滾‧大眼雞魚湯

傳說中的世界未日..就在本星期五..
我唔知星期五會發生咩事..有咩事呢..
但個人而言就唔多相信..真係會世界未日..
今日報紙又話最新版本係會無光三日..
咁呢三日我地有無電..有無水呢呵..
我地要唔要準備大量乾糧向屋企呢..
如果世界真係未日..咁我地就只係淨返三日時間..
唉..唉..偏偏呢三日裡面我仍然要返工呀..哈!!
傳言中的世界未日當日..係冬節喎..嘻嘻..
上述為我今日睇完報紙所得的..
之前在放假時買了三條小小的大眼雞魚滾湯..
可能今次啲魚太細條了..被我滾得體無完膚呀..

我的蕃茄豆腐大眼雞湯食譜

材料

* 大眼雞魚3條* 小蕃茄3個* 豆腐1磚* 滾水* 薑3-4片

煮法

* 大眼雞魚洗淨抺乾..* 燒紅鑊下油放入薑片爆香，下魚煎香兩面..* 下滾水中火煲10分鐘，加入蕃茄件及豆腐..* 轉小火煲30分鐘下鹽便可..