流心了‧溏心蛋

轉眼咁快已經係復活節假期第四天..

點解放假快樂既時間過得咁快既..

我一直好想試整..溏心蛋..流心果種..

但遲遲無行動無整過，原因係大少唔食蛋黃..

而且為左浸蛋要用好多豉油去浸，我覺得好浪費..

但既然我已經整一大鍋滷水汁，所以我順便倒起少少..

假期第一日我嘗試了整，當時從雪櫃攞蛋出黎攤凍..

當然結果係失敗左..失敗原因最大可能性係時間控制..

網上有好多不同版本的食譜，各人所用的時間都不同..

試左一次失敗左，我再努力咁試多一次..

為左增加成功率我專登去街市買未雪過既農場蛋..

因為大少唔食，我自己一個試整左三隻..

結果有一隻向剝蛋時已經失敗左..剩餘兩隻..

浸左三個鐘左右啦，浸既時間忐忑不安..唔知成唔成功..

切蛋時好緊張..好緊張..唔知會唔會成功..嘻嘻..

成功啦!!成功啦!!成功整到流心既溏心蛋呀.. 

我明知大少唔鍾意食蛋黃..

但我整溏心蛋機會咁難得，我逼大少食一隻..

大少當然唔可以反抗啦，唔係我會嬲嫁..

食完之後，問大少好唔好食呀..

大少斬釘截鐵地︰唔好..

我的溏心蛋食譜

材料

* 雞蛋3隻

浸蛋汁料

* 清水3湯匙

* 生抽3湯匙

* 老抽3湯匙

* 味淋1湯匙

煮法

* 雞蛋放入凍水中，水浸過蛋面，下鹽及白醋，開火煮..

* 煮的過程中不停地攪動鍋中的蛋..

* 水滾起計時4分鐘，撈起雞蛋放在水喉下沖水4分鐘..

* 將蛋放入冰塊中冷凍..剝殼..

* 剝穀雞蛋浸在汁料中，浸最少三小時便可..

# 其實這個是作為我的紀錄，因為鍋的大小，雞蛋的大小是非常關鍵..

我之前也失敗呵!!好幸運地第二次就成功了，真高興..