煮‧韓風辛辣麵

我家大少朋友多，同事多，應酬多..

今日同呢個食飯..聽日又同邊個食飯..

唯獨是係唔鍾意同我食飯者呵...

尋晚大少同我講︰原來我聽日比左錢去..釣墨魚喎..

哈...哈...好耐之前已經比錢..我都唔記得係聽晚添...

講..講.講一大堆廢話咪係想講..聽日去玩，唔同我食飯..

哎呀..我成日都問大少..如果有一日我突然間瓜咗..

您會唔會後悔無好好咁對我好...後悔陪得我太少呢..

大少不語..唔想騷我卦..我明既..

當我自己一個返到屋企時..孤獨地煮個辛辣麵食下..

呢排睇得韓劇多..吹韓風..加上公主小妹岩岩韓國返..

買左啲正宗韓國出品既辛辣麵比我試...

煮前差啲..攞錯左中國製造果包添...好彩睇得到..

配襯埋呢個韓國買返黎既煲..韓風上身..

再開多包紫菜黎食..

韓國買既同香港買既辛辣麵辣味係唔同既..

韓國既辣好似刺激啲喎..>>以前我唔辣得..去韓國根本無買過..

當我食既麵之際..就收到我家大少既whatapp..

睇下佢既釣墨魚成績..

超...得果兩隻...屎到痺!!!!