鹹蛋‧裂紋

尋晚，我失眠呀..

瞓唔著，行出露台吹吹風..

攪到大少撲出黎以為我有心事唔開心添..

終於理下我啦，唔會淨係顧住部電腦囉..

我迫大少同我傾計..不過佢瞓向床上面眼仍然向電話上..

志太︰尋日奇洛李維斯向我公司附近拍戲呀..

大少︰超..明星我成日都見既啦!!!!

志太︰咁..邊個明星您印象最深刻呀...

大少︰唔...XXX(某女星名)..

志太︰呵...咁邊個女明星最醜樣呀...

大少︰XXX(本人全名)囉..

志太︰嘩...原來我係您心目中係等於明星架...嘩哈哈....

大少已經反白眼唔再理我啦!!!!

上述為昨晚凌晨無聊對話節錄..

返回今日正題...

自從我醃左鹹蛋後..我每日都走去睇下佢既情況...好無聊呀呵..

今日我發現到最底果隻出現左裂紋呀...點算好呢呵...

係唔係我上面壓得太勁，攪到最底果隻裂左呢...

我要唔要處理佢呢，還是唔駛唔理佢呢..

如果唔理佢，佢又裂左，會唔會影響其他果三隻呢...

會唔會一個月後至發現失敗呢...

請各位有經驗人士賜教...謝謝..