戰‧薑蔥田雞煲

因為大少一句話..

佢睇死我唔夠膽整田雞呀..

無錯我的確有啲驚，但比起玩狗狗..

我諗我會一定選擇煮田雞啦!!!

唔想比大少睇死我要挑戰下...田雞之戰呀..

哇哇哇大叫...唔驚..

揀田雞..唔驚..魚檔阿叔黎..

劏田雞..唔驚..唔使我動手..

最惡佈既劏完田雞仍然在袋裡面爭紮著..

返到屋企放埋一兩邊，確定唔會再郁至處理..

我決定用薑蔥魚腩煲既方法處理佢..

大少返黎見到田雞煲又唔係真係真驚訝..

大少只係輕描淡寫地同我講田雞..

大少︰田雞..唔係好貴既咩...

志太︰唔係呀..三隻唔駛三十蚊..

大少︰死左後..仲會郁既喎..您唔驚咩..

志太︰又唔駛我劏..我擺都佢唔郁至整咪得囉..

志太︰我用薑蔥應該係最正常既整法..

大少︰應該用黎煲飯..

志太︰整煲仔飯...(應該我有咁諗過)..

大少︰唔係放向飯上面蒸得既啦!!!..(登時興趣大減)..

我唔抗拒食田雞..但只係田雞腿..身就番比大少食吧啦..

好彩呢個薑蔥田雞煲味道唔錯，否則浪費我一番心機啦..

我的薑蔥田雞煲食譜

材料

* 田雞3隻

* 薑片大量

* 蔥段大量

* 蒜頭2粒

* 乾蔥頭2粒

汁料

* 生抽1湯匙

* 蠔油1湯匙

* 糖適量

* 紹酒半湯匙

煮法

* 田雞(當然係請魚販去皮去頭斬件，處理完至帶返屋企)

* 回家洗淨抺乾，以生抽，鹽，糖，蠔油，紹酒略醃..

* 將已醃的田雞件沾上粟粉..

* 熱滾油，放入田雞件炸熟至八成熟撈起隔油..

* 燒紅砂煲，下油放入薑片及蔥段爆香，下田雞件..

* 下汁料[生抽，蠔油，糖]與田雞件同炒便可..

* 將餘下的蔥段放上面，煲邊灑入紹酒蓋上蓋便可..

* 熄火上枱時，煲內仍然是..咋咋聲的..

我的No.63/100薑蔥田雞煲完成，田雞之戰成功獲勝了..