古法蒸‧鮸魚件

魚..這個食材我在這裡很少有這種菜色..

因為我整黎整去都係蒸倉魚..蒸桂花魚..蒸鯇魚等..

清蒸魚理論上很安全，煎魚就偶爾成功，但有時會失敗..

就係因為整黎整去都係蒸魚，我成日都想試下整下其他..

之前曾經想過整媽媽的味道，但不知如何入手是好的..

等我有機會走入媽媽廚房觀摩一下至得..嘻嘻...

這個鮸魚，想買時心裡自我盤算著用來煎..盤算著..

多口問句阿姐點整好呀，阿姐話咁新鮮用黎蒸啦...

清蒸又得，蒜蓉蒸又得，豆豉蒸亦可以喎...

但我通通唔想，我突然間記得好似曾經向某地方睇過..

好像不是在網上，應該係睇電視卦..稱為"古法蒸魚"...

這方法不錯，我覺得很好味呀..下次可以再煮喎...

我的古法蒸鮸魚食譜
材料
* 鮸魚1片
* 瘦肉極少量
* 冬菇2顆
* 紅棗2顆* 蔥絲適量

煮法
* 鮸魚洗淨，抹乾放在碟上..
* 瘦肉切絲，用生抽，鹽，糖，粟粉醃備用..
* 冬菇去蒂切絲，用生抽，糖醃備用..
* 將瘦肉絲，冬菇絲，紅棗放在鮸魚上..
* 放入已滾的水鍋中蒸10分鐘..
* 取出魚，倒去碟上的水...
* 在魚面上放入蔥花，加入蒸魚豉油，贊上熟油便可.. 我的No.52/100終於完成了，古法蒸鮸魚，下次要再煮，因為真係好好味..