想‧三文魚頭湯

某天..

我突然間好想飲魚湯，係奶白色果種魚湯..

之前都煲過魚湯，不過有時唔係好成功..

我有倒入熱水但仍然煲唔出奶白色播..

但既然我想飲..

唯有再接再厲試下，試下自己煲下魚湯..

原本想買小魚黎煲，可惜好遲至去街市..

魚檔已經無咩魚賣啦..突然間見到有三文魚頭..

所以決定煲蕃茄三文魚頭湯..

唔知係唔係今次用左LC煲既關係呢..

真係煲出奶白色既三文魚頭湯呀..

連我家大少都覺得唔錯呀..嘻嘻..

我只係負責飲湯，成個魚頭都係大少吮既!!

我的蕃茄三文魚頭湯食譜

材料

* 三文魚頭1個

* 蕃茄2個

* 豆腐1磚

* 滾水500毫升

* 薑3-4片

煮法

* 三文魚頭去鰓洗淨抺乾..

* 燒紅鑊下油放入薑片爆香，下魚頭煎香三面..

* 下滾水中火煲15分鐘，加入蕃茄件及豆腐件..

* 滾起轉小火煲20分鐘下鹽便可..