悶透‧蠔油素菜

今日公司有好多人都放假..

無錯..我就係要返工果個員工..

唉..今日要返工者，真係悶透了..

身邊個個同事都放假，我獨對空位..

真係真係好想快啲放工..快啲鬆人走..

好好享受我有的四日復活節假期呀!!

今日晚餐諗左好耐煮啲咩好..諗呀.. 諗呀..

我想返夜返黎既大少食多啲菜，所以決定煮素菜煲..

我想問點解啲蓮藕有時會變成紫色，有時又唔會既呢??

我的蠔油素菜煲食譜
材料
* 娃娃菜1包
* 蓮藕1節
* 杏鮑菇1個
* 金菇1包
* 本菇1包
* 粟米芯1包
煮法
* 蓮藕去皮切片，與粟米芯放入滾水略灼撈起..
* 娃娃菜洗淨切小條備用..
* 金菇，本菇去根撕開，杏鮑菇切片備用..
* 燒紅鑊，下油待熱，下娃娃菜炒至稍軟身..
* 順序地放入蓮藕片，粟米芯，杏鮑菇，本菇，金菇同炒..
* 炒至所有材料熟透，下蠔油同麻油調味..
* 整個過程切忌不要下鹽調味，否則素菜很快會變酸，不能放過夜..