煲‧淮山茨實豬展湯

原本我聽日攞左假..

因為之前大少買左兩張來回澳門船飛到期..

我成日都催促大少攞假一齊去..但佢唔騷我..

我知道大少明明聽日係放假既..

所以我好醒咁自己攞定假先..

跟著..大少就話佢聽晚約左人七點食飯..

大少︰可以去嫁，夜晚返黎食飯咪得囉..

志太︰您估我第一日識您呀...等得您出門口..已經隨時十一點..

仲要趕返黎七點鐘..咪即係淨係坐船去坐船返囉..

您唔去食飯咪得囉..您揀呀..去澳門定去食飯呀..

大少︰食飯..然後搬出一堆解決方法..

叫妹妹星期六陪您去囉..帶埋小包去囉..

我真係費鬼事理佢呀..心淡..唔想講落去呀...

我只係好冷靜咁whatapp..我決定我自己一個人去!!!!

我唔係講笑..我果刻真係諗住自己一個人去澳門一轉..

兩個鐘後..

大少打電話黎話︰聽日我真係唔得呀..

大少︰不過我十一號去喎...

妖..妖...即係十一號同我去呀...

我前排煲左淮山茨實豬展湯..

包嫲話健脾益胃..而且非常容易煲..

不過大少咁衰其實唔應該咁好煲湯佢飲..