焗‧蝦多士

終於等到星期六啦...

唔知係唔係因為星期一放假..

所以明知道有三日假期所以特別開心..哈.

又難得大少今日終於留向屋企食飯啦..終於..

其實呢個可謂我不定文規條..星期六日唔可以約人..

因為我放假要陪我..所以想約大少既人請約他平日..

我話咗今日要整新菜色比大少食..我決定獻出第一次..

整田雞..哈..之前睇少我唔會整呢樣野..我要挑戰下..

不過我仲未整..因為未開始煮晚飯..聽日再寫田雞戰啦..

今日既下午茶試整咗想整好耐既"蝦多士"..

之前睇過好多食譜都係炸既..但好油我唔想..我決定焗..

效果都幾好呀..唔錯..唔錯..好啱我食..啱我口味..

用焗既方法應該係健康好多啦呵..

我的焗蝦多士食譜

材料

* 中蝦6隻

* 白麵包2片

* 雞蛋1隻

煮法

* 中蝦去殼剔腸，蝦身界開一半..

* 攤開蝦身拍扁，以鹽及胡椒粉醃..

* 焗爐以180度預熱備用..

* 雞蛋發勻，加入蝦內拌勻，再加入粟粉拌勻..

* 麵包片因應蝦大小切開，我以一分三份..

* 將蝦舖在麵包上，掃上蛋汁，再掃上一層油..

* 灑上少許芝麻後放入焗爐焗..

* 以200度火焗10分鐘取出，唧上沙律醬即成..

我的No.62/100 焗蝦多士完成，作為豐富的下午茶真係非常之好呀..

我個人認為焗完趁熱食係最好既!!!