

焗‧原隻鹹豬手

今日是假期之02/11..
我繼續享受我既寧靜自在的假期..
每日我都問大少想食啲乜野新菜色..
大少連續幾次都係答︰雞脾呀..因為啖啖肉..
我沒有理會佢..煮乜野當然又我話事啦呵!!!!!

既然大少想要啖啖肉既感覺..
我就決意配合他啖啖肉既感覺..
所以我一於整返個...焗原隻鹹豬手..
這個有點配合節目氣氛..又可以配合大少口味..

這個焗原隻鹹豬手做法真的很..很...很簡單呵..
在超市買來一隻已調味的鹹豬手..然後將其解凍..
再將其原隻放入焗爐焗..焗至熟..焗至皮脆..
我最擔心的是可唔可以將皮焗至脆脆的..
結果很成功呀...有少少地方皮un..但大部分都是脆脆的呵...
焗這個豬手需時一小時以上，但我可以去做其他的事..

煎‧蓮藕餅

今日是假期之01/11..
無錯...我開始展開我11天的假期了..
這個假期目的是給自己休養生息界的..
沒有旅行..沒有活動計劃..大少亦沒有放假喔..
我會留在家，宅在家，煮飯比大少食呀..
我希望我既假期中可以每日都煮一道新菜色..
我希望我可以做得到啦!!!嘻嘻..

我同大少講我會煮新菜色..
大少︰唔係卦..您成日煮埋啲又中又西..唉..
志太︰我咁煮啲中化既新菜色囉..
大少︰您都知我係鍾意啲舊野，接受唔到新事物..

因應我家大少的要求，在諗新菜色時都要配合下..
我今日決定整..蓮藕餅呀..
不是現成的..由我自己親手整的..蓮藕餅..
結果非常成功呀..大少都鍾意呀..
 

我的煎蓮藕餅食譜

材料

* 半肥瘦豬肉
* 墨魚膠(現成買的)
* 蓮藕小節* 芫茜數棵切碎* 冬菇兩棵浸軟切碎


煮法

* 豬肉洗淨，攪碎，再用刀剁至起膠..* 蓮藕去皮切成小粒，冬菇及芫茜同樣切碎..
* 將所有材料放入大碗內，放入鹽及調味雞汁..* 以同一方向攪勻，放入雪櫃雪一小時..
* 取出放入栗粉拌勻，分成相等份量的..
* 先取一份量，並用雙手揉成圓波型，再按扁...
* 熱油後，下蓮藕餅慢火將一面煎至金黃色後..
* 再反轉煎另外一面煎至金黃色，再把周圍煎煎便可..

煮‧黃金蝦

世界沒有未日..
哈哈...咩事都無發生過呀..
我們依然開心快活地生存著呀..
冬至飯已經食左，不過其實無齊人下食..
是但啦..我從來都唔覺得呢啲節目好重要..
我同大少今晚都係各自分開食飯啦..嘻嘻..
冬至晚送上黃金蝦菜色..應下節吧啦..
又有黃金又笑哈哈咁..幾好呀..

我的黃金蝦食譜

材料

* 新鮮中蝦6隻
* 咸蛋黃2隻* 蒜頭1粒切碎

煮法

* 中蝦洗淨，在蝦身界開成花..* 蝦身以鹽及胡椒粉醃..* 咸蛋黃(只要蛋黃)隔水先蒸熟，取出壓爛成蓉..* 炸蝦前加入粟粉拌勻，熱油下鑊炸，轉色彎身取起備用..* 熱鑊下兩荼匙牛油，待牛油溶後下蒜蓉落鑊炒..* 由於牛油很容易燶，因此加入一茶匙油...* 加入咸蛋黃蓉炒，下中蝦落鑊炒勻便可..

釀‧雞翼

臨近聖誕節..
周圍都有不同的慶祝節目..
無錯呀..十二月真係令人好開心呀..
呢兩日好忙呀..我忙於放假前完成手頭上工作..
咁樣我就可以開開心心咁放假了呵..期待中..
如果明天真係未日..又可能唔知發生咩事..
之後唔知阿虎呢度變成點...唔會無左卦..
係可能未日前的最後一篇..
之前曾經有人問我上次釀雞翼的做法..
今日就再將釀雞翼寫一次吧..
 

我的墨魚膠釀雞翼食譜

材料

* 雞翼10隻* 墨魚膠(現成買的)* 芫茜數棵切碎

煮法

* 雞翼洗淨，在頭尾切開，沿骨拆開，取出雞骨..* 雞翼以鹽及胡椒粉醃至少兩小時..* 芫茜數棵切碎，混入墨魚膠內..* 取出雞翼，釀入墨魚膠進雞翼內..
* 煎雞翼前，雞翼身上拍上少許粟粉..
* 熱油後，下雞翼將一面煎至金黃色後..
* 再反轉煎另外一面煎至金黃色便可..

滾‧大眼雞魚湯

傳說中的世界未日..就在本星期五..
我唔知星期五會發生咩事..有咩事呢..
但個人而言就唔多相信..真係會世界未日..
今日報紙又話最新版本係會無光三日..
咁呢三日我地有無電..有無水呢呵..
我地要唔要準備大量乾糧向屋企呢..
如果世界真係未日..咁我地就只係淨返三日時間..
唉..唉..偏偏呢三日裡面我仍然要返工呀..哈!!
傳言中的世界未日當日..係冬節喎..嘻嘻..
上述為我今日睇完報紙所得的..
之前在放假時買了三條小小的大眼雞魚滾湯..
可能今次啲魚太細條了..被我滾得體無完膚呀..

我的蕃茄豆腐大眼雞湯食譜

材料

* 大眼雞魚3條* 小蕃茄3個* 豆腐1磚* 滾水* 薑3-4片

煮法

* 大眼雞魚洗淨抺乾..* 燒紅鑊下油放入薑片爆香，下魚煎香兩面..* 下滾水中火煲10分鐘，加入蕃茄件及豆腐..* 轉小火煲30分鐘下鹽便可..

滾‧大眼雞魚湯

傳說中的世界未日..就在本星期五..
我唔知星期五會發生咩事..有咩事呢..
但個人而言就唔多相信..真係會世界未日..
今日報紙又話最新版本係會無光三日..
咁呢三日我地有無電..有無水呢呵..
我地要唔要準備大量乾糧向屋企呢..
如果世界真係未日..咁我地就只係淨返三日時間..
唉..唉..偏偏呢三日裡面我仍然要返工呀..哈!!
傳言中的世界未日當日..係冬節喎..嘻嘻..
上述為我今日睇完報紙所得的..
之前在放假時買了三條小小的大眼雞魚滾湯..
可能今次啲魚太細條了..被我滾得體無完膚呀..

我的蕃茄豆腐大眼雞湯食譜

材料

* 大眼雞魚3條* 小蕃茄3個* 豆腐1磚* 滾水* 薑3-4片

煮法

* 大眼雞魚洗淨抺乾..* 燒紅鑊下油放入薑片爆香，下魚煎香兩面..* 下滾水中火煲10分鐘，加入蕃茄件及豆腐..* 轉小火煲30分鐘下鹽便可..

炒‧菇菇滑蛋

今晚係全民投選既頒獎禮..
我就無份投過任何一票既..
大部分賽果都好正常呀..反而最後一個獎..
令我都覺得可能..真正全民投票既結果呀..哈哈..
睇頒獎禮之前，好好準備晚飯比自己食..
尋日淨下了雪白白既菇菇..我唔知叫咩名..
我就第一次試用黎炒滑蛋..
炒完啲菇後出水唔少，再下蛋炒...
幸好我仍然可以炒出滑蛋既效果!!

炒‧豆豉雞

一直以黎..
我都覺得自己整全雞唔係好得..
我試過焗雞..蒸雞..炆雞..咖喱雞..
仲有炸雞..同埋大少愛既雲吞雞添呀
但統統我都覺得麻麻地呀..唔知係唔係關隻雞事呢呵...
今日唔放棄繼續整雞..買來全隻雞..
用呢整醬爆豆豉雞..我都係覺得一般者..
我覺得自己整排骨既本身高啲..
以後都係繼續整排骨算吧啦....

炆‧話梅豬手

上個月臨去日本前一晚..
我咪第一次試整左炆豬手既..
我用左話梅+黑米醋黎炆豬手..
我覺得味道同平時食既豬腳薑似似地..
我家大少就嫌比較酸了一點..酸了少少..
係呀..平時大少唔係好鍾意食酸酸甜甜既餸..
但偏偏我又鍾意喎..無辦法啦..佢唯有接受啦..
因為..煮權由我操控既嘛..一切由我決定的..
第一次煮加上距離煮果日已經隔了成個月了..
我已經唔係好記得..係點樣煮既啦..
如果我下次再有機會煮，我一定要好好記低食譜呵..

煮‧芫茜蜆米

今日負起同小包返學既工作..
嘻嘻..可能今日換左係我既關係啦..
我覺得小包好似特別開心咁呀..自我陶醉..

今日只得我自己一個人..出街食算吧了..
原本打算自己食完，輕輕鬆鬆返屋企睇大結局..
點知..大少打電話黎..問我有無準備消夜比佢食..
既然大少想食..我咪去買啦..專誠去買野返屋企..
雖然已去超市時已經係好夜了，但仍然有芫茜同蜆賣..
所以我決定整芫茜蜆米比大少食，好過食肉呀呵!!!
大少話個湯好鮮味呀...嘻嘻..我都好鍾意嫁嘛..

炒‧米粉米粉

今日係2012.12.12..
雖然是一個很特別的日子!!!
因為以後都唔會再有13.13.13..14.14.14..
在我地而言應該係無機會既啦...
但今日對我黎講毫無特別喎..
應該有既..係特別忙囉..因為身邊同事都放假了..
大少亦如常返工，如常地唔覆我的.."鑊烚"呀..
但我依然對佢好好既..今晚準備了炒米粉比佢食呀..

當大少返黎時..
大少話我做咩留咁多比佢呀..點食得曬喎..
志太︰我今日有.."鑊烚"您嫁..
大少︰我見到呀..
志太︰您見到又唔覆我..
大少︰您問我出左門口未唔嗎..
志太︰係呀..
大少︰果陣我未就係趕緊出門口囉..唔係我仲有閒情日緻覆您..我已去門口了..不用擔心..超..