粟米‧牛肉鍋飯

終於等到放假啦，四日既假期..

我想好好休息下，我想四日也會宅在家..

我真係完全無咩動力想出街，當然落街買野同食野都會..

但應該唔會要搭車出去街果種囉..我想宅在家呀..

放假第一天午餐，照抄了清明節那鍋飯作藍圖..

為了要解決雪櫃內的那包快過期的牛肉碎..

今次用了其他新配搭，睇下味道是如何..

結果還是上次的配搭好味些，媽媽的味道嘛..

大少又要返工，我好好享受一個人宅在家的感覺..

我的椰菜粟米牛肉鍋飯食譜
材料
* 牛肉碎半磅
* 小椰菜1個切絲
* 磨菇4顆切片
* 超甜粟米1支
* 白米2杯
* 水2杯(量米杯)
* 黑芝麻及蔥花少量
煮法
* 超甜粟米放入已滾水中灼，撈起起粒備用..
* 牛肉碎用生抽，糖，粟粉醃備用..
* 燒紅鑊白鑊，放入磨菇片炒香，撈起備用..
* 燒紅鑊下油放入椰菜絲軟放至鑊邊..
* 下牛肉碎略炒，再放入粟米粒同磨菇片炒..
* 再放入白米同炒..下鹽及雞粉調味..
* 最後下2杯水，中火待滾起，轉最小火煲20分鐘..
* 熄火焗5分鐘，灑上黑芝麻及蔥花即可..