推介‧什錦鍋飯

今日係清明節呀，所以放假一天呵..

放完假既大少又開始要返夜了..

通常遇到我放假大少又返夜既日子..

我同大少都會落街一齊食午飯的..

最近物價超級高漲呀..普通一個碟頭飯也要幾十蚊..

於是乎，我今日決定自己早點起身煮..

由於無買餸，只可以摷摷雪櫃有的材料..

然後煮這個什錦鍋飯，用我的LC24煲..

這個飯由細到大媽媽不時也會煮給我們食..

我自己就第一次嘗試煮..煮法亦是以前聽媽媽講..

我用我有的僅存記憶..嘗試去煮一煮..

味道是不錯呀，很成功的，大少食了兩大碗呵!!

在這物質高漲的時代，這個真是一個價廉物美的午餐呵..

絕對值得推介的，簡直係又平又靚又好味..

我的什錦鍋飯食譜
材料
* 豬肉碎半磅
* 小甘荀1個去皮刨絲
* 冬菇4顆浸軟切絲
* 瑤柱2顆浸軟撕開
* 炸魚片切小件* 白米2杯
* 水2杯(量米杯)

煮法
* 豬肉碎用生抽，鹽，糖，粟粉醃備用..
* 燒紅鑊下油，放入冬菇絲炒香，放在鑊旁邊..
* 放入豬肉碎略炒，再放入甘荀絲同魚片炒..
* 再放入瑤柱絲，及白米同炒..下鹽及雞粉調味..
* 最後下2杯水，中火待滾起，轉最小火煲20分鐘..
* 熄火焗5分鐘，灑上蔥花即可..
* 如果不怕油的話，可倒入紅蔥油，便更有風味..
如果沒有鑄鐵鍋也沒有關係，用鑊炒完後，倒入電飯煲煲熟便可。
我媽媽平時也是用電飯煲煮給我們吃的呵..