愚人‧山竹牛肉

今日大少說很累了，不去食早餐了...

結果大少果然係一返黎就去左瞓，連電腦都無開..

我就獨個兒去食早餐兼買餸，尋日買左包免治牛肉..

好耐之前已經想試整山竹牛肉了，一直沒有實踐..

上網搵了如何整山竹牛肉的食譜，好似唔係好難者..

結果..結果係超級難食，超級難食呀..仲枉我用咁多時間整..

我自己果關都過唔到，至於大少就無出聲既..我知既...

但我好不爽呀..用左咁多時間去整，居然咁難食，真不爽!!!

我揚言以後每餐都食蒸掛骨，同菜心，包保無事啦..

大少居然話無問題喎，係您自己成日要攪咁多野之嘛...

洗完碗才驚覺..原來今天係愚人節喎，真係應景啦..

我的No.53/100山竹牛肉，非常失敗，非常失敗，是53道中最失敗的一個，不會再煮這個了..