炆‧話梅排骨

星期日..
今日係我家大少既農曆生日..
農曆生日快樂呀..生日快樂!!!
尋晚原本想同大少一齊去食消夜..
點知佢自己約左人食消夜，飛起我呀..
我又今日專登早啲起身打算同大少食晏..
跟住大少又話寧願繼續瞓，瞓多一陣...
大少仲話因為今日生日所以先夠膽要求瞓多陣..
車..車..車!!!我都費事理佢呀..
我自己走去食好過呀...結果去狙食台灣牛肉麵..
但係食完之後，我覺得好滯呀..食滯左呀..
買埋餸返屋企瞓陣晏覺..感覺良好..
今日用左上次整話梅豬腳剩餘既醬汁黎炆排骨..
話梅豬腳係去日本之前整既，食譜已經唔多記得添..
話梅炆排骨，酸酸甜甜咁，幾開胃呀...